完整藏文原文 · 德格版页 当前仅加载第 59 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ཏོན་དུ་བྱེད་པའམ། ཀློག་པ་དེའི་བསོད་ནམས་ཀྱི་ཕུང་པོ་ཆེས་མང་བར་འགྱུར་རོ། །མདོར་ན་ཇི་ལྟར་འབྲས་བུ་གསུམ་པ་རྟོགས་པ་དེའི་བསོད་ནམས་ཀྱི་ཕུང་པོ་ཇི་སྙེད་འཕེལ་བར་འགྱུར་རོ། །ཞེས་ང་སྨྲའོ། །དེ་ནས་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་
D168.059.0259b01.01དང་། ནམ་མཁའ་ལྡིང་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། འཁོར་དེ་དག་ཐམས་ཅད་ཀྱིས་འདི་སྐད་ཅེས་གསོལ་ཏོ། །བདག་ཅག་འཁོར་འདིར་འདུས་པ་ཇི་སྙེད་མཆིས་པ་རྣམས་གང་དུ་མདོ་འདི་བརྗོད་པ་དེར་མ་མཆིས་སམ།
D168.059.0259b02.01གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་ལ་གཟུངས་སྔགས་མ་སྩལ་ཏམ། དམ་བཅས་པ་འདི་བསྐྱུད་པར་གྱུར་ན། བདག་ཅག་གིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱི་སྐུ་བསླུས་པར་གྱུར་ཅིག །མཚམས་མ་མཆིས་པའི་
D168.059.0259b03.01ལས་བགྱིས་པའི་སྡིག་པ་ཇི་ཙམ་མཆིས་པ་བདག་ཅག་གིས་བགྱིས་པར་གྱུར་ཅིག །དེ་ནས་འོད་ཟེར་དེ་དག་ལས། ཚིག་ཏུ་བརྗོད་པ་འདི་སྐད་ཅེས་བྱུང་སྟེ། གང་ན་མདོ་འདི་བརྗོད་པ་དེར་བདག་ཅག་འོང་ངོ་ཞེས་སྒྲ་སྒྲོགས་པར་འགྱུར་རོ། །དེ་ནས་ཀུན་དགའ་བོ་དང་།
D168.059.0259b04.01འཁོར་དེ་དག་ཐམས་ཅད་ཀྱིས་ཞུས་པ། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། ཅི་ལྟར་གཟུང་བར་བགྱི། བཀའ་སྩལ་པ། མདོ་འདིའི་མིང་ནི་ཆོས་ཀྱི་སྤྱི་བོ་ཞེས་ཀྱང་བྱ། སངས་རྒྱས་ཐམས་ཅད་ཀྱི་ཆོས་ཀྱི་སྙིང་པོ་ཞེས་ཀྱང་བྱ། དྲི་མ་མེད་པའི་འོད་ཀྱིས་
D168.059.0259b05.01ཞུས་པ་ཞེས་ཀྱང་བྱའོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་འདི་སྐད་ཅེས་བཀའ་སྩལ་ཏོ། །ངས་ཆོས་གང་བཤད་པ་དེ་དག་ཐམས་ཅད་ནི་མདོ་འདི་ཉིད་ཀྱི་ནང་དུ་འདུས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་དེ་དག་དང་། ཚེ་དང་ལྡན་པ་ཀུན་དགའ་བོ་
D168.059.0259b06.01དང་། འཁོར་དེ་དག་ཐམས་ཅད་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཐེག་པ་ཆེན་པོའི་མདོ་དྲི་མ་མེད་པའི་འོད་ཀྱིས་ཞུས་པ་ཞེས་བྱ་བ་རྫོགས་{སྷོ,སོ}།། །།
D168.059.0259b07.01