完整藏文原文 · 德格版页 当前仅加载第 47 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཏིང་ངེ་འཛིན་གྱི་དབང་པོ་ཤེས་པ་དེ་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས། དེ་བཞིན་དུ་སྦྱར་ཏེ། ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཏིང་ངེ་འཛིན་གྱི་དབང་
D99.047.0070a01.01པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་རྒྱུ་གང་དང་རྐྱེན་གང་དག་གིས་ཏིང་ངེ་འཛིན་གྱི་དབང་པོ་སྐྱེས་པའི་རྒྱུ་དེ་དང་རྐྱེན་དེ་དག་འགོག་པ་ལས་ཏིང་ངེ་འཛིན་གྱི་དབང་པོ་འགགས་ཏེ། དེ་དེ་བཞིན་གཤེགས་པས་ཡང་དག་
D99.047.0070a02.01པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པ་དེ་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས། དེ་བཞིན་དུ་སྦྱར་ཏེ་དེ་ནི་ཙན་དན་གྱི་ཁྱམས་དང་ཁང་{བཟངས་ཀྱི་,བཟང་གི་}བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཏིང་ངེ་འཛིན་གྱི་
D99.047.0070a03.01དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་ཤེས་པ་གང་གིས་ཏིང་ངེ་འཛིན་གྱི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་
D99.047.0070a04.01ལྟ་བ་བཞིན་རབ་ཏུ་མཁྱེན་པ་ནས། དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཤེས་རབ་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སྡུག་
D99.047.0070a05.01བསྔལ་གྱི་ཕུང་པོ་དཔག་ཏུ་མེད་པ་མཐར་བྱེད་པའི་ཤེས་རབ་ཀྱི་དབང་པོ་དང་འཁོར་བ་དཔག་ཏུ་མེད་པའི་མཐར་བྱེད་པ་དང་། ཕུང་པོ་དག་གི་རིམ་པ་དཔག་ཏུ་མེད་པའི་མཐར་བྱེད་པ་དང་། མི་སྡུག་པ་དང་ཕྲད་པ་དཔག་ཏུ་མེད་པའི་མཐར་བྱེད་པ་དང་། སྡུག་པ་དང་བྲལ་བ་དཔག་ཏུ་མེད་པའི་མཐར་
D99.047.0070a06.01བྱེད་པ་དང་། སྡུག་བསྔལ་གྱི་སྡུག་བསྔལ་དཔག་ཏུ་མེད་པའི་མཐར་བྱེད་པ་དང་། འགྱུར་བའི་སྡུག་བསྔལ་དཔག་ཏུ་མེད་པའི་མཐར་བྱེད་པ་དང་། འདུ་བྱེད་པའི་སྡུག་བསྔལ་དཔག་ཏུ་མེད་པའི་མཐར་བྱེད་པ་འདི་ནི་ཤེས་རབ་ཀྱི་དབང་པོ་སྟེ། དྲན་པ་ཉེ་བར་གཞག་པ་བཞི་སྐྱེད་པ། ཡང་དག་པར་སྤོང་
D99.047.0070a07.01