完整藏文原文 · 德格版页 当前仅加载第 47 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
{བཟངས་ཀྱི་,བཟང་གི་}བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཏིང་ངེ་འཛིན་གྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་སེམས་རྩེ་གཅིག་པ་ཉིད་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།
D99.047.0069b01.01གལ་ཏེ་བསམ་གཏན་དང་པོའམ། གལ་ཏེ་བསམ་གཏན་གཉིས་པའམ། གལ་ཏེ་བསམ་གཏན་གསུམ་པའམ། གལ་ཏེ་བསམ་གཏན་བཞི་པའམ། གལ་ཏེ་བྱམས་པའམ། གལ་ཏེ་སྙིང་རྗེ་འམ། གལ་ཏེ་དགའ་བའམ། གལ་ཏེ་བཏང་སྙོམས་སམ། གལ་ཏེ་ནམ་མཁའ་མཐའ་ཡས་
D99.047.0069b02.01སྐྱེ་མཆེད་ལ་སྙོམས་པར་འཇུག་པའམ། གལ་ཏེ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་འཇུག་པའི་བར་རམ། གལ་ཏེ་རྣམ་པར་ཐར་པའམ། གལ་ཏེ་ཟད་པར་གྱི་སྐྱེ་མཆེད་དམ། གལ་ཏེ་ཟིལ་གྱིས་གནོན་པའི་སྐྱེ་མཆེད་དེ་དག་གིས་ཇི་ལྟར་སེམས་རྩེ་གཅིག་པར་མངོན་དུ་
D99.047.0069b03.01གྱུར་པ་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སེམས་རྩེ་གཅིག་པ་དེ་དག་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཏིང་
D99.047.0069b04.01ངེ་འཛིན་གྱི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་རྒྱུ་གང་དང་རྐྱེན་གང་དག་གིས་སེམས་རྩེ་གཅིག་ཏུ་འགྱུར་བ། གལ་ཏེ་མི་གཙང་བའི་འདུ་ཤེས་ཀྱིས་སམ། གལ་ཏེ་རྣམ་པར་སྔོས་པའི་འདུ་
D99.047.0069b05.01ཤེས་ཀྱིས་སམ། གལ་ཏེ་རྣམ་པར་རུལ་བའི་འདུ་ཤེས་ཀྱིས་སམ། གལ་ཏེ་རྣམ་པར་ཟོས་པའི་འདུ་ཤེས་ཀྱིས་སམ། གལ་ཏེ་རྣམ་པར་ཚིག་པའི་འདུ་ཤེས་ཀྱིས་སམ། གལ་ཏེ་རུས་གོང་གི་འདུ་ཤེས་ཀྱིས་སམ། གལ་ཏེ་རྣམ་པར་འཐོར་བའི་འདུ་ཤེས་ཀྱིས་སམ། གལ་ཏེ་རྣམ་པར་མི་
D99.047.0069b06.01ལྡན་པའི་འདུ་ཤེས་ཀྱིས་སམ། གལ་ཏེ་ངེས་པར་འབྱུང་བའི་འདུ་ཤེས་ཀྱིས་སམ། གལ་ཏེ་གནོད་སེམས་མེད་པའི་འདུ་ཤེས་ཀྱིས་སམ། གལ་ཏེ་རྣམ་པར་མི་འཚེ་བའི་འདུ་ཤེས་ཀྱིས་སམ། གལ་ཏེ་སེམས་ཅན་གྱི་འདུ་ཤེས་ཀྱིས་སམ། གལ་ཏེ་ཆོས་ཀྱི་འདུ་ཤེས་ཀྱིས་ཏེ། དེ་དེ་བཞིན་གཤེགས་པས་ཡང་
D99.047.0069b07.01