完整藏文原文 · 德格版页 当前仅加载第 47 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
གང་བདག་གིས་དེའི་བར་ཆད་བྱའོ་སྙམ་ནས། དེ་སངས་རྒྱས་ཀྱི་གཟུགས་སུ་མངོན་པར་སྤྲུལ་ནས་འཁོར་གྱི་ནང་དུ་ཞུགས་ཏེ། བྱང་ཆུབ་སེམས་དཔའི་ཚོགས་དེ་དག་གི་ནང་དུ་འདུག་ནས་ཐམས་ཅད་མཁྱེན་པ་ཉིད་དང་ཡང་དག་པར་ལྡན་པའི་གཏམ་ངན་པ་བསྔགས་ལ། འདོད་པའི་ཡོན་ཏན་
D99.047.0221a01.01དང་ཡང་དག་པར་ལྡན་པའི་གཏམ་ཟེར་རོ། །བྱང་ཆུབ་སེམས་དཔའ་དེ་དག་ལ་ཡང་འདོད་པའི་ཡོན་ཏན་ལྔ་པོ་དག་ཉེ་བར་འབུལ་ཏེ། མིག་གིས་བལྟ་བར་བྱ་བ་གཟུགས་མང་པོ་དང་། བཟའ་བ་དང་། བཅའ་བའི་ཡོ་བྱད་དང་། མེ་ཏོག་གི་ཡོ་བྱད་དང་། བལྡག་པའི་ཡོ་བྱད་དང་། རོལ་མོའི་
D99.047.0221a02.01ཡོ་བྱད་དང་། གླུ་དབྱངས་ཀྱི་ཡོ་བྱད་དང་། གར་གྱི་ཡོ་བྱད་རྣམས་འབུལ་བར་བྱེད་དོ། །དེ་ནས་བྱང་ཆུབ་སེམས་དཔའ་དཔའ་བའི་སྟོབས་དེ་འདི་སྙམ་དུ་སེམས་ཏེ། གང་བདག་གིས་བདུད་ཤུགས་འཆང་འདི་བདག་གི་ཤུགས་ཀྱིས་གདུལ་བར་བྱའོ་སྙམ་ནས། འདི་ལྟ་བུའི་རྫུ་འཕྲུལ་
D99.047.0221a03.01མངོན་པར་འདུ་བྱ་བ་མངོན་པར་འདུ་བྱེད་དེ། དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་པས་བདུད་ཤུགས་འཆང་གི་མགུལ་དུ་ཁྱི་རོ་ཞིག་བཏགས་སོ། །ཤུགས་འཆང་གི་གཟུགས་ཀྱིས་བདུད་ཀྱི་གནས་དེར་སོང་ངོ་། །སོང་ནས་བདུད་ཀྱི་གནས་དེར་ཞུགས་ཏེ།
D99.047.0221a04.01ལྷའི་བུ་མོ་ཁྲི་ཕྲག་དགུ་བཅུ་རྩ་དགུ་དག་བྱང་ཆུབ་ཡང་དག་པར་འཛིན་དུ་བཅུག་གོ། །དེ་བྱང་ཆུབ་སེམས་དཔའི་ཡང་དག་པར་ལྡན་པའི་གཏམ་དེ་ལྟ་བུ་དག་ཀྱང་བྱས་ཏེ། འདི་ལྟར་ལྷའི་བུ་མོ་ཁྲི་ཕྲག་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷའི་བུ་
D99.047.0221a05.01མོ་ཁྲི་ཕྲག་དེ་དག་ཐམས་ཅད་ཕྱིར་མི་ལྡོག་པ་ཉིད་ལ་བཙུད་ནས། བདུད་ཀྱི་གནས་དེ་ཉིད་དུ་འདོད་པའི་ཡོན་ཏན་ལྔ་དག་གིས་བདག་ཉིད་རྩེ་བ་མངོན་པར་སྤྲུལ་ཏོ། །དེ་ནས་བདུད་ཤུགས་འཆང་ཁྱི་རོ་བཏགས་པ་དེ་རང་གི་གནས་ག་ལ་བ་དེར་སོང་བ་དང་། གནས་དེ་ན་ལྷའི་བུ་དང་། ལྷའི་བུ་མོ་དེ་
D99.047.0221a06.01དག་དང་ལྷན་ཅིག་ཏུ་རྩེ་ཞིང་ཡོངས་སུ་སྤྱོད་པ་མཐོང་ངོ་། །མཐོང་ནས་ཀྱང་སྡུག་བསྔལ་ཞིང་ཡིད་མི་བདེ་ལ། བློང་བློང་པོར་གྱུར་ཅིང་དེར་མི་དགའོ། །དེ་ནས་ལྷའི་བུ་མོ་ཁྲི་ཕྲག་དགུ་བཅུ་པོ་དེ་དག་བདུད་ཤུགས་འཆང་བློང་བློང་པོར་གྱུར་པར་རིག་ནས། སྙིང་རྗེ་ཆེན་པོ་སྐྱེས་ཏེ། བདུད་ཤུགས་
D99.047.0221a07.01