完整藏文原文 · 德格版页 当前仅加载第 47 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་རྣ་བའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འབྱུང་བ་ཆེན་པོ་བཞི་དང་བ་ནི་རྣ་བའི་དབང་པོ་ཡིན་ཏེ། སའི་ཁམས་དང་བ་དང་། ཆུའི་ཁམས་དང་བ་དང་། མེའི་ཁམས་དང་བ་དང་། རླུང་གི་ཁམས་
D99.047.0062b01.01དང་བ་ཡིན་ཏེ། དེ་ལ་སའི་ཁམས་དང་བ་ཡང་རྣ་བའི་དབང་པོ་མ་ཡིན་ལ། སའི་ཁམས་དང་བ་ལས་གཞན་པ་ཡང་རྣ་བའི་དབང་པོ་མ་ཡིན་ཞིང་། རླུང་གི་ཁམས་དང་བ་ལས་གཞན་པ་ཡང་རྣ་བའི་དབང་པོ་མ་ཡིན་མོད་ཀྱི། འོན་ཀྱང་ལས་ཀྱི་རྣམ་པར་སྨིན་པས་རྣ་བའི་དབང་པོ་མངོན་པར་གྲུབ་པ་
D99.047.0062b02.01ཡིན་ནོ། །དེ་ལ་ཤེས་པ་དང་། མཐོང་བ་ནས་མཁས་པའི་བར་གང་ཡིན་པ་འདི་ནི་རྣ་བའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་དབང་པོ་ཤེས་པ་དེ་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས།
D99.047.0062b03.01དེ་ནི་ཙན་དན་གྱི་ཁྱམས་དང་ཁང་{བཟངས་ཀྱི་,བཟང་གི་}བར་འདི་ལ་ལོངས་སྤྱོད་པར་འགྱུར་རོ། །སྣ་དང་ལྕེ་དང་ལུས་ཀྱང་དེ་བཞིན་ནོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཡིད་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་ཡིད་
D99.047.0062b04.01ཀྱི་དབང་པོ་ནི་དབང་པོ་ལྔ་པོ་དག་གི་གཙོ་བོ་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཡིད་ཀྱི་དབང་པོ་ནི་དབང་པོ་ལྔ་དག་གི་སྤྱོད་ཡུལ་ལ་སྤྱོད་པ་དང་། ཡིད་ཀྱི་དབང་པོ་ནི་དབང་པོ་ལྔའི་ཞིང་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་དེ་ལྟར་ན་དེ་
D99.047.0062b05.01བཞིན་གཤེགས་པས་ཡིད་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་དབང་པོ་ཤེས་པ་དེ་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས། དེ་བཞིན་དུ་སྦྱར་ཏེ། དེ་ནི་ཙན་དན་གྱི་ཁྱམས་དང་ཁང་{བཟངས་ཀྱི་,བཟང་གི་}བར་འདི་ལ་
D99.047.0062b06.01ལོངས་སྤྱོད་པར་འགྱུར་རོ། །ཀུན་འབྱུང་བ་དང་འགོག་པ་དང་། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་མོའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། མོའི་སྒྲ་དང་། མོའི་དབྱིབས་དང་། མོའི་སྦ་བ་དང་། མོའི་ཚུལ་དང་། མོའི་
D99.047.0062b07.01