完整藏文原文 · 德格版页 当前仅加载第 59 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། བི་མ་ལ་པྲ་བྷ་པ་རི་པྲྀཙྪཱ། བོད་སྐད་དུ། དྲི་མ་མེད་པའི་འོད་ཀྱིས་ཞུས་པ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །གང་གི་ཚེ་སངས་རྒྱས་བཅོམ་ལྡན་འདས་ཀྱིས་ཟླ་བའི་སྙིང་པོ་ཞེས་བྱ་བའི་མདོ་བཤད་པའི་ཚེ་འཛམ་བུའི་གླིང་
D168.059.0211a01.01གི་ཡུལ་ཐམས་ཅད་སྲུང་མ་རྣམས་ཀྱི་ལག་ཏུ་སོ་སོར་གཏད་པ་ན། བཅོམ་ལྡན་འདས་བྱ་རྒོད་ཀྱི་ཕུང་པོའི་རི་ལ་བཞུགས་ནས་ལྷ་ཐམས་ཅད་བསྡུ་བའི་ཕྱིར་འོད་ཟེར་བཏང་ངོ་། །དེ་ནས་བཅོམ་ལྡན་འདས་ཀྱིས་དགོངས་པ་བསྐྱེད་མ་ཐག་ཏུ་ལྷའི་རྒྱལ་པོ་ཐམས་ཅད་འཁོར་དང་བཅས་པ་བཅོམ་
D168.059.0211a02.01ལྡན་འདས་ཀྱི་སྤྱན་སྔར་འདུག་གོ། །དེའི་ཚེ་བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་དང་། གནོད་སྦྱིན་གྱི་དབང་པོ་ཀུན་ཏུ་རྒྱལ་ལ་བོས་ཏེ་བཀའ་སྩལ་པ། རྒྱལ་པོ་ཆེན་པོ་དག་ངའི་བཀའ་ཆོས་དང་ལྡན་པ་བཞིན་གྱིས་ལ་རིམ་གྲོ་བྱོས་ཤིག །ང་ཡོངས་སུ་མྱ་ངན་
D168.059.0211a03.01ལས་འདས་ནས་ལོ་བརྒྱ་ལོན་པ་ན། ལི་ཡུལ་ཞེས་བྱ་བ་ཞིག་འབྱུང་བར་འགྱུར་ཏེ། དེ་ཡོངས་སུ་བསྐྱང་བའི་ཕྱིར་ངས་ཁྱེད་ཀྱི་ལག་ཏུ་གཏད་དོ། །རྒྱལ་པོ་རྣམ་ཐོས་བུ་ཁྱོད་དང་། །རྫུ་འཕྲུལ་ཆེན་པོ་ཀུན་ཏུ་རྒྱལ། །ཀླུ་ཡི་རྒྱལ་པོ་མ་དྲོས་དང་། །བློ་རབ་བརྟན་པའི་ལྷ་ཡི་བུ། །ང་
D168.059.0211a04.01ཡི་ཚིག་ནི་མཉན་པར་གྱིས། །ཡུལ་འདི་རྒྱལ་བའི་དབང་པོ་ཡིས། །འདུལ་བ་ཡིན་གྱི་གཞན་གྱིས་མིན། །གང་དག་ངས་ནི་མ་བཏུལ་བའི། །སེམས་ཅན་དེ་དག་ལི་ཡུལ་འཁོར། །སངས་རྒྱས་ལུང་བསྟན་གྲོང་ཁྱེར་དུ། །སོ་སོར་སྐྱེ་བ་ལེན་པར་འགྱུར། །ང་ཡི་སངས་རྒྱས་
D168.059.0211a05.01བྱང་ཆུབ་ཕྱིར། །སྡུག་བསྔལ་ཆེན་པོ་མྱོང་བ་དང་། །སྨོན་ལམ་ཆེན་པོ་རབ་མང་བ། །བཏབ་པར་གྱུར་པ་གང་ཡིན་པའི། །བསོད་ནམས་ཀྱི་ནི་ཚོགས་དེ་ཡིས། །ཡུལ་འདི་ང་ཡི་ཕྱག་མཚན་གྱུར། །ཞི་བར་མྱ་ངན་ང་འདས་ན། །ཁྱེད་རྣམས་ལ་ནི་གཏད་པར་བྱ། །གང་ཚེ་
D168.059.0211a06.01ང་ཡི་བྱམས་པའི་ས། །ལི་ཡུལ་འདི་ནི་བྱུང་བ་ན། །འགུ་མ་ཏི་ར་གནས་མཛེས་དེར། །ཆོས་ཀྱི་རྒྱལ་པོའི་མཆོད་རྟེན་དུ། །བསྐལ་པ་བཟང་པོའི་སངས་རྒྱས་རྣམས། །དེ་ཚེ་འདིར་ནི་འདུལ་བར་འགྱུར། །ཡུལ་འདི་ཡོངས་སུ་བསྐྱང་བའི་ཕྱིར། །ང་ཡིས་ཁྱེད་ལ་
D168.059.0211a07.01