完整藏文原文 · 德格版页 当前仅加载第 47 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པ་ཇི་ལྟར་ཡང་དག་པར་རབ་ཏུ་བསྟན་པར་བྱ་སྙམ་ནས་དགེ་བའི་རྩ་བ་རྒྱ་ཆེ་བ་སྣ་ཚོགས་དཔག་ཏུ་མེད་པ་དག་མངོན་པར་འདུས་བྱས་སོ། །མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་པ་ནས། དེའི་ཕ་རོལ་གྱི་ཡང་
D99.047.0191b01.01ཆེས་ཕ་རོལ་ན་བྲམ་ཟེ་དྲི་མེད་མིག་ཅེས་བྱ་བ་ཤིང་སཱ་ལ་ཆེན་པོ་ལྟ་བུ་ཕྱུག་ཅིང་ནོར་ཆེ་ལ་ལོངས་སྤྱོད་ཆེ་བ་ལོངས་སྤྱོད་མང་བ། བདག་གིར་བྱ་བ་མང་བ། ནོར་དང་ཡོ་བྱད་མང་བ། ཕ་མ་གཙང་བ། ཆུང་མ་གཙང་བ། མངལ་གྱི་སྐྱོན་གྱིས་མ་གོས་པ་རིགས་དམའ་བའི་ཁ་ན་མ་ཐོ་བ་མེད་པ།
D99.047.0191b02.01འདོན་པ་པོ་གཞུང་འཛིན་པ་རིག་པ་གསུམ་དང་། སྒྲ་ངེས་པར་སྦྱོར་བ་དང་བཅས་པ། ཤེས་གསལ་དང་བཅས་པ། ཡི་གེ་དང་བཅས་པ། རབ་ཏུ་དབྱེ་བ་དང་བཅས་པ་ལྔ་པ་སྟེ། སྔོན་བྱུང་བའི་ཕ་རོལ་ཏུ་ཕྱིན་པ་གནས་དང་བརྡ་སྤྲོད་པ་དང་། འཇིག་རྟེན་རྒྱང་ཕན་པ་དང་། མཆོད་
D99.047.0191b03.01སྦྱིན་གྱི་རྒྱུད་དང་། སྐྱེས་བུ་ཆེན་པོའི་མཚན་ཉིད་ཀྱི་རྒྱུད་རིག་པ་གསུམ་གྱི་གསུང་རབ་ལ་སོ་སོའི་སློབ་དཔོན་རྣམས་ཀྱིས་རྗེས་སུ་གནང་བ་ཞིག་བྱུང་ངོ་། །དེའི་ཚེ་དེ་བཞིན་གཤེགས་པ་བཅིངས་པ་ཐམས་ཅད་རབ་ཏུ་རྣམ་པར་འགྲོལ་བ་ཞེས་བྱ་བ་ནས། སངས་རྒྱས་བཅོམ་ལྡན་འདས་ཀྱི་བར་
D99.047.0191b04.01འཇིག་རྟེན་དུ་བྱུང་ངོ་། །དེ་བཞིན་གཤེགས་པ་བཅིངས་པ་ཐམས་ཅད་རབ་ཏུ་རྣམ་པར་འགྲོལ་བ་དེའི་གསུང་རབ་དེ་ལ་སེམས་ཅན་རྣམས་ཀྱི་ཚེའི་ཚད་དཔག་ཏུ་མེད་པར་གྱུར་ཏོ། །དེ་བཞིན་གཤེགས་པ་བཅིངས་པ་ཐམས་ཅད་རབ་ཏུ་རྣམ་པར་འགྲོལ་བ་དེའི་ཉན་ཐོས་ཀྱི་འཁོར་སྟོང་ཕྲག་དཔག་
D99.047.0191b05.01ཏུ་མེད་པ་དག་བྱུང་ངོ་། །བྱང་ཆུབ་སེམས་དཔའི་འཁོར་དཔག་ཏུ་མེད་པ་དག་བྱུང་ངོ་། །དེ་བཞིན་གཤེགས་པ་བཅིངས་པ་ཐམས་ཅད་རབ་ཏུ་རྣམ་པར་འགྲོལ་བ་དེའི་ཉན་ཐོས་འདུས་པ་དང་། བྱང་ཆུབ་སེམས་དཔའ་འདུས་པ་དཔག་ཏུ་མེད་པ་དག་བྱུང་ངོ་། །དེར་དེ་བཞིན་གཤེགས་པ་
D99.047.0191b06.01བཅིངས་པ་ཐམས་ཅད་རབ་ཏུ་རྣམ་པར་འགྲོལ་བ་དེ་སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པ་ལས་བརྩམས་ནས་ཆོས་སྟོན་ཏེ། བྱང་ཆུབ་སེམས་དཔས་ཏིང་ངེ་འཛིན་ལ་མཁས་པར་བྱ། སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པ་ལ་ཡང་མཁས་པར་བྱའོ། །དགེ་སློང་དག་ཇི་
D99.047.0191b07.01