完整藏文原文 · 德格版页 当前仅加载第 59 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ལྟར་བྱང་ཆུབ་སེམས་དཔའ་དེ་དག་ཐམས་ཅད་སངས་རྒྱས་པར་གྱུར་ལ། བདག་ནི་ད་དུང་དུ་བུད་མེད་ཀྱི་གཟུགས་སུ་སྣང་བ་ནི་བདག་ཤིན་ཏུ་ངོ་ཚ་མོད་ཀྱི། འོན་ཀྱང་བཅོམ་ལྡན་འདས་ཀྱིས་ལས་ཆེན་པོ་ཇི་སྐད་དུ་བཀའ་སྩལ་པ་ནི་གཞན་དུ་མི་འགྱུར་
D168.059.0236a01.01ཏེ། བདག་གིས་བུད་མེད་དུ་སྐྱེ་བ་མ་བླངས་ན། བཅོམ་ལྡན་འདས་ཀྱིས་བཀའ་སྩལ་པའི་ལས་དེ་དག་ཀྱང་ཇི་ལྟར་བྱེད་པར་འགྱུར། དེ་བས་ན་འདོད་ཆགས་དང་། ཞེ་སྡང་དང་། གཏི་མུག་དང་ལྡན་པའི་བུད་མེད་གཞན་དག་ཇི་ལྟ་བ་བཞིན་དུ་དེར་བདག་བུད་མེད་ཀྱི་གཟུགས་
D168.059.0236a02.01སུ་སྣང་བར་བྱས་ལ། གང་གི་ཚེ་བདག་གི་སངས་རྒྱས་ཀྱི་ཕྲིན་ལས་ཐམས་ཅད་དང་། སྨོན་ལམ་རྣམས་དྲན་པར་འགྱུར་བ་དེའི་དུས་ལ་བབ་པ་ན་གཞོན་ནུ་འདི་དང་ལྷན་ཅིག་ཏུ་ལི་ཡུལ་དུ་སྐྱེ་བ་བླངས་ཏེ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་གྱུར་ཅིག །
D168.059.0236a03.01གང་གི་ཚེ་ལི་ཡུལ་དུ་གནོད་པ་བྱུང་བར་གྱུར་པ་ན་དེར་བདག་ཅག་སྒྲོལ་བ་པོར་གྱུར་ཅིག །དེ་ནས་ཐམས་ཅད་མི་མཇེད་ཀྱི་འཇིག་རྟེན་གྱི་ཁམས་འདིར་འོངས་ནས་ལྷ་དང་མིའི་ནང་དུ་བུད་མེད་ཀྱི་སྐྱེ་བ་ལེན་པ་ན་བདག་གང་དུ་སོང་ཡང་རུང་སྟེ། ཐམས་ཅད་དུ་ཚེ་རབས་དྲན་པར་གྱུར་ཅིག །
D168.059.0236a04.01གང་གི་ཚེ་སངས་རྒྱས་ཀྱིས་བཀའ་སྩལ་པ་འདི་བྱས་ཏེ། འཆི་བའི་དུས་བྱས་ནས་ཀྱང་གང་ན་བུད་མེད་ཀྱི་མིང་ཡང་མེད་པའི་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་གྱུར་ཅིག །དེར་ཡང་རིང་པོ་མི་ཐོགས་པར་ཕྱིར་འདིར་འོངས་ནས་འགྲོ་བ་ལྔར་གཏོགས་པའི་སེམས་ཅན་སྡུག་
D168.059.0236a05.01བསྔལ་བ་རྣམས་ཡོངས་སུ་གྲོལ་བར་བྱེད་པར་གྱུར་ཅིག །གང་གི་ཚེ་བྱམས་པ་འདིར་གཤེགས་པའི་ཚེ་ཡང་བྱང་ཆུབ་སེམས་དཔའ་ནམ་མཁའི་ཚིག་ཇི་ལྟ་བ་བཞིན་དུ་ཚུལ་བཞིན་དུ་བལྟ་བའི་ཕྱིར་འགྲོ་བར་གྱུར་ཅིག །ཚེ་རབས་ཐམས་ཅད་དུ་སེམས་ཅན་ཇི་སྙེད་ཀྱིས་བདག་དང་ལྷན་
D168.059.0236a06.01ཅིག་ཏུ་བསོད་ནམས་བགྱིས་པའམ། བགྱིད་པར་འགྱུར་བའམ། ཡང་ན་མཐོང་བའམ། མིང་ཐོས་ཀྱང་རུང་སྟེ། དེ་དག་ཐམས་ཅད་བདག་གིས་ཡོངས་སུ་གྲོལ་བར་བྱེད་པར་གྱུར་ཅིག །ཅེས་སྨོན་ལམ་བཏབ་བོ། །གང་གི་ཚེ་ལྷ་མོ་དྲི་མ་མེད་པའི་འོད་ཀྱིས་དེ་སྐད་སྨྲས་པ་
D168.059.0236a07.01