完整藏文原文 · 德格版页 当前仅加载第 47 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད། །སྟོན་པའི་གསུང་མཆོག་ཀླུ་ཡི་རྒྱལ་པོས་ཐོས་ནས་སུ། །དགའ་བའི་སེམས་ཀྱིས་སོར་བཅུའི་རྩེ་མོ་ཐལ་སྦྱར་ཏེ། །མི་དབང་འཇིག་རྟེན་མགོན་པོ་དྲང་སྲོང་ཆེན་པོ་ལ། །གུས་པ་བསྐྱེད་ནས་འཁྲུལ་མེད་ཚིག་གིས་མངོན་བསྟོད་པ། །སྐྱབས་མཆོག་ཤིན་ཏུ་ཐུགས་གཞུངས་མཚུངས་
D99.047.0122b01.01མེད་ཡེ་ཤེས་ཏོག །འགྲོ་བའི་དགེ་བ་སྤྱོད་ཅིང་དགེ་ལ་ཡུན་རིང་དང་། །འགྲོ་བའི་བསམ་པ་མཐའ་ཡས་ཁྱོད་ཀྱིས་ཐུགས་ཆུད་པས། །དེས་ན་མི་དབང་ཁྱོད་ནི་འཇིག་རྟེན་རྒྱ་ཆེར་གྲགས། །དེ་ནས་ཀླུའི་རྒྱལ་པོ་གསེར་མགྲིན་གྱིས་བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་
D99.047.0122b02.01ཞུས་པ། སྟོབས་བཅུའི་སྟོབས་མངའ་སྟོབས་ཆེ་སྟོབས་དང་ལྡན་པ་སྟེ། །ཐུགས་དགེ་སྣང་མཛད་འོད་དང་ལྡན་ཞིང་སྡིག་མི་མངའ། །སྲིད་རྒྱལ་བློ་གྲོས་བཟང་བས་འགྲོ་བ་ཤིན་ཏུ་མཁྱེན། །རྒྱལ་བ་དགེ་སྤྱོད་ཤིན་ཏུ་དྲི་མེད་ཞལ་གསུངས་ཤིག །མི་མཆོག་རྡུལ་བྲལ་ཁྱོད་སྲས་ཇི་ལྟར་
D99.047.0122b03.01སྤྱད་བགྱིས་ན། །མཁས་པ་མ་དཀྲུགས་མ་བསྐྱོད་པ་དག་ཐུགས་ཆུད་ཅིང་། །རྒྱལ་བ་རྡུལ་བྲལ་དཔག་མེད་བརྒྱ་ནི་ཡོངས་སུ་མཁྱེན། །རྒྱལ་སྲས་སྐྱེ་བོ་ཕན་མཛད་ཐུགས་སུ་ཆུད་པའི་སྤྱན། །བློ་གྲོས་དཔག་མེད་མངའ་བ་ལྷ་མི་མཁས་པ་ཡིས། །བླ་མར་བགྱིས་ཤིང་རྒྱལ་བ་
D99.047.0122b04.01དཔག་མེད་ས་ཡས་བསྐོར། །མཁས་པ་དུས་སུ་འགྲོ་བ་དཔག་མེད་ཕན་མཛད་དགོངས། །སྟོབས་བཅུ་མངའ་བ་ཀླུ་ཡི་འགྲོ་བ་ཞུས་པ་གསུངས། །བློ་འཆལ་བྲལ་ཞིང་བློ་གཙང་རྗེས་དགོངས་བརྟག་པ་མཛོད། །ང་ཡི་སྲས་མཆོག་རྒྱལ་བསྟེན་རྒ་ཤི་ཟད་བྱེད་པ། །འཐོབ་ཅིང་
D99.047.0122b05.01རྒྱལ་བས་མཆོད་ཅིང་རྡུལ་མེད་སྐྱོན་བྲལ་རེ། །འགྲོ་བའི་སྡུག་བསྔལ་དཔག་མེད་བརྒྱ་ཤེས་ཡོངས་སུ་འགྲོ་ལ། །སྟོབས་བཅུ་བློ་གྲོས་མངའ་བས་ཀླུ་ཡི་བདག་པོ་ཡིས། །རྒ་ཤི་ཟད་བྱ་ཐོས་ནས་རབ་ཏུ་ཡིད་དགའ་སྟེ། །འགྲོ་ལ་ཕན་ཡིད་བྱང་ཆུབ་ཡིད་བྱས་རྒྱལ་བའི་མཆོག །
D99.047.0122b06.01རྣམ་འདྲེན་བློ་མངའ་འགྲོ་ལ་ཕན་མཛད་མངོན་བསྟོད་པ། །འགྲོ་བ་མང་པོའི་མུན་པ་རབ་རིབ་ལིང་ཏོག་དག །གཅོད་མཛད་འགྲོ་འདིའི་སྡུག་བསྔལ་འཇོམས་ཤིང་མུན་པ་དང་། །རབ་རིབ་ལིང་ཏོག་ཀུན་ནས་སེལ་མཛད་བདུད་རྩིའི་ལམ། །ཤིན་ཏུ་དྲི་མེད་སྤྱན་མངའ་
D99.047.0122b07.01