完整藏文原文 · 德格版页 当前仅加载第 47 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
བཤེས་ལ་གནས་པའི་རྒྱུ་དང་བྲལ་བ་དང་། མི་མཛའ་བ་ལ་གནས་པའི་རྒྱུ་དང་བྲལ་བ་དང་། མཚོ་ལ་གནས་པའི་རྒྱུ་དང་བྲལ་བ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་གནས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་
D99.047.0102b01.01ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་སྔོན་གྱི་གནས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ་དཔེར་ན། སྒྱུ་མའི་སྐྱེས་བུའི་རྨི་ལམ་ན་ཐབས་ལ་མཁས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་
D99.047.0102b02.01གཤེགས་པས་སྔོན་གྱི་གནས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ་དཔེར་ན། སྒྱུ་མའི་སྐྱེས་བུའི་རྨི་
D99.047.0102b03.01ལམ་ན་སྐྱེ་བའི་རིགས་ལ་འཇུག་པ་དང་། སྐྱེ་བའི་ཡུལ་དུ་འཇུག་པ་དང་། མཛའ་བཤེས་དང་ཕྲད་པར་འཇུག་པ་དང་། མི་མཛའ་བ་དང་ཕྲད་པར་འཇུག་པ་དང་། མཚོ་ཡོངས་སུ་ཤེས་པར་འཇུག་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་
D99.047.0102b04.01ཕྱི་མའི་མཐའ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ་དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་དུ་གནས་པར་
D99.047.0102b05.01འཇུག་པའི་རྒྱུ་ཤེས་པ་དང་། སྐྱེ་བའི་རིགས་ལ་འཇུག་པའི་རྒྱུ་ཤེས་པ་དང་། མཛའ་བཤེས་དང་ཕྲད་པར་འཇུག་པའི་རྒྱུ་ཤེས་པ་དང་། མི་མཛའ་བ་དང་ཕྲད་པར་འཇུག་པའི་རྒྱུ་ཤེས་པ་དང་། མཚོ་ཡོངས་སུ་ཤེས་པར་འཇུག་པའི་རྒྱུ་ཤེས་པ་ཇི་སྙེད་པ་ཉིད་ནི་མིང་
D99.047.0102b06.01ཙམ་སྟེ། དེ་བཞིན་དུ་དེ་བཞིན་གཤེགས་པས་ཕྱི་མའི་མཐའ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ་
D99.047.0102b07.01