完整藏文原文 · 德格版页 当前仅加载第 47 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
གཙོ་གསུངས་ཤིག་གསུངས། །མཆོག་ཏུ་དགེ་བ་ཡིད་འོང་སྤྱོད་པའི་སེམས། །སྤྱོད་པ་མཉམ་རྩོམ་ཞི་བ་དག་པའི་ལས། །མི་དབང་ཁྱོད་ཀྱི་དག་པའི་གསུང་ཐོས་ནས། །འདྲེན་པ་ཁྱོད་སྲས་བྱང་ཆུབ་རབ་ཏུ་གནས། །མཽད་གལ་གྱི་བུ་དེ་ནས་དེ་བཞིན་གཤེགས་པ་བདུད་ཀྱི་སྟོབས་རབ་ཏུ་
D99.047.0148b01.01འཇོམས་པ་དེས། བྱང་ཆུབ་སེམས་དཔའ་མྱ་ངན་སེལ་བ་དེ་ལ་འདི་སྐད་ཅེས་བཀའ་སྩལ་ཏོ། །མྱ་ངན་སེལ་བ་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བའི་ཕྱིར་ཞུགས་ཏེ། ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་ཞུ་བར་སེམས་
D99.047.0148b02.01པ་ནི། མྱ་ངན་སེལ་བ་ལེགས་སོ་ལེགས་སོ། །རིགས་ཀྱི་བུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །བྱང་ཆུབ་སེམས་དཔའ་མྱ་ངན་སེལ་བས་བཅོམ་ལྡན་འདས་ལ་ལེགས་སོ་ཞེས་གསོལ་ནས། བཅོམ་ལྡན་འདས་ཀྱི་ལྟར་མཉན་པ་དང་། བཅོམ་
D99.047.0148b03.01ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས། ང་རྒྱལ་སྤང་བ་ལ་བསླབ་པར་བྱ། སེམས་ཅན་ཐམས་ཅད་ལ་ཡོན་གནས་
D99.047.0148b04.01ཡིན་པར་སེམས་ཉེ་བར་གཞག་པར་བྱ། ཆོས་ཀྱི་ཀུན་དགའ་བ་ལ་ཡང་སོ་སོར་རིག་པར་བྱ། བྱང་ཆུབ་སེམས་ཀྱི་ཀྱང་མི་གཏང་བར་བྱ། དགེ་བའི་བཤེས་གཉེན་ཡང་མངོན་པར་མགུ་བར་བྱ། ཆོས་བཙལ་བ་ལ་ཡང་ཆོག་མི་ཤེས་པར་བྱ། མང་དུ་ཐོས་པ་ལ་ཡང་མངོན་པར་བརྩོན་པར་བྱ། བསྟན་
D99.047.0148b05.01བཅོས་ཤིན་ཏུ་བརྟགས་པ་དག་ཀྱང་བཙལ་བར་བྱ། སོ་སོར་རྟོགས་པ་ལ་ཡང་བསླབ་པར་བྱ། གྲུབ་པའི་མཐའ་སོ་སོར་རྟོགས་པ་ལ་ཡང་བསླབ་པར་བྱ། ཆོ་ག་ལ་མཁས་པར་ཡང་བྱ། བླ་མ་ལ་གུས་པར་བྱ། བླ་མ་ལ་ཞེས་མེད་པའི་ཉེ་བར་སྤྱད་པར་མི་བྱ། བླ་མའི་ཚིག་ལས་འདའ་བར་ཡང་མི་བྱ། དོན་དང་ལྡན་པའི་
D99.047.0148b06.01བསྟན་བཅོས་བཙལ་བར་བྱ་ཞིང་དོན་མེད་པ་གཞན་སྤང་བར་བྱ། འཇིག་རྟེན་རྒྱང་འཕེན་པའི་བསྟན་བཅོས་དང་། ཆད་པའི་ཁྲིམས་ཀྱི་བསྟན་བཅོས་དང་། བྱང་སྟེམས་ཀྱི་བསྟན་བཅོས་དང་། སྨྲ་བའི་རིག་པའི་བསྟན་བཅོས་དང་། འབྱུང་པོ་རིག་པའི་བསྟན་བཅོས་དང་། རྨུགས་བྱེད་རིག་པའི་བསྟན་བཅོས་
D99.047.0148b07.01