完整藏文原文 · 德格版页 当前仅加载第 59 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེ་ནས་སངས་རྒྱས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། གང་གི་ཚེ་གདོང་དམར་དང་རྒྱ་འཐབ་པའི་དུས་ལ་བབ་པ་དེའི་ཚེ་ནུ་བོ་ཁྱོད་ཀྱིས་བྱ་བའི་དུས་ལ་བབ་བོ། །རབ་ངེས་ཀྱང་
D168.059.0253a01.01སེམས་ཅན་ལ་ཕན་པའི་ཕྱིར་ཤེས་བཞིན་དུ་ཡང་སྐྱེ་བ་ལེན་པར་འགྱུར་རོ། །སངས་རྒྱས་བཅོམ་ལྡན་འདས་དེ་དག་གིས་འདིར་འོད་ཟེར་བཏང་ནས། བཅོམ་ལྡན་འདས་ཤཱཀྱ་ཐུབ་པ་ལ་སྐྱེས་བསྐུར་ཏེ། སྐྱེས་དེ་དག་ཀྱང་བྱང་ཆུབ་སེམས་དཔའ་སྤྱན་རས་གཟིགས་
D168.059.0253a02.01དབང་ཕྱུག་གིས་འདིར་ཁྱེར་ཏེ་འོངས་ནས། སེམས་ཅན་འཇིགས་ཤིང་སྐྲག་པ་རྣམས་ཀྱི་དོན་གྱི་ཕྱིར་སྙིང་རྗེས་སངས་རྒྱས་ཀྱི་ཞིང་རྣམས་ཀྱང་བྱུང་ངོ་། །གཟུངས་སྔགས་དེ་དག་དང་འོད་ཟེར་དེ་དག་ཀྱང་ལི་ཡུལ་གྱི་དོན་དུ་སངས་རྒྱས་ཀྱིས་བཞེས་ནས་དེ་དག་གི་གྲོགས་སུ་འགྱུར་
D168.059.0253a03.01རོ། །བྱང་ཆུབ་སེམས་དཔའ་དག་ཀྱང་ཅི་ནས་ལི་ཡུལ་དེ་འཇིག་པར་མི་འགྱུར་བར་བྱ་བའི་ཕྱིར་སངས་རྒྱས་ཀྱི་ཞིང་སྣ་ཚོགས་ནས་ཤི་འཕོས་ནས་དེར་སྐྱེ་བ་ལེན་པར་འགྱུར་རོ། །གང་གི་ཚེ་ལི་ཡུལ་དུ་གནོད་པ་བྱུང་ན་དེའི་ཚེ་སངས་རྒྱས་དེ་དག་གི་མཚན་དང་། གཟུངས་
D168.059.0253a04.01སྔགས་དེ་དག་དང་། འོད་ཟེར་གྱི་མིང་དེ་དག་བྲིས་ཏེ། གྲོང་ཁྱེར་གྱི་སྒོ་རྣམས་སུ་བཞག་ལ། དམག་གི་ནང་དུ་ཡང་བྲིས་ཏེ། རྒྱལ་མཚན་ལ་གདགས་སོ། །ཡང་ན་མིང་དེ་དག་འཛིན་དུ་གཞུག་ཅིང་བཀླག་པ་དང་བཅང་བར་བྱའོ། །ཕ་རོལ་གྱི་དམག་ཚོགས་དང་།
D168.059.0253a05.01མུ་གེ་རབ་ཏུ་ཞི་བར་བྱ་བ་དང་། དགེ་བའི་ཕྱོགས་འཕེལ་བར་བྱ་བ་དང་། སྡིག་པ་འབྱང་བར་བྱ་བ་དང་། ནད་ལས་ཐར་བར་བྱ་བ་རྣམས་ལ་ཡང་ཕན་པར་བྱེད་པ་ཡིན་ནོ། །གང་ལ་སྡིག་པ་ལྕི་བ་ཡོད་ན་དེས་ཞག་ཉི་ཤུ་རྩ་གཅིག་གི་བར་དུ་ཕྱོགས་བཅུའི་སངས་
D168.059.0253a06.01རྒྱས་རྣམས་ལ་རིམ་གྲོ་བྱས་ཏེ། སྐུ་གདུང་དང་ལྡན་པའི་མཆོད་རྟེན་ནམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་དུས་གསུམ་དུ་བཟླས་བརྗོད་བྱས་ན་དགེ་བའི་ཕྱོགས་ལས་གང་འདོད་པ་མྱུར་དུ་ཐོབ་པར་འགྱུར་ཏེ། འོད་ཟེར་དེ་དག་ཀྱང་དེའི་སྟེང་དུ་གནས་པར་
D168.059.0253a07.01