完整藏文原文 · 德格版页 当前仅加载第 47 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པར་ལན་གསུང་བ་ནས། དེ་བཞིན་དུ་སྦྱར་ཏེ། དེ་ནི་ཙན་དན་གྱི་ཁྱམས་དང་ཁང་{བཟངས་ཀྱི་,བཟང་གི་}བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་སྣའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་
D99.047.0027a01.01ལ་དེ་བཞིན་གཤེགས་པས་འདི་ལྟར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཟིན་པའི་འབྱུང་བ་ཆེན་པོའི་རྒྱུར་བྱས་པ་དང་བ་གང་ཡིན་པ་ནི། སྣའི་རྣམ་པར་སྨིན་པ་སྟེ། གང་གི་སྣ་ལ་དྲི་སྣང་བར་འགྱུར་ཞིང་དྲི་ཡང་ཐོགས་པ་དང་། སྣ་གང་དྲི་དག་ལ་
D99.047.0027a02.01ཐོགས་པ་དང་། སྣ་གང་གིས་དྲི་བསྣམས་པ་དང་། སྣོམ་པ་དང་། སྣོམ་པར་འགྱུར་བ་དང་། དྲི་དག་བསྣམ་པའི་ཕྱིར་ཡང་ཐ་མི་དད་ཅིང་རུང་བའི་སྣ་གང་ཡིན་པ་དང་། ཁམས་{བཅྭ་,བཅོ་}བརྒྱད་དག་ལས་སྣའི་ཁམས་གང་ཡིན་པ་དང་། སྐྱེ་མཆེད་བཅུ་གཉིས་དག་ལས་སྣའི་སྐྱེ་མཆེད་གང་
D99.047.0027a03.01ཡིན་པ་དང་། དབང་པོ་ཉི་ཤུ་རྩ་གཉིས་དག་ལས་སྣའི་དབང་པོ་གང་ཡིན་པ་སྟེ། དེ་ནི་སྣ་ཡང་ཡིན། དེ་ནི་སྣའི་ཁམས་ཀྱང་ཡིན། དེ་ནི་སྣའི་སྐྱེ་མཆེད་ཀྱང་ཡིན། དེ་ནི་སྣའི་དབང་པོ་ཡང་ཡིན། དེ་ནི་སྒོ་ཡང་ཡིན། དེ་ནི་དཀར་བ་ཡང་ཡིན། དེ་ནི་རྒྱུན་ཀྱང་ཡིན། དེ་ནི་མཚོ་ཡང་
D99.047.0027a04.01ཡིན། དེ་ནི་རྒྱ་མཚོ་ཡང་ཡིན། དེ་ནི་ཀློང་ཡང་ཡིན། དེ་ནི་སྣང་བ་ཡང་ཡིན། དེ་ནི་གསང་བ་ཡང་ཡིན། དེ་ནི་འབྱུང་བ་ཡང་ཡིན། དེ་ནི་ཁྲིད་བྱེད་ཀྱང་ཡིན། དེ་ནི་འདྲེན་བྱེད་ཀྱང་ཡིན། དེ་ནི་ཞིང་ཡང་ཡིན། དེ་ནི་གཞི་ཡང་ཡིན། དེ་ནི་དངོས་པོ་ཡང་ཡིན། དེ་ནི་སྦུབས་ཀྱང་
D99.047.0027a05.01ཡིན། དེ་ནི་གསང་བ་ཡང་ཡིན། དེ་ནི་ཕ་རོལ་གྱི་འགྲམ་མ་ཡིན་པ་ཡང་ཡིན། དེ་ནི་བདུད་ཀྱི་སྣོད་ཀྱང་ཡིན། དེ་ནི་གྲོང་སྟོང་པར་འཇུག་པ་ཡང་ཡིན། དེ་ནི་མངོན་པར་ཤེས་པར་བྱ་བ་ཡང་ཡིན། དེ་ནི་ཡོངས་སུ་ཤེས་པར་བྱ་བ་ཡང་ཡིན། དེ་ནི་སྤང་བར་བྱ་བ་ཡང་ཡིན་ཏེ། འདི་ནི་
D99.047.0027a06.01སྣའི་ཁམས་ཞེས་བྱའོ། །དེ་ལ་ཤེས་པ་དང་། མཐོང་བ་དང་། གསལ་བ་དང་། མངོན་པར་རྟོགས་པ་དང་། ཡང་དག་པར་ཁོང་དུ་ཆུད་པ་དང་། མཁས་པ་གང་ཡིན་པ་འདི་ནི་སྣའི་ཁམས་མཁྱེན་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །
D99.047.0027a07.01