完整藏文原文 · 德格版页 当前仅加载第 47 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་དུ་བྱུང་ངོ་། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐོགས་པ་མེད་པའི་སྤྱན་དེའི་སངས་རྒྱས་ཀྱི་ཞིང་ནི་གང་གཱའི་ཀླུང་གི་བྱེ་མ་སྙེད་ཀྱི་སྟོང་གསུམ་གྱི་སྟོང་ཆེན་པོ་དག་བྱུང་ངོ་། །སངས་རྒྱས་ཀྱི་ཞིང་དེར་སེམས་ཅན་གང་ཀུན་ནས་ཉོན་མོངས་
D99.047.0167a01.01པའི་ཚུལ་ཁྲིམས་སམ། ཀུན་ནས་ཉོན་མོངས་པའི་སེམས་ཅན་ཐམས་ཅད་དུ་གང་མ་སྐྱེས་ཏེ། སྔོན་ཡང་དག་པར་རྫོགས་པའི་སངས་རྒྱས་དང་། དགེ་བའི་རྩ་བ་བསྐྱེད་པའི་སེམས་ཅན་དེ་དག་ཐམས་ཅད་ནི་དེ་བཞིན་གཤེགས་པ་ཐོགས་པ་མེད་པའི་སྤྱན་དེ་ཉིད་དང་ལྷན་ཅིག་ཏུ་དགེ་བའི་རྩ་བ་བསྐྱེད་དོ། །
D99.047.0167a02.01དེ་ནས་དེ་བཞིན་གཤེགས་པ་ཐོགས་པ་མེད་པའི་སྤྱན་གྱིས་སེམས་ཅན་དེ་དག་གི་བསམ་པ་ཐུགས་སུ་ཆུད་ནས། དེ་བཞིན་གཤེགས་པའི་སྟོབས་བཅུ་དག་གི་བསྔགས་པ་བརྗོད་དེ། དེ་བཞིན་གཤེགས་པའི་སྟོབས་བཅུ་དག་ལ་བརྟེན་ན་ཕུན་སུམ་ཚོགས་པ་ཐམས་ཅད་མངོན་པར་འགྲུབ་པར་འགྱུར་
D99.047.0167a03.01བས། དེ་དག་ཁོང་དུ་ཆུད་པར་བྱ་བའི་དོན་དུ་ལུས་དང་། པགས་པ་དང་། རྒྱུས་པ་དང་། རུས་པ་སྐམས་ཤིང་ཁོག་པ་དང་། ཤ་དང་ཁྲག་ཡོངས་སུ་སྐམས་ཀྱང་བརྩོན་འགྲུས་བརྩམ་པར་བྱའོ། །གལ་ཏེ་བརྩོན་འགྲུས་བཏང་ན་དེ་བཞིན་གཤེགས་པའི་སྟོབས་བཅུ་དག་མི་ཐོབ་པར་འགྱུར་
D99.047.0167a04.01རོ། །དེ་དག་ཐམས་ཅད་བརྩོན་འགྲུས་བརྩམས་པ་དེ་དང་ལྡན་པས། དེ་བཞིན་གཤེགས་པའི་སྟོབས་བཅུ་ཐོབ་པར་བྱ་བའི་ཕྱིར་འབད་དོ། །དེ་བཞིན་གཤེགས་པ་ཐོགས་པ་མེད་པའི་སྤྱན་དེ་ནི་དེ་དག་ཐམས་ཅད་ཀྱི་སྔོན་དུ་གཤེགས་པར་གྱུར་ཏེ། དེ་བཞིན་གཤེགས་པས་སེམས་ཅན་དཔག་
D99.047.0167a05.01ཏུ་མེད་པ་དེ་དག་ཐམས་ཅད་སངས་རྒྱས་ཀྱི་ཡེ་ཤེས་ལ་བཙུད་དེ། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་ཞིང་ཡོངས་སུ་མྱ་ངན་ལས་འདའ་བར་བཀོད་དོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་དགེ་བའི་མིག་ཅེས་བྱ་
D99.047.0167a06.01བར་གྱུར་པ་དེ་གཞན་ཡིན་པར་སེམས་ན། དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན་རྒྱལ་པོ་དགེ་བའི་མིག་ཅེས་བྱ་བར་གྱུར་ཏོ། །དེ་ལྟ་བས་ན་དེ་ཕྱིན་ཅད་སེམས་ཅན་ཡོངས་སུ་སྨིན་པར་བྱ་བ་ལ་ངོམས་པ་མེད་པར་བྱེད་དེ། དེ་ཅིའི་ཕྱིར་ཞེ་ན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཇི་ཙམ་དུ་སེམས་ཅན་ཡོངས་
D99.047.0167a07.01