完整藏文原文 · 德格版页 当前仅加载第 59 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །སྔོན་གྱི་ཚེ་བྲམ་ཟེ་རྒྱ་མཚོའི་རྡུལ་ཞེས་བྱ་བར་གྱུར་པ་གང་ཡིན་པ་དེ་ནི། བཅོམ་ལྡན་འདས་ཤཱཀྱ་ཐུབ་པ་ང་ཡིན་ནོ། །གང་གིས་བུད་མེད་དེ་སངས་རྒྱས་བཅོམ་ལྡན་འདས་བསྟན་པའི་བྲམ་ཟེ་རྒད་པོར་གྱུར་པ་གང་ཡིན་པ་
D168.059.0236b01.01དེ་ནི་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་འདི་ཡིན་ནོ། །བུད་མེད་ནད་པར་གྱུར་པ་གང་ཡིན་པ་དེ་ནི་རྒྱལ་པོ་མ་སྐྱེས་དགྲའི་བུ་མོ་ལྷ་མོ་དྲི་མ་མེད་པའི་འོད་འདི་ཡིན་ནོ། །དེའི་བུ་ཁྱེའུར་གྱུར་པ་གང་ཡིན་པ་དེ་ནི་གཞོན་ནུ་རྡོ་རྗེ་སྡེ་འདི་ཡིན་ནོ། །ཕྱིས་འབྱུང་
D168.059.0236b02.01བ་གང་ཡིན་པ་དེ་དག་ཀྱང་བཤད་པར་བྱ་སྟེ། སྐར་རྡོ་རྣམས་དང་། གསེར་གྱི་རིགས་ཀྱི་ནང་ན་ནི། ཐོག་མ་ཁོ་ནར་དགེ་བསྙེན་མ་ཧུ་ཤ་ལས་ཟུག་སྟེ། མིའི་རྒྱུད་ཆགས་པར་གྱུར་ནས། དགེ་བསྙེན་མ་ཧུ་ཤ་གསེར་གྱི་རིགས་ཀྱི་ཡུལ་དེ་ན་གནས་པར་གྱུར་ཏོ། །དགེ་བསྙེན་མ་
D168.059.0236b03.01ཧུ་ཤ་དེ་ནི་ལྷའི་རིགས་ཡིན་ཏེ། ལྷ་རྣམས་ཀྱི་ནང་ནས་ལྷ་མོ་ཞིག་ལ་སྐྱོན་བྱུང་བར་གྱུར་ནས། དེ་ཆད་པས་གཅད་དེ་གསེར་གྱི་རི་ལ་བཏང་ངོ་། །དམོད་པ་ཡང་བོར་ཏེ། ཁྱོད་དེར་མི་ལ་ཟ་བའི་སྲིན་མོར་གྱུར་ཅིག་ཅེས་བྱས་སོ། །དེ་ནས་དེས་ཚོང་པ་མང་པོ་གསེར་འདོད་པའི་
D168.059.0236b04.01ཕྱིར་གསེར་གྱི་རིགས་ཀྱི་རི་དེར་སོང་བ་གང་ཡིན་པ་རྣམས་ལ་བསྟན་ཏེ། སྲིན་མོ་དེས་ཚོང་པ་དེ་དག་དང་ལྷན་ཅིག་ཏུ་འདོད་པའི་བདེ་བ་ཉམས་སུ་མྱོང་ངོ་། །གང་གི་ཚེ་དུས་གཞན་ཞིག་ན་འགྲོན་པོ་གཞན་དག་དེར་ལྷགས་པར་གྱུར་པ་ན་སྔར་འོངས་པ་གང་དག་དང་ལྷན་ཅིག་ཏུ་
D168.059.0236b05.01འདོད་པའི་བདེ་བ་ཉམས་སུ་མྱོང་བར་གྱུར་པ་དེ་དག་ནི་ཟོས་སོ། །ལྷས་དམོད་པ་བོར་བའི་སྲིན་མོ་དེ་ཡང་སྲིན་མོ་གཞན་གང་དག་དང་འགྲོན་དུ་འགྲོན་པ་དེ་དག་དང་འདོད་པའི་བདེ་བ་ཉམས་སུ་མྱོང་བ་ལྔ་བརྒྱ་པོ་དག་དང་གྲོགས་མོར་གྱུར་ཏོ། །དེ་ན་བྱང་ཆུབ་སེམས་དཔའ་འོག་
D168.059.0236b06.01པག་ཅན་ཞེས་བྱ་བ་ཞིག་དེད་དཔོན་དུ་གྱུར་ཏོ། །གང་གི་ཚེ་ལྷ་རྣམས་ཀྱིས་དེ་ཉེས་པ་ལས་ཚངས་པར་བྱེད་པ་དེའི་དུས་ལ་བབ་པ་ན། དེའི་ཚེ་དེ་ལས་བུ་མོ་ཞིག་བཙས་ཏེ་ཧུ་ཤ་ཞེས་བྱ་བར་མིང་བཏགས་སོ། །ཧུ་ཤ་དེ་ཡང་སྔོན་དེ་བཞིན་གཤེགས་པ་པད་མའི་འདབ་མ་དྲི་
D168.059.0236b07.01