完整藏文原文 · 德格版页 当前仅加载第 47 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྨིན་པར་བྱེད་པ་དེ་ཙམ་གྱིས་ཡོངས་སུ་མྱ་ངན་ལས་འདའ་སྟེ། མཽད་གལ་གྱི་བུ་སེམས་ཅན་དེ་དག་གི་གྲངས་ཡོངས་སུ་ཤེས་པར་ནུས་པ་གང་ཡང་མེད་དེ། ངས་སེམས་ཅན་དེ་སྙེད་ཡོངས་སུ་མྱ་ངན་ལས་བཟླས་སོ། །སེམས་ཅན་དེ་དག་གི་གྲངས་གདགས་པར་ཡང་མི་ནུས་ཏེ།
D99.047.0167b01.01མཽད་གལ་གྱི་བུ་ངས་སངས་རྒྱས་ཀྱི་རྒྱུད་མི་གཅད་པར་བྱ་བའི་ཕྱིར་ཞུགས་ནས་ངས་སེམས་ཅན་དེ་སྙེད་ཅིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡོངས་སུ་བཙུད་ཅིང་ཡོངས་སུ་སྨིན་པར་བྱས་སོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔའ་སངས་རྒྱས་ཀྱི་རྒྱུད་མི་
D99.047.0167b02.01གཅད་པར་བྱ་བ་ལ་རྣལ་འབྱོར་དུ་བྱའོ། །མཽད་གལ་གྱི་བུ་ངས་ཁམས་སྣ་ཚོགས་ཤེས་པ་ཀུན་འབྱུང་བ་ཤེས་པར་བྱ་བའི་དོན་དུ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཁམས་སྣ་ཚོགས་ཤེས་པ་ཀུན་འབྱུང་བ་ཤེས་པ་ཐོབ་ནས། བདག་གིས་སེམས་ཅན་གྱི་དོན་ཇི་ལྟར་བྱ་སྙམ་ནས།
D99.047.0167b03.01དགེ་བའི་རྩ་བ་རྣམ་པ་དུ་མ་མངོན་པར་འདུས་བྱས་ཏེ། མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་པ་དེའི་ཕ་རོལ་གྱི་ཡང་ཆེས་ཕ་རོལ་ན། མགར་བ་ལེགས་རྟོགས་ཞེས་བྱ་བ་མགར་བ་མཛངས་ཤིང་གསལ་ལ་ཡིད་གཞུངས་པ། བཟོ་རྣམས་ལ་བསླབས་པ་ཞིག་བྱུང་སྟེ།
D99.047.0167b04.01དེ་ཡོངས་སུ་སྦྱང་བ་བྱས་པས་གསེར་གྱི་གཟུགས་བརྙན་ལ་འཇུག་པ་ཤེས། ལྡང་བ་ཡང་ཤེས། རིན་ཡང་ཤེས་སོ། །དེ་ཡོངས་སུ་སྦྱང་བ་བྱས་པའི་གསེར་གྱི་གཟུགས་བརྙན་གྱི་རིན་ལ་ཤིན་ཏུ་རྨོངས་པ་མེད་པས་ཕྱོགས་དང་ཕྱོགས་མཚམས་སུ་རྒྱ་ཆེར་ཀྱེ་མ་མགར་བ་འདི་མཁས་སོ་
D99.047.0167b05.01ཞེས་གྲགས་པ་དང་། སྒྲ་དང་ཚིགས་སུ་བཅད་པའི་མངོན་པར་འཕགས་སོ། །འདི་བཟོའི་མཆོག་ཁོང་དུ་ཆུད་པས་རྒྱལ་པོའི་ཕོ་བྲང་འཁོར་གྱི་བར་དུ་གྲགས་ནས་དེའི་རྙེད་པ་དག་ཀྱང་བྱུང་སྟེ། རྒྱལ་པོ་དེའི་གོས་དག་བྱིན། འགྲོ་བ་ཐམས་ཅད་ཀྱིས་ཀྱང་། བཟོ་བོ་དེའི་ཚིག་གཟུང་བར་འོས་
D99.047.0167b06.01པར་གྱུར་ཏོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་མགར་བ་ལེགས་རྟོགས་ཞེས་བྱ་བར་གྱུར་པ་དེ་གཞན་ཡིན་པར་སེམས་ན་ཁྱོད་ཀྱིས་དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན་མགར་བ་ལེགས་རྟོགས་ཞེས་བྱ་བར་གྱུར་ཏོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔའ་
D99.047.0167b07.01