完整藏文原文 · 德格版页 当前仅加载第 47 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་ན་དེ་ངེས་པར་འབྱུང་བ་ཞེས་བྱའོ། །དེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ནས་སངས་རྒྱས་ཀྱི་སྐུ་དེ་ལ་ཚིགས་སུ་བཅད་དེ་གསོལ་བ། མི་མཆོག་འཇིག་རྟེན་མགོན་པོ་སྟེ། །བལྟ་ན་སྡུག་ཅིང་ཤིན་ཏུ་གསལ། །གང་དུ་སྐྱེ་བོ་
D99.047.0237b01.01རྨོངས་པ་དག །འདི་ནི་བྱང་ཆུབ་ལམ་ལགས་སོ། །མཽད་གལ་གྱི་བུ་ཁྱོད་དེའི་ཚེ་དེའི་དུས་ན་རྒྱལ་པོ་རོ་མྱང་བ་དང་ཉེས་དམིགས་ལ་མཁས་པ་ཞེས་བྱ་བར་གྱུར་པ་དེ་གཞན་ཡིན་པར་སེམས་ན། ཁྱོད་ཀྱིས་དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན་རྒྱལ་པོ་རོ་མྱང་བ་དང་ཉེས་དམིགས་ལ་མཁས་པ་ཞེས་
D99.047.0237b02.01བྱ་བར་གྱུར་ཏོ། །དེའི་ཚེ་ངས་མངོན་པར་འདུ་མ་བྱས་ཤིང་ངེས་པར་འབྱུང་བ་བསྟན་ཏོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔས་མངོན་པར་འདུ་མི་བྱེད་པ་ལ་མཁས་པར་བྱའོ། །མངོན་པར་འདུ་མི་བྱེད་པ་ལ་མཁས་པའི་བྱང་ཆུབ་སེམས་དཔའ་ནི་ཆོས་རྣམས་ལ་མྱུར་དུ་ཕྱིར་མི་ལྡོག་པར་རབ་
D99.047.0237b03.01ཏུ་གནས་པར་འགྱུར་རོ། །མཽད་གལ་གྱི་བུ་ངས་སྔོན་གྱི་མཐའ་ཤེས་པར་བྱ་བའི་དོན་དུ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། དགེ་བའི་རྩ་བ་རྣམ་པ་སྣ་ཚོགས་དུ་མ་དག་མངོན་པར་འདུས་བྱས་ཏེ། ཇི་ལྟར་སྔར་བསྟན་པ་བཞིན་དུ་རྒྱ་ཆེར་བྱའོ། །མཽད་གལ་གྱི་བུ་སྔོན་བྱུང་བ་འདས་
D99.047.0237b04.01པའི་དུས་འཁོར་བ་དཔག་ཏུ་མེད་ཅིང་གྲངས་མེད། བསམ་གྱིས་མི་ཁྱབ་གཞལ་གྱིས་མི་ལང་། དཔག་ཏུ་མེད་བརྗོད་དུ་མེད་པ་དེའི་ཕ་རོལ་གྱི་ཡང་ཆེས་ཕ་རོལ་ན་རྒྱལ་པོ་སྔོན་གྱི་མཐའ་ཤེས་པ་ཡོངས་སུ་རྟོགས་པ་ཞེས་བྱ་བ་ཞིག་བྱུང་ངོ་། །དེ་བྱེད་པ་གང་དང་གང་རྩོམ་པ་དེ་སྔོན་གྱི་མཐའ་
D99.047.0237b05.01སོ་སོར་བརྟགས་ནས་རྩོམ་མོ། །གང་བདག་གི་ངོ་བོ་ཉིད་དབང་པོའི་བྱེ་བྲག་དེ་དག་ཐམས་ཅད་ནི་སྔོན་གྱི་ལས་ཀྱིས་བསྒྲུབས་པ་ཡིན་ཏེ། ལ་ལ་ནི་གཟུགས་ངན། ལ་ལ་ནི་གཟུགས་བཟང་། ལ་ལ་ནི་བསོད་ནམས་དང་ལྡན། ལ་ལ་ནི་བསོད་ནམས་ཆུང་། ལ་ལ་ནི་བླུན། ལ་ལ་ནི་མཁས།
D99.047.0237b06.01ལ་ལ་ནི་བྲན། ལ་ལ་ནི་ཇོ་བོ། ལ་ལ་ནི་རབ་ཏུ་དགའ་བ་སྐྱེད། ལ་ལ་ནི་གཏི་མུག་སྐྱེད་དེ། གང་བདག་བྲན་དུ་འགྱུར་བའི་ལས་མངོན་པར་འདུ་བྱེད་པ་འདི་བདག་དང་འཐུན་པར་མི་འགྱུར་རོ། །གཟུགས་ངན་པར་འགྱུར་བའམ། བསོད་ནམས་ཆུང་བར་འགྱུར་བ་ནས། གཏི་མུག་སྐྱེད་པར་
D99.047.0237b07.01