完整藏文原文 · 德格版页 当前仅加载第 47 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་རབ་ཏུ་གནས་པས་དེ་བཞིན་གཤེགས་པས་རྗེས་སུ་བསྲུངས་ན་བདག་སྣོད་དུ་འགྱུར་བར་བྱའོ། །མཽད་གལ་གྱི་བུ་ཁྱོད་དེའི་ཚེ་དེའི་དུས་ན་བྱང་ཆུབ་སེམས་དཔའ་གཅིག་པོ་ཆོས་ཀྱི་སྣོད་མ་ཡིན་པར་གྱུར་པ་ལྷ་ཚེ་རིངས་པོ་རྣམས་ཀྱི་ནང་དུ་སྐྱེས་པར་གྱུར་པ་དེ་གཞན་ཡིན་པར་སེམས་
D99.047.0187b01.01ན་དེ་ལྟར་མི་བལྟ་སྟེ། དེ་བཞིན་གཤེགས་པ་བདུད་རྩིའི་འོད་དེ་དེའི་ཚེ་དེའི་དུས་ན་བྱང་ཆུབ་སེམས་དཔའི་སྣོད་མ་ཡིན་པར་གྱུར་ཏེ། ཆོས་ལ་བརྙས་པ་བྱས་པས་ལོག་པར་ལྷུང་ངོ་། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་གང་གིས་སེམས་ཅན་དེ་ཡོངས་སུ་སྨིན་པར་
D99.047.0187b02.01མཛད་པའི་དེ་བཞིན་གཤེགས་པ་དེ་གཞན་ཡིན་པར་སེམས་ན་དེ་ལྟར་མི་བལྟ་སྟེ། དེ་ནི་དེ་བཞིན་གཤེགས་པ་དོན་ཐམས་ཅད་གྲུབ་པ་ཡིན་ནོ། །དེའི་ཚེ་སེམས་ཅན་དེ་ཡོངས་སུ་སྨིན་པར་བྱ་བའི་དོན་དུ་བསྐལ་པ་གྲངས་མེད་པར་བཞུགས་ཀྱིས་ཀྱང་སེམས་ཅན་དེ་ཡོངས་སུ་སྨིན་པར་
D99.047.0187b03.01མཛད་པར་མ་སྤྱོད་དོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔའི་ཐེག་པ་ལ་ཡང་དག་པར་གནས་པའི་རིགས་ཀྱི་བུའམ། རིགས་ཀྱི་བུ་མོས་དེ་བཞིན་གཤེགས་པ་མངོན་པར་དགྱེས་པར་བྱ་བའི་དོན་དུ་བདག་སྣོད་དུ་འགྱུར་བར་བྱ་སྟེ། དེ་བཞིན་གཤེགས་པ་རྣམས་
D99.047.0187b04.01ཀྱི་ཐུགས་སྐྱོ་བར་འགྱུར་བར་མི་བྱའོ། །མཽད་གལ་གྱི་བུ་ངས་ཏིང་ངེ་འཛིན་ཤེས་པ་འགོག་པ་ཤེས་པར་བྱ་བའི་དོན་དུ་སྔོན་བྱུང་བ་འདས་པའི་དུས་དེའི་ཕ་རོལ་གྱི་ཡང་ཆེས་ཕ་རོལ་ན་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སེམས་ཅན་
D99.047.0187b05.01རྣམས་ལ་ཇི་ལྟར་ཡང་དག་པར་རབ་ཏུ་བཤད་པར་བྱ་སྙམ་ནས། དགེ་བའི་རྩ་བ་རྣམ་པ་སྣ་ཚོགས་རྒྱ་ཆེ་བ་དཔག་ཏུ་མེད་པ་དག་མངོན་པར་འདུས་བྱས་སོ། །མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་པ་དེའི་ཕ་རོལ་གྱི་ཡང་ཆེས་ཕ་རོལ་ན་རྒྱལ་པོ་བློ་
D99.047.0187b06.01གྲོས་དག་པ་ཞེས་བྱ་བ་ཞིག་བྱུང་སྟེ། དགེ་བའི་རྩ་བ་དཔག་ཏུ་མེད་པ་དང་ལྡན་པ། དེ་བཞིན་གཤེགས་པ་དཔག་ཏུ་མེད་པ་རྣམས་ཀྱི་ཚངས་པར་སྤྱོད་པ་ཤིན་ཏུ་སྤྱད་པ། དེ་བཞིན་གཤེགས་པ་དེ་དག་གི་རིམ་གྲོ་པ་ལན་མང་དུ་བྱས་པར་གྱུར་ཏོ། །དེ་དེ་བཞིན་གཤེགས་པ་
D99.047.0187b07.01