完整藏文原文 · 德格版页 当前仅加载第 47 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །བྱང་ཆུབ་ཀྱི་སེམས་ལ་གཞོལ་བ་དང་། སེམས་རབ་ཏུ་བསྡུས་པ་དང་། སེམས་ཀྱི་རྒྱུན་བརྗེད་པ་མེད་པ་དང་། སེམས་ཀྱི་རྒྱུན་མ་གཡེངས་པ་དང་། ཉོན་མོངས་པ་མེད་པར་གྱུར་པའི་ཤེས་རབ་སྟེ། དེ་དེ་བཞིན་གཤེགས་
D99.047.0088a01.01པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང་། མཐོང་བ་དང་། གསལ་བ་དང་། མངོན་པར་རྟོགས་པ་དང་། ཡང་དག་པར་ཁོང་དུ་ཆུད་པ་དང་། མཁས་པའི་བར་གང་ཡིན་པ་འདི་ནི། དེ་བཞིན་གཤེགས་པའི་དབང་པོ་ཤེས་པ་ཞེས་བྱ་སྟེ། ཁྱིམ་བདག་དེ་ལྟར་ན་
D99.047.0088a02.01དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དེ་བཞིན་གཤེགས་པའི་དབང་པོ་ཤེས་པ་དེ་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས། ལོངས་སྤྱོད་པའི་བར་དུ་འགྱུར་རོ། །ཀུན་
D99.047.0088a03.01འབྱུང་བ་དང་། འགོག་པ་དང་། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལུས་ཀྱི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་ལུས་ཀྱི་ལས་དགེ་བ་ཡང་དག་པ་ཇི་ལྟ་བ་བཞིན་
D99.047.0088a04.01རབ་ཏུ་མཁྱེན་ཏེ། སྲོག་གཅོད་པ་སྤོང་བ་དང་། མ་བྱིན་པར་ལེན་པ་སྤོང་བ་དང་། འདོད་པས་ལོག་པར་གཡེམ་པ་སྤོང་བ་སྟེ། ཁྱིམ་བདག་དེ་ལྟར་ན་དེ་བཞིན་གཤེགས་པས་ལུས་ཀྱི་ལས་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་ཇི་ལྟར་ན་དེ་བཞིན་གཤེགས་
D99.047.0088a05.01པས་ལུས་ཀྱི་ལས་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འདི་ལ་སྲོག་གཅོད་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་དེ་ལྟར་ན་དེ་བཞིན་
D99.047.0088a06.01གཤེགས་པས་ལུས་ཀྱི་ལས་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལུས་ཀྱི་ལས་ལུང་དུ་མ་བསྟན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འདི་ལ་དེ་བཞིན་གཤེགས་པས་ལུས་ཀྱི་ལས་བསམས་པ་ལས་བྱུང་བའི་
D99.047.0088a07.01