完整藏文原文 · 德格版页 当前仅加载第 59 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལས་ཆོས་ཐོས་པ་གང་ཡིན་པ་དེ་དག་ད་ལྟར་གསེར་གྱི་རིགས་ཀྱི་ཡུལ་གྱི་སྲུང་མར་གྱུར་ཏོ། །དེའི་ཚེ་ན་དགེ་བསྙེན་མ་ཧུ་ཤར་གྱུར་པ་གང་ཡིན་པ་དེ་ནི་ད་ལྟར་དྲི་མ་མེད་པའི་འོད་འདི་ཡིན་ནོ། །ཨུ་རྒྱན་གྱི་རྒྱལ་པོར་གྱུར་པ་གང་ཡིན་པ་དེ་ནི་ལི་ཡུལ་གྱི་རྒྱལ་པོ་
D168.059.0238a01.01ཐོག་མར་བྱུང་བ་དང་། གཉེན་བྱེད་ཅིང་བདག་ཉིད་དང་། ཡུལ་འབུལ་བར་བྱེད་པ་གང་ཡིན་པའི་སྐར་རྡོའི་རྒྱལ་པོར་གྱུར་པ་འདི་ཡིན་ནོ། །ཀ་སྤ་རའི་རྒྱལ་པོར་འགྱུར་བ་གང་གིས་བཅོམ་ལྡན་འདས་ཀྱི་སྤྱན་སྔར་བདག་ནི་ཕར་གྱུར་ཅིག་ཅེས་སྨྲས་པ་གང་ཡིན་པ་དེ་ནི་སྐར་རྡོའི་
D168.059.0238a02.01རྒྱལ་པོ་དབང་ཕྱུག་གོ་ཆ་ཞེས་བྱ་བ་དྲི་མ་མེད་པའི་འོད་ཀྱི་ཕར་འགྱུར་རོ། །ཀ་སྤ་རའི་རྒྱལ་པོའི་བཙུན་མོར་གྱུར་པས་འདི་སྐད་དུ་བདག་ནི་མར་གྱུར་ཅིག་ཅེས་སྨྲས་པ་གང་ཡིན་པ་འདི་ནི་རྒྱལ་པོ་དབང་ཕྱུག་གོ་ཆ་དེའི་བཙུན་མོ་དམ་པར་འགྱུར་རོ། །ལྷ་མོ་དེའི་མིང་པོར་གྱུར་པ་
D168.059.0238a03.01གང་གིས་བདག་ནི་སྡུག་པའི་མིང་པོར་གྱུར་ཏེ། གང་གི་ཕྱིར་སྐྱོ་བ་ཆེན་པོ་ཐོབ་ནས་སྐྱོ་བ་དེ་ལ་མི་གཙང་བའི་ཏིང་ངེ་འཛིན་ཐོབ་པར་གྱུར་ཅིག་ཅེས་སྨོན་ལམ་འདེབས་པ་གང་ཡིན་པ་འདི་ནི་མིང་པོར་འགྱུར་རོ། །ནུ་མོ་ཐ་{ཆུངས་སུ་,ཆུང་དུ་}གྱུར་པ་གང་གིས་འདི་སྐད་དུ་གང་གི་ཚེ། བདག་མྱ་ངན་
D168.059.0238a04.01གྱིས་འཆི་བར་འགྱུར་བ་དེའི་ཚེ་ཁྱོད་དགེ་བའི་བཤེས་གཉེན་དགེ་སློང་གི་ཐད་དུ་སོང་ནས་དེར་འཁོར་བ་ལས་གྲོལ་བར་གྱུར་ཅིག་ཅེས་སྨོན་ལམ་འདེབས་པ་གང་ཡིན་པ་འདི་ནི་ནུ་མོ་ཐ་{ཆུངས་སུ་,ཆུང་དུ་}འགྱུར་རོ། །རྡོ་རྗེ་སྡེའི་ནུ་བོ་ཐ་{ཆུངས་,ཆུང་}གང་གི་ལི་ཡུལ་གྱི་ཕྱིར་དེ་དང་ལྷན་ཅིག་ཏུ་སྨོན་
D168.059.0238a05.01ལམ་བཏབ་པ་གང་ཡིན་པ་འདི་ནི་མིང་པོར་གྱུར་ཏེ། སྐར་རྡོའི་རྒྱལ་པོར་འགྱུར་རོ། །རྒྱལ་པོ་མ་སྐྱེས་དགྲའི་གྲོང་ཁྱེར་སྐྱོང་བ་གང་ཡིན་པ་འདི་ནི་གསེར་གྱི་རིགས་ཀྱི་རྒྱལ་པོར་འགྱུར་རོ། །བུད་མེད་གང་གིས་སྦྱིན་པ་ནི་བྱིན་ལ་ཚུལ་ཁྲིམས་ནི་མ་བསྲུངས་པ་གང་ཡིན་པ་འདི་
D168.059.0238a06.01ནི་རྒྱལ་པོ་དེའི་བཙུན་མོར་འགྱུར་རོ། །དེ་ནས་དེའི་ཚེ་སངས་རྒྱས་བཅོམ་ལྡན་འདས་ཀྱིས་ལྷ་རྣམས་ལ་བཀའ་སྩལ་པ། གང་གི་ཚེ་ལྷ་མོ་འདི་ལི་ཡུལ་དུ་དང་པོར་སྐྱེ་བའི་དུས་ལ་བབ་པ་ན་བྱང་ཆུབ་སེམས་དཔའ་བྱམས་པ་དགའ་ལྡན་ན་གནས་པ་ལྷ་དང་བཅས་པས་བསྐུལ་
D168.059.0238a07.01