完整藏文原文 · 德格版页 当前仅加载第 47 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ཕྱོགས་བཅུའི་འཇིག་རྟེན་དག་ཏུ་མེད། །བུས་ནས་བདེ་གཤེགས་མཆོད་ཀྱང་དེ་ཡིས་མཆོད་པར་མི་འགྱུར་རོ། །དེ་ཡི་སེམས་གཅིག་བསྐྱེད་པའི་ཡོན་ཏན་མཐའ་དག་ཚིག་གིས་སུ། །བརྗོད་པར་མི་ནུས་ཡོན་ཏན་ཟད་པར་བྱ་ལྟ་ག་ལ་ནུས། །དེ་ལྟ་བས་ན་མཁས་
D99.047.0193a01.01པའི་མི་ཡིས་སངས་རྒྱས་ཆོས་ཚོལ་ན། །ཡོན་ཏན་རྣམས་ལ་འབད་བྱ་དེ་བཞིན་གཤེགས་པ་ཡོན་ཏན་མཆོད། །སངས་རྒྱས་ཆོས་ཚོལ་བ་ན་དེས་ནི་ལུས་ལ་བསྲུངས་པ་མེད། །འདྲེན་པའི་གཏོང་ལ་བསླབས་པས་ཡང་དང་ཡང་དུ་ཡོངས་བཏང་ངོ་། །རྐང་གཉིས་མཆོག་ནི་དངོས་པོ་ཀུན་ལ་
D99.047.0193a02.01ཡོངས་སུ་བསླབས་པས་སུ། །འདི་ལྟར་སངས་རྒྱས་ཆོས་ཉིད་བྱང་ཆུབ་མཆོག་ནི་ང་ཡིས་བརྙེས། །གང་དག་ཆོས་རྣམས་སྐྱེ་བ་ཇི་ལྟ་བཞིན་དུ་རྣམ་ཤེས་ན། །བུ་དེ་མི་ཡི་དབང་པོ་ཡབ་ཀྱི་རིགས་ནི་འཕེལ་བར་བྱེད། །མཉམ་པའི་ཆོས་རྟོགས་པ་ནི་བདུད་ཀྱིས་བཅིངས་པ་གཅོད་བྱེད་ཅིང་། །
D99.047.0193a03.01བདུད་ཀྱི་ཞགས་པ་ལས་གྲོལ་སེམས་ཅན་གཞན་ཡང་རབ་གྲོལ་བྱེད། །དེ་ལྟ་བས་ན་བྱང་ཆུབ་ཚོལ་བས་དངོས་ཀུན་ཡོངས་སུ་སྤོང་། །བྱང་ཆུབ་ཞི་བ་ཚོལ་ན་ཆོས་ཀྱི་ཚུལ་ལ་བསླབ་པར་གྱིས། །དེ་ནས་བྱང་ཆུབ་སེམས་དཔའ་དེ་གཉིས་བཅོམ་ལྡན་འདས་ཀྱིས་རྗེས་སུ་བསྟན་པ་ཐོས་ནས། དེའི་
D99.047.0193a04.01ཚེ་དངོས་པོ་ཐམས་ཅད་ཡོངས་སུ་གཏོང་བ་ལ་བློ་ངེས་ཤིང་དེ་གཉིས་ཕྱིར་མི་ལྡོག་པར་གྱུར་ཏོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེ་དྲི་མེད་མིག་ཅེས་བྱ་བ་ཤིང་སཱ་ལ་ཆེན་པོ་ལྟ་བུར་གྱུར་པ་དེ་གཞན་ཡིན་པར་སེམས་ན་དེ་ལྟར་མི་བལྟ་སྟེ། དེ་ཅིའི་ཕྱིར་ཞེ་ན། དེ་བཞིན་
D99.047.0193a05.01གཤེགས་པ་འོད་སྲུང་དེ། དེའི་ཚེ་དེའི་དུས་ན་བྲམ་ཟེ་དྲི་མེད་མིག་ཅེས་བྱ་བ་ཤིང་སཱ་ལ་ཆེན་པོ་ལྟ་བུར་གྱུར་ཏོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་བྱང་ཆུབ་སེམས་དཔའ་བློ་གྲོས་ཟབ་མོ་ཞེས་བྱ་བར་གྱུར་པ་དེ་གཞན་ཡིན་པར་སེམས་ན་དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན་བྱང་ཆུབ་
D99.047.0193a06.01སེམས་དཔའ་བློ་གྲོས་ཟབ་མོ་ཞེས་བྱ་བར་གྱུར་ཏོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔས་སྙོམས་པར་འཇུག་པ་ལ་མཁས་པར་བྱ་ཞིང་དེ་བཞིན་དུ་བྱང་ཆུབ་སེམས་དཔས་བསླབ་པར་བྱའོ། །མཽད་གལ་གྱི་བུ་ངས་སྙོམས་པར་འཇུག་པ་ཤེས་པ་འགོག་པ་ཤེས་པར་བྱ་བའི་དོན་དུ་སྔོན་བྱང་ཆུབ་
D99.047.0193a07.01