完整藏文原文 · 德格版页 当前仅加载第 47 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་བསྟན་པ་བཞིན་ནོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་འཆི་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་གང་དག་སྐྱེས་ནས་འཆི་བར་འགྱུར་བ། འཆི་བ་དང་།
D99.047.0084b01.01འཆི་འཕོ་བ་དང་། འཆི་བར་བྱེད་པ་དང་། གསོད་པ་དང་། དུས་བྱེད་པ་དང་། ཕུང་པོ་འཇིག་པ་དང་། ལུས་འདོར་བ་དང་། སྲོག་གི་དབང་པོ་ཡང་དག་པར་གཅོད་པ་དང་། རིས་ལྷན་ཅིག་འཐུན་པ་འབྱེད་པ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་
D99.047.0084b02.01ཏེ། སེམས་ཅན་འདི་དག་ནི་ཚེའི་ཚད་ཡོངས་སུ་མ་རྫོགས་པར་འཆི་བར་འགྱུར། སེམས་ཅན་འདི་དག་ནི་ཕ་རོལ་གྱི་གནོད་པས་འཆི་བར་འགྱུར། སེམས་ཅན་འདི་དག་ནི་ཡ་ང་བ་སྤོང་བས་འཆི་བར་འགྱུར། སེམས་ཅན་འདི་དག་ནི་ཡ་ང་བ་མ་སྤངས་པས་འཆི་བར་འགྱུར། སེམས་
D99.047.0084b03.01ཅན་འདི་དག་ནི་དུས་ཚིགས་ཀྱིས་བསྒྱུར་ནས་འཆི་བར་འགྱུར། སེམས་ཅན་འདི་དག་ནི་བསོད་ནམས་ཟད་པས་འཆི་བར་འགྱུར་རོ། །ཞེས་དེ་ལྟར་ན་དེ་བཞིན་གཤེགས་པས་འཆི་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཆི་བ་ཤེས་པ་དེ་
D99.047.0084b04.01ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས། ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང་། འགོག་པ་དང་། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་
D99.047.0084b05.01རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རིགས་ཀྱི་བུའམ་རིགས་ཀྱི་བུ་མོ་འཆི་བ་ན། སྐྱེ་བའི་མཚན་མ་འདི་དག་འབྱུང་བར་འགྱུར་ཏེ། གང་དུ་འདིས་སྐྱེ་བར་བྱེད་པ་སེམས་ཅན་དམྱལ་བའི་མཚན་མ་དག་མཐོང་བ་ནི་
D99.047.0084b06.01སེམས་ཅན་དམྱལ་བར་འགྲོའོ། །དུད་འགྲོའི་མཚན་མ་དག་མཐོང་བ་ནི་དུད་འགྲོའི་སྐྱེ་གནས་སུ་འགྲོའོ། །གཤིན་རྗེའི་འཇིག་རྟེན་གྱི་མཚན་མ་དག་མཐོང་བ་ནི་གཤིན་རྗེའི་འཇིག་རྟེན་དུ་འགྲོའོ། །མིའི་མཚན་མ་དག་མཐོང་བ་ནི་མིའི་འཇིག་རྟེན་དུ་འགྲོའོ། །ལྷའི་མཚན་མ་དག་མཐོང་
D99.047.0084b07.01