完整藏文原文 · 德格版页 当前仅加载第 47 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། །།བམ་པོ་བཅུ་བདུན་པ། མཽད་གལ་གྱི་བུ་ངས་རྣམ་པར་ཐར་པ་ཤེས་པ་ཀུན་འབྱུང་བ་ཤེས་པར་བྱ་བའི་དོན་དུ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡུལ་ཉམ་ང་བ་ལ་ཞེན་པ་རྣམས་ཆགས་པ་ཐམས་ཅད་ལས་
D99.047.0181b01.01བདག་གིས་ཇི་ལྟར་སེམས་རབ་ཏུ་གྲོལ་བར་བྱ་སྙམ་ནས། རྣམ་པར་ཐར་པར་འགྱུར་བ་དང་རྣམ་པར་ཐར་པ་ཤེས་པ་ཀུན་འབྱུང་བ་ཤེས་པར་འགྱུར་བའི་དགེ་བའི་རྩ་བ་སྣ་ཚོགས་དཔག་ཏུ་མེད་པ་དག་མངོན་པར་འདུས་བྱས་སོ། །མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་
D99.047.0181b02.01པ་དེའི་ཕ་རོལ་གྱི་ཡང་ཆེས་ཕ་རོལ་ན་རྒྱལ་པོ་བློ་གྲོས་ལེགས་བསམས་ཞེས་བྱ་བ་འགྲོ་བ་ལ་ཕན་པར་བྱ་བའི་ཕྱིར་སྙིང་རྗེ་ཆེན་པོས་ཡང་དག་པར་རབ་ཏུ་གནས་པ་འགྲོ་བ་ཐམས་ཅད་ཀྱི་འཆིང་བ་གཅོད་པ་ལ་ཡང་དག་པར་རབ་ཏུ་གནས་པ་ཞིག་བྱུང་ངོ་། །དེ་འདི་སྙམ་དུ་སེམས་ཏེ། གལ་ཏེ་བདག་ཡེ་ཤེས་གང་
D99.047.0181b03.01གིས་བདག་དང་སེམས་ཅན་ཐམས་ཅད་ཀྱི་འཆིང་བ་གཅོད་པའི་ཡེ་ཤེས་དེ་རྟོགས་པར་བྱའོ་སྙམ་མོ། །དེ་ཡེ་ཤེས་དེ་རྟོགས་པར་བྱ་བའི་དོན་དུ་ཡོངས་སུ་འཛིན་པ་ཐམས་ཅད་ལ་ལྷག་པར་ཆགས་པར་མི་བྱེད་དོ། །ལྷག་པར་ཆགས་པ་མེད་པ་ན་འདི་ལྟར་སོ་སོར་རྟོག་སྟེ། ཆོས་གང་ལ་བསླབས་
D99.047.0181b04.01པས་སེམས་ཅན་ཐམས་ཅད་ཀྱི་ཀུན་འབྱུང་བ་རབ་ཏུ་ཤེས་པའི་ཆོས་གཅིག་པོ་གང་ཡང་ཡོད་དམ། དེ་འདི་སྙམ་དུ་སེམས་ཏེ། ཐམས་ཅད་མཁྱེན་པའི་ཐུགས་མ་གཏོགས་པར་གང་སེམས་ཅན་ཐམས་ཅད་ཀྱི་ཀུན་འབྱུང་བ་ཤེས་པར་འགྱུར་བའི་ཆོས་གཅིག་པོ་ནི་མེད་དོ་སྙམ་མོ། །
D99.047.0181b05.01ཐམས་ཅད་མཁྱེན་པའི་ཐུགས་ཐོབ་པའི་བྱང་ཆུབ་སེམས་དཔའ་ནི་བྱང་ཆུབ་ཏུ་སྨོན་ལམ་འདེབས་ཏེ། གང་བདག་བྱང་ཆུབ་ཏུ་སྨོན་ལམ་འདེབས་པ་ནི་དེ་སེམས་ཅན་ཐམས་ཅད་ལ་སྙིང་རྗེ་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། བདག་མ་འོངས་པའི་
D99.047.0181b06.01དུས་ན་ཐམས་ཅད་མཁྱེན་པ་དེ་བཞིན་གཤེགས་པར་གྱུར་ནས་མ་དུལ་བ་རྣམས་འདུལ་བ་དང་། མ་ཞི་བ་ཞི་བར་བགྱིད་པ་དང་། མ་གྲོལ་བ་རྣམས་གྲོལ་བར་བགྱིད་པ་དང་། དབུགས་མ་ཕྱིན་པ་རྣམས་དབུགས་འབྱིན་པ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་
D99.047.0181b07.01