完整藏文原文 · 德格版页 当前仅加载第 47 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབས་པ་ཉིད་ཀྱིས་ཆོས་ཉན་པ་དེ་དག་ལ་རླུང་བསིལ་བ་ལྡང་ངོ་། །རླུང་བསིལ་བ་གང་དག་ལངས་པས་ཆོས་ཉན་པ་དག་དགའ་བ་སྐྱེའོ། །གང་གི་ཚེ་དེ་བཞིན་གཤེགས་པ་དེ་ཆོས་སྟོན་པ་ན། དེ་བཞིན་གཤེགས་པ་དེའི་རྣམ་པར་སྨིན་པ་མངོན་པར་གྲུབ་པའི་
D99.047.0191a01.01རླུང་ལངས་པ་དེ་ཉིད་ཀྱིས་དེའི་ཚེ་ཆོས་འདོད་པའི་སེམས་ཅན་དེ་དག་ཐམས་ཅད་ཀྱི་སྒྲིབ་པ་ལྔ་ཐམས་ཅད་ནས་ཐམས་ཅད་རྣམ་པ་ཐམས་ཅད་ནས་ཐམས་ཅད་དུ་མི་འབྱུང་ངོ་། །དེའི་ཚེ་དེ་བཞིན་གཤེགས་པ་དེའི་རིམ་གྲོ་པ་དགེ་སློང་དཔལ་འབྱུང་ཞེས་བྱ་བ་འཁོར་དེ་ཉིད་ན་དེ་བཞིན་གཤེགས་
D99.047.0191a02.01པ་དེའི་སྣམ་ལོགས་ན་འདུག་པར་གྱུར་ཏེ་དེ་ཆོས་ལ་ཆུད་པའི་ཡིད་ཀྱིས་དེ་བཞིན་གཤེགས་པའི་འཁོར་དེ་མཐོང་ངོ་། །གང་ལ་དཀྲུགས་པའི་སྒྲའམ། འཁྲུགས་པའི་སྒྲའམ། མ་དང་བའི་སྒྲ་མེད་ཅིང་དེ་རྣམ་པར་དང་བའི་ཡིད་ཀྱིས་སེམས་ཡང་དག་པར་བསྐྱེད་དེ་ཇི་ལྟར་དེ་བཞིན་
D99.047.0191a03.01གཤེགས་པ་དྲི་མེད་ཏོག་ད་ལྟར་འཁོར་བཞི་དག་ལ་ཆོས་སྟོན་པ་ལྟར་བདག་མ་འོངས་པའི་དུས་ན་དེ་བཞིན་གཤེགས་པའི་ཡོན་ཏན་ཐམས་ཅད་ཀྱི་ཕ་རོལ་ཏུ་ཕྱིན་པ་འཁོར་གྱི་དཀྱིལ་འཁོར་འདི་ལྟ་བུས་ཡོངས་སུ་བསྐོར་ཅིང་ཆོས་སྟོན་པར་གྱུར་ཅིག་སྙམ་མོ། །དེ་ནས་དེ་བཞིན་གཤེགས་པ་དྲི་མེད་ཏོག་
D99.047.0191a04.01དེས་རིམ་གྲོ་པ་དགེ་སློང་དེའི་བསམ་པ་ལ་གཟིགས་ནས་འོད་བཏང་ངོ་། །འོད་གང་གིས་རེག་མ་ཐག་ཏུ་དགེ་སློང་དཔལ་འབྱུང་དེ་སྙིང་རྗེ་ཆེན་པོ་དང་ལྡན་པའི་ཏིང་ངེ་འཛིན་ཐོབ་པོ། །ཏིང་ངེ་འཛིན་གང་གི་མཐུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །མཽད་
D99.047.0191a05.01གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་བྱང་ཆུབ་སེམས་དཔའ་དཔལ་འབྱུང་ཞེས་བྱ་བར་གྱུར་པ་དེ་གཞན་ཡིན་པར་སེམས་ན་དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན་བྱང་ཆུབ་སེམས་དཔའ་དཔལ་འབྱུང་ཞེས་བྱ་བར་གྱུར་ཏོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔས་སྙོམས་
D99.047.0191a06.01པར་འཇུག་པའི་མཁས་པ་ལ་རྣལ་འབྱོར་དུ་བྱའོ། །མཽད་གལ་གྱི་བུ་ངས་སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པར་བྱ་བའི་དོན་དུ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། སེམས་ཅན་
D99.047.0191a07.01