完整藏文原文 · 德格版页 当前仅加载第 47 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟས་པ་ལ། ད་ལྟར་བྱུང་བའི་དུས་ལས་བརྩམས་ཏེ་ཆོས་སྟོན་ཏོ། །དེའི་ཚེ་བྲམ་ཟེ་བློ་ལྡན་ཞེས་བྱ་བ་ཤིང་སཱ་ལ་ཆེན་པོ་ལྟ་བུ་ཞིག་ཀྱང་དེའི་འཁོར་ཉིད་དུ་འདུས་ཏེ་འདུག་པར་གྱུར་ཏོ། །བཅོམ་ལྡན་འདས་ཀྱི་སྤོབས་པ་ཐོགས་པ་མེད་པས་ད་ལྟར་གྱི་དུས་ལས་བརྩམས་ནས་ཆོས་སྟོན་པ་
D99.047.0136a01.01བྲམ་ཟེ་བློ་ལྡན་ཤིང་སཱ་ལ་ཆེན་པོ་ལྟ་བུས་ཐོས་སོ། །ཐོས་ནས་ཀྱང་དེ་བཞིན་གཤེགས་པ་དེའི་དྲུང་ནས་ངོ་མཚར་དུ་བྱ་བ་གཞལ་དུ་མེད་པ་ཞིག་སྐྱེས་པར་གྱུར་ཏེ། འདི་ལྟར་དེ་བཞིན་གཤེགས་པས་ད་ལྟར་བྱུང་བའི་དུས་ལས་བརྩམས་ནས་སྤོབས་པ་ཐོགས་པ་མེད་པས་ཆོས་སྟོན་པ་འདི་ནི་ངོ་མཚར་ཏོ། །
D99.047.0136a02.01འདི་ནི་རྨད་དུ་བྱུང་བའོ་སྙམ་མོ། །དེ་དེ་བཞིན་གཤེགས་པའི་དྲུང་ནས་ངོ་མཚར་དུ་བྱ་བ་ཐོབ་ནས་དེ་བཞིན་གཤེགས་པ་དེ་ལ་རིན་པོ་ཆེའི་མེ་ཏོག་གཏོར་ཏེ་སྨོན་ལམ་བཏབ་པ། ཀྱེ་ཨེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སྤོབས་
D99.047.0136a03.01པ་ཐོགས་པ་མེད་པ་ཐོབ་པར་བྱ་བའི་ཕྱིར་ཆོས་སྟོན་པར་གྱུར་ཅིག་ཅེས་བཏབ་སྟེ། དེ་ལས་ཀྱི་རྣམ་པར་སྨིན་པ་དེས་བསྐལ་པ་བྱེ་བ་ཕྲག་བརྒྱད་ཅུར་ལོག་པར་ལྟུང་བར་མ་སོང་ངོ་། །མཽད་གལ་གྱི་བུ་དེའི་ཚེ་དེའི་དུས་ན་བྲམ་ཟེ་བློ་ལྡན་ཤིང་སཱ་ལ་ཆེན་པོ་ལྟ་བུར་གྱུར་པ་དེ་གཞན་ཡིན་པར་སེམས་
D99.047.0136a04.01ན་ཁྱོད་ཀྱིས་དེ་ལྟར་བལྟ་བར་མི་བྱ་སྟེ། ང་དེའི་ཚེ་དེའི་དུས་ན་བྲམ་ཟེ་བློ་ལྡན་ཤིང་སཱ་ལ་ཆེན་པོ་ལྟ་བུར་གྱུར་ཏོ། །དགེ་བའི་རྩ་བ་དེས་ང་ད་ལྟར་བྱུང་བའི་དུས་ན་སྒྲིབ་པ་མེད་པའི་ཡེ་ཤེས་སྐྱེས་ཏེ། ངས་ད་ལྟར་བྱུང་བའི་ཤེས་པ་དེ་ལ་སྐྱེ་བོའི་ཚོགས་མང་པོ་བཙུད་དོ། །དགེ་བའི་རྩ་བ་དེས་
D99.047.0136a05.01ང་ད་ལྟར་བྱུང་བ་ཤེས་པ་ཀུན་འབྱུང་བ་ཤེས་པ་མངོན་པར་གྲུབ་སྟེ། ད་ལྟར་བྱུང་བའི་ཤེས་པ་དེ་ཡང་ངས་མངོན་སུམ་དུ་བྱས་ཤིང་ཡང་དག་པར་རབ་ཏུ་བསྟན་པས་སྐྱེ་བོའི་ཚོགས་མང་པོ་དག་གིས་ཀྱང་མངོན་སུམ་དུ་བྱས་སོ། །དགེ་བའི་རྩ་བ་དེས་ང་ད་ལྟར་བྱུང་བ་ཤེས་པ་འགོག་པ་ཤེས་པ་མངོན་སུམ་དུ་
D99.047.0136a06.01བྱས་ཏེ། ལམ་གང་གིས་ད་ལྟར་བྱུང་བ་ཤེས་པ་འགོག་པར་འགྱུར་བའི་ལམ་མངོན་སུམ་དུ་བྱས་པ་དེ་ཤེས་པར་བྱ་བའི་དོན་དུ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། སངས་རྒྱས་བྱེ་བ་ཁྲག་ཁྲིག་དཔག་ཏུ་མེད་པ་དག་ལ་བསྙེན་བཀུར་བྱས་ཤིང་ཡོངས་སུ་ཞུས་སོ། །མཽད་གལ་གྱི་བུ་སྔོན་བྱུང་བ་
D99.047.0136a07.01