完整藏文原文 · 德格版页 当前仅加载第 47 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ན། སེང་གེའི་བློ་གྲོས་ཞེས་བྱ་བ་རིམ་གྲོ་པར་གྱུར་ཏོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་འདོད་པས་ལེ་ལོ་མེད་པར་སངས་རྒྱས་བཅོམ་ལྡན་འདས་
D99.047.0145b01.01རྣམས་ཀྱི་རིམ་གྲོ་པར་ཡོངས་སུ་སྤྱད་པར་བྱ་ཞིང་ལུས་དང་སྲོག་ལ་མི་བལྟ་བར་སློང་བ་ལ་ཡོངས་སུ་མི་གཏོང་བ་ཅི་ཡང་མེད་པར་བྱའོ། །མཽད་གལ་གྱི་བུ་ངས་མངོན་པར་ཤེས་ཏེ། འདས་པའི་དུས་ན་ད་ལྟར་བྱུང་བ་ཤེས་པ་འགོག་པར་འགྱུར་བའི་ལམ་ཤེས་པར་བྱ་བའི་དོན་དུ་
D99.047.0145b02.01རྒྱལ་སྲིད་ཡོངས་སུ་གཏང་བར་བྱ་སྟེ། མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་པ་དེའི་ཕ་རོལ་གྱི་ཡང་ཆེས་ཕ་རོལ་ན། རྒྱལ་པོ་ཚངས་པས་བྱིན་ཞེས་བྱ་བ་བདག་གི་བ་ཐམས་ཅད་ཡོངས་སུ་གཏོང་ཞིང་ལེགས་པར་གསུངས་པ་ཚོལ་བ་ཞིག་བྱུང་ངོ་། །
D99.047.0145b03.01དེ་སློངས་མོ་པ་གང་དང་གང་སློང་བ་དེ་དང་སྦེད་པ་མེད་པར་ཡོངས་སུ་གཏོང་ངོ་། །མཽད་གལ་གྱི་བུ་དེ་ནས་རྒྱལ་པོ་ཚངས་པས་བྱིན་བཙུན་མོ་དམ་པ་དང་། བུ་ཐུ་བོ་གཞོན་ནུ་དང་ལྷན་ཅིག་ཏུ་བཀད་སར་སོང་ནས་འཁོད་པ་ལས། དེ་ནས་ཤ་ཟ་གཟུགས་མཆོག་ཏུ་མི་སྡུག་པ་ཞིག་
D99.047.0145b04.01འོངས་ནས། རྒྱལ་པོ་དེ་འདུག་པའི་བཀད་སའི་བར་སྣང་ལ་སྐྱིལ་མོ་ཀྲུང་བཅས་ནས་འདི་སྐད་ཅེས་སྨྲས་སོ། །ས་བདག་ཆེན་པོ་ལེགས་པར་གསུངས་པ་ཚོལ་བ་རྒྱལ་བར་སྤྱོན་ཅིག །བདག་གིས་སྔོན་གྱི་དེ་བཞིན་གཤེགས་པ་རྣམས་ཀྱིས་ལེགས་པར་བཤད་པ་དེ་ལས་ཐོས་པ་ཡོད་དེ་
D99.047.0145b05.01གལ་ཏེ་ཁྱོད་དེ་དོན་དུ་གཉེར་ན་ཟུང་ཤིག །དེ་ནས་རྒྱལ་པོ་ཚངས་པས་བྱིན་གྱིས་ཤ་ཟ་དེ་ལ་འདི་སྐད་ཅེས་སྨྲས་སོ། །འབྱུང་པོ་ཆེན་པོ་ལེགས་པར་གསུངས་པ་འདོད་ཀྱིས་གང་ཁྱོད་འདོད་པ་དེ་ངས་རབ་ཏུ་སྦྱིན་ནོ། །དེས་སྨྲས་པ། ས་བདག་ཆེན་པོ་གང་རྒྱལ་
D99.047.0145b06.01པོ་ཁྱོད་ཀྱི་སྡུག་པ་གསུམ་པོ་བདག་ཉིད་དང་ཆུང་མ་དང་བུ་དེ་དག་བདག་ལ་བྱིན་ན་ལེགས་པར་གསུངས་པ་ཕྱིས་བཤད་དོ། །དེས་སྨྲས་པ། འདི་དག་གིས་ཅི་ཞིག་བྱ། དེས་སྨྲས་པ། བཟའ་བར་བྱ་སྟེ། ལེགས་པར་གསུངས་པ་ཡང་བཤད་དོ། །དེ་ནས་རྒྱལ་པོ་ཚངས་པས་བྱིན་
D99.047.0145b07.01