完整藏文原文 · 德格版页 当前仅加载第 59 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་སྡེ་ཉིད་ཀྱིས་དམ་བཅས་པ་ལས་སུས་ཀྱང་བསྐྱོད་པའམ། བཟློག་པར་མི་ནུས་སོ། །དེ་ནས་འཁོར་དེའི་ནང་ནས། དམོད་པས་ཕོག་པའི་ལྷ་མོ་དང་བུད་མེད་འཁོད་པ་གང་ཡིན་པ་དེ་དག་ཐམས་ཅད་ཀྱིས་ལྷ་མོ་དྲི་མ་མེད་པའི་འོད་ལ་འདི་སྐད་ཅེས་སྨྲས་སོ། །ཁྱོད་ཀྱིས་བུད་
D168.059.0230b01.01མེད་དུ་སྐྱེ་བ་ལས་ཐར་བར་འགྱུར་བའི་གཟུངས་སྔགས་བཅོམ་ལྡན་འདས་ལས་མནོས་ལ། བདག་ཅག་ལ་བྱིན་ཅིག་དང་། བདག་ཅག་གིས་ཁྱོད་ལས་གཟུངས་སྔགས་གཟུང་བར་བྱའོ། །དེ་ནས་དེའི་ཚེ་ལྷ་མོ་དྲི་མ་མེད་པའི་འོད་ཀྱིས། སངས་རྒྱས་བཅོམ་ལྡན་འདས་ལ་
D168.059.0230b02.01གཟུངས་སྔགས་གསོལ་ནས་བྱིན་ནོ། །ཏདྱ་ཐཱ། ཛ་ལོ་ཀ་མན་ཏ་པ། སརྦ་བྷུ་ཡ་སྲ་ཀ་ར་སྭཱ་ཧཱ། གཟུངས་སྔགས་འདི་ཅི་སུས་བརྗོད་པ་ནི་བུད་མེད་དུ་སྐྱེ་བ་ལས་ཐར་བར་འགྱུར་རོ། །ཏདྱ་ཐཱ། སརྦ་བྷུ་དྷ་ནཱན། སརྦ་དེ་ག་མ་ར། གན་པ་ཤ་ར་ར་སྭཱ་ཧཱ། སངས་རྒྱས་
D168.059.0230b03.01ཐམས་ཅད་དང་། ལྷ་ཐམས་ཅད་ཀྱིས་གཟུངས་སྔགས་འདི་བཤད་དེ། འདིས་ནི་བར་ཆད་བྱེད་པར་མི་ནུས་སོ། །དེའི་ཚེ་ལྷ་མོ་དྲི་མ་མེད་པའི་འོད་ཀྱིས་སངས་རྒྱས་བཅོམ་ལྡན་འདས་རྣམས་དང་ལྷ་རྣམས་ལ་འདི་སྐད་ཅེས་གསོལ་ཏོ། །གཟུངས་སྔགས་གང་གིས་ཤེས་རབ་འཐོབ་པར་
D168.059.0230b04.01འགྱུར་བ་དང་གང་གིས་སངས་རྒྱས་བཅོམ་ལྡན་འདས་རྣམས་ཀྱིས་བཀའ་སྩལ་པ། དེ་བཞིན་དུ་སུག་ལས་དེ་དག་བགྱིད་ནུས་པར་འགྱུར་བ་དང་། བདག་ཅག་ལ་བར་ཆད་བགྱིད་མི་ནུས་པ་དང་། བདག་གི་བར་ཆད་བགྱི་བར་སྨོན་ལམ་འདེབས་པ་དེ་དག་གིས་ཀྱང་བདག་ལ་གཙེ་བར་མི་ནུས་པ་དང་།
D168.059.0230b05.01བདག་གིས་རིམ་གྱིས་སངས་རྒྱས་ཀྱི་ཕྲིན་ལས་བགྱིད་པར་འགྱུར་བ་དང་། སེམས་ཅན་ཐམས་ཅད་ཀྱི་ཆོས་དང་ལྡན་པའི་བསམ་པ་ཡོངས་སུ་རྫོགས་པར་བགྱིད་པར་འགྱུར་བའི་གཟུངས་སྔགས་དེ་བདག་ལ་སྩལ་དུ་གསོལ། དེའི་ཚེ་སངས་རྒྱས་བཅོམ་ལྡན་
D168.059.0230b06.01འདས་རྣམས་དང་། ལྷ་རྣམས་ཀྱིས་འདི་སྐད་ཅེས་གསུངས་སོ། །སུས་ཀྱང་སེམས་འཁྲུག་པར་བྱེད་མི་ནུས་པར་ངེད་ཀྱིས་གྲོགས་བྱའོ། །དེ་བཞིན་གཤེགས་པ་ཆོས་མངོན་པའི་དབང་ཕྱུག་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་
D168.059.0230b07.01