完整藏文原文 · 德格版页 当前仅加载第 59 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་དྲི་མ་མེད་པའི་འོད་ཀྱི་སྟེང་དུ་ལྷའི་མེ་ཏོག་གི་ཆར་བབ་བོ། །དེའི་ཚེ་ལྷ་མོ་དྲི་མེད་འོད། །བྱང་ཆུབ་སེམས་དཔའི་གནས་མཛེས་པ། །ལི་ཡུལ་དུ་ནི་སྐྱེས་ཤིག་ཅེས། །རྒྱལ་བའི་སྤྱན་སྔར་སྨོན་ལམ་བཏབ། །སྐྱོབ་པ་ཤཱཀྱ་སེང་གེ་ཡི། །བསྟན་པ་ཇི་སྲིད་
D168.059.0220a01.01གནས་པའི་བར། །དེ་སྲིད་བར་དུ་བདག་ཀྱང་དེར། །རྟག་ཏུ་སྐྱེ་བ་འཛིན་གྱུར་ཅིག །རྒྱལ་བའི་སྤྱན་སྔར་གང་གི་ཚེ། །ལྷ་མོས་སྨོན་ལམ་བཏབ་པ་ན། །སངས་རྒྱས་ཞིང་བཞུགས་རྒྱལ་རྣམས་ཀྱིས། །དེ་ཚེ་ལེགས་ཞེས་བྱ་བ་བྱིན། །ལྷ་མོ་ཡུལ་གྱི་སྲུང་མ་ལ། །རྒྱལ་
D168.059.0220a02.01བ་རྣམས་ཀྱིས་ལེགས་བྱིན་པ། །རྣམ་ཐོས་བུ་དང་གནོད་སྦྱིན་དབང་། །ཀུན་ཏུ་རྒྱལ་གྱིས་དེ་བཞིན་ཐོས། །དེ་ཚེ་རྣམ་ཐོས་བུ་ལ་སོགས། །ལྷ་རྣམས་གང་དག་དེར་འདུས་པས། །བཅོམ་ལྡན་འདས་ལ་ཚིག་གིས་གསོལ། །ལི་ཡུལ་ཡོངས་སུ་བསྲུང་བའི་ཕྱིར། །ལྷ་རབ་དམ་
D168.059.0220a03.01པ་འཐུན་གྱུར་པ། །བདག་ཅག་གིས་ནི་ཡུལ་ཡང་བཟུང་། །གང་ཚེ་གསེར་གྱི་རིགས་དག་དང་། །སྐར་རྡོའི་ཡུལ་ནི་མཛེས་གྱུར་པ། །ལི་ནི་དབང་བར་གྱུར་པ་ན། །གསེར་གྱི་དཔྱ་ནི་འཇལ་བར་འགྱུར། །དེ་ཚེ་ལྷ་མོས་གསོལ་པ་ནི། །སྐར་རྡོ་དང་ནི་གསེར་གྱི་རིགས། །
D168.059.0220a04.01ལྷ་རྣམས་ཀྱིས་ནི་བསྲུང་བའི་ཕྱིར། །རྒྱལ་བ་སྐྱེས་མཆོག་སྩོལ་བར་མཛོད། །ས་འདིར་སྔོན་གྱི་ཚེ་རབས་སུ། །གང་ཚེ་བདག་ནི་དགེ་བསྙེན་མ། །མིང་ནི་ཧུ་ཤར་གྱུར་པ་ན། །ཡུལ་འདི་གཉིས་ནི་བདག་གི་ལགས། །དེ་ཡི་འཁོར་དུ་རྒྱལ་བྱུང་བ། །ཨུ་རྒྱན་བདག་པོ་དབང་
D168.059.0220a05.01ཕྱུག་གོ། །རྒྱལ་པོ་སྟན་ལས་ལངས་ནས་ཀྱང་། །པུས་མོ་གཉིས་ནི་ས་ལ་བཙུགས། །བཅོམ་ལྡན་འདས་ལ་གསོལ་བ་ནི། །གང་གི་ཚེ་ན་ལི་ཡུལ་ཞེས། །བྱ་བ་དེ་ནི་འབྱུང་འགྱུར་ཞིང་། །ཡོངས་སུ་རྒྱས་ཤིང་སྐྱེ་བོ་གང་། །དེ་ཚེ་སྐར་རྡོའི་ཡུལ་དག་ཏུ། །སྟོབས་ཆེན་རྒྱལ་པོར་བདག་གྱུར་ནས། །
D168.059.0220a06.01དེར་ནི་ལི་ཡི་བདག་པོ་དང་། །རྟག་ཏུ་གཉེན་ནི་བགྱིད་པ་དང་། །བདག་གི་ཡུལ་དེ་བསྲུང་བའི་ཕྱིར། །བདག་ཉིད་ཀྱང་ནི་དབུལ་བར་བགྱི། །དེ་ཡི་ཚེ་ནི་དྲི་མེད་འོད། །ལྷ་མོས་སྨོན་ལམ་འདི་སྐད་བཏབ། །གང་ཚེ་ཡུལ་གྱི་དང་པོ་འདིར། །སུམ་པ་མང་པོ་འོང་བ་དང་། །
D168.059.0220a07.01