完整藏文原文 · 德格版页 当前仅加载第 47 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ཉམ་ཐག་པའི་སྐད་འབྱིན་ཅིང་རྒྱུག་རབ་ཏུ་རྒྱུག་པ་མཐོང་ངོ་། །སེམས་ཅན་ཁ་ཅིག་དྲི་ང་བས་ཁྱབ་ནས། ཉམ་ཐག་པའི་སྐད་འབྱིན་ཅིང་རྒྱུག་རབ་ཏུ་རྒྱུག་པར་མཐོང་ནས། དེ་འདི་སྙམ་དུ་སེམས་ཏེ། གནས་ལ་མངོན་པར་ཞེན་པའི་རྒྱུ་དང་། ལས་མངོན་པར་འདུ་བྱེད་པའི་རྒྱུས་སེམས་ཅན་འདི་དག་
D99.047.0241b01.01སྡུག་བསྔལ་སྣ་ཚོགས་མྱོང་ངོ་སྙམ་མོ། །དེ་སེམས་ཅན་གང་མི་རིགས་པ་ལ་ཡང་དག་པར་རབ་ཏུ་གནས་པར་མིག་གིས་མཐོང་བའི་སེམས་ཅན་དེ་དག་ལ་གནས་ཀྱི་སྐྱོན་དེ་དག་ཡང་དག་པར་སྟོན་ཏེ། ཁྱེད་ཅག་བདག་གི་གནས་དག་ལ་དགའ་བར་ཡང་དག་པར་རབ་ཏུ་བལྟས་པས་བདག་ལ་དགའ་
D99.047.0241b02.01བའི་རྒྱུས་སྡིག་པའི་ལས་འདི་དག་མངོན་པར་འདུས་བྱས་སོ། །གང་མངོན་པར་འདུས་བྱས་པའི་རྒྱུས་ལུས་ཀུན་ཏུ་འབར་ལ་རྒྱུག་རབ་ཏུ་རྒྱུག་གོ། །བྱའི་ཚོགས་དག་གིས་གཙེས་ཤིང་རྒྱུག་རབ་ཏུ་རྒྱུག །སྲིན་བུའི་ཚོགས་དག་གིས་ཟོས་ཤིང་རྒྱུག་རབ་ཏུ་རྒྱུག་གོ། །དྲི་ང་བས་ཁྱབ་ཅིང་རྒྱུག་
D99.047.0241b03.01རབ་ཏུ་རྒྱུག་སྟེ། དེ་དག་བདག་གི་ངོ་བོ་སོ་སོར་འདོད་པས་སྡུག་བསྔལ་ཉིད་ཡང་དག་པར་བསྐྱེད་པ་ལ་མ་གཏོགས་པར་བདེ་བ་ཅུང་ཟད་ཀྱང་རྗེས་སུ་མ་ཐོབ་བོ། །སོ་སོར་འཛིན་པའི་རྒྱུས་སྡིག་པའི་ལས་འདི་དག་མངོན་པར་འདུས་བྱས་སོ། །གང་རྣམ་པར་སྨིན་པ་འདི་མྱོང་ངོ་། །ཁྱེད་
D99.047.0241b04.01ཅག་ལུས་ལ་མི་ཟད་པའི་འདུ་ཤེས་ཉེ་བར་ཞོག་ཤིག །མངོན་པར་ཞེན་པ་མེད་པའི་འདུ་ཤེས་ཀྱང་ཉེ་བར་ཞོག་ཤིག །མི་གཙང་བའི་འདུ་ཤེས་ཀྱང་ཉེ་བར་ཞོག་ཤིག་དང་ལེགས་སོ། །དེ་ཆོས་བསྟན་པ་དེས་སེམས་ཅན་ཁྲི་ཕྲག་དཔག་ཏུ་མེད་པ་དག་ཕྱིར་མི་ལྡོག་པ་ཉིད་རྗེས་སུ་ཐོབ་བོ། །
D99.047.0241b05.01མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་ས་འཛིན་ཅེས་བྱ་བར་གྱུར་པ་དེ་གཞན་ཡིན་པར་སེམས་ན་ཁྱོད་ཀྱིས་དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན་རྒྱལ་པོ་ས་འཛིན་ཅེས་བྱ་བར་གྱུར་ཏོ། །ངས་སེམས་ཅན་ཁྲི་ཕྲག་དཔག་ཏུ་མེད་པ་དེ་དག་ཡོངས་སུ་འཛིན་པ་དེ་ལས་བཟློག་
D99.047.0241b06.01ནས་ཕྱིར་མི་ལྡོག་པ་ཉིད་ལ་རབ་ཏུ་བཙུད་དོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔས་ཡོངས་སུ་འཛིན་པ་མེད་པ་ལ་བསླབ་པར་བྱའོ། །ཡོངས་སུ་འཛིན་པ་མེད་པ་ལ་སློབ་པའི་བྱང་ཆུབ་སེམས་དཔའ་ནི་མྱུར་དུ་ཕྱིར་མི་ལྡོག་པའི་ས་འཐོབ་པར་འགྱུར་རོ། །མཽད་གལ་གྱི་བུ་ངས་
D99.047.0241b07.01