完整藏文原文 · 德格版页 当前仅加载第 59 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚེ་སྨོན་ལམ་བཏབ་པས་ན་སྐར་རྡོའི་རྒྱལ་པོའི་གྲོགས་སུ་གྱུར་ཏེ། ནམ་དེའི་དུས་ལ་བབ་པ་ན་སྐར་རྡོའི་རྒྱལ་པོ་པིད་ཀུ་ལའི་ཆུང་མ་ཁྱེར་བར་འགྱུར་ཏེ། དེའི་ཚེ་པིད་ཀུ་ལས་གཏམ་ངན་ཆེན་པོ་བསྒྲགས་ནས་མི་དེའི་བསམས་པ་ལས་ན་ལུས་འདི་ཅི་ཞིག་བྱ་སྙམ་ནས་དེའི་ཚེ་སྐྱོ་
D168.059.0244b01.01བ་ཆེན་པོ་སྐྱེ་བར་འགྱུར་རོ། །དེའི་ཚེ་སྔོན་གྱི་དགེ་བའི་རྩ་བ་དྲན་པར་འགྱུར་ཏེ། འདི་ནི་བུད་མེད་དུ་སྐྱེ་བའི་ཐ་མ་ཡིན་ཏེ། སངས་རྒྱས་ཀྱི་བཀའ་འདི་དྲན་པར་བྱའོ་སྙམ་མོ། །དེ་ནས་ནམ་འཚོའི་བར་དུ་དགེ་བསྙེན་མའི་བསླབ་པའི་གཞི་འཛིན་པར་འགྱུར་ཏེ། དེའི་ཚེ་ཀུན་ཏུ་
D168.059.0244b02.01དགའ་བ་ཞེས་བྱ་བའི་གཟུངས་སྔགས་བརྗོད་ནས། དེར་གང་གིས་ཚེ་རབས་དྲན་པར་གྱུར་པའི་ཏིང་ངེ་འཛིན་དང་བཟོད་པ་འཐོབ་པར་འགྱུར་རོ། །དེ་ནས་རིང་པོ་མི་ཐོགས་པར་ཡུལ་དེར་གདོང་དམར་རྣམས་འཛིན་པར་འགྱུར་ཏེ། དེ་དག་ཐོག་མ་ལི་ཡུལ་དུ་འགྲོ་འདོད་པ་དེའི་ཚེ་
D168.059.0244b03.01སངས་རྒྱས་བཅོམ་ལྡན་འདས་དེ་དག་དང་། ལི་ཡུལ་གྱི་སྲུང་མའི་ལྷ་དེ་དག་དང་། རྒྱལ་པོ་ཆེན་པོ་བཞི་དང་། གནོད་སྦྱིན་ཀུན་ཏུ་རྒྱལ་དང་། འཕྲོག་མའི་བུ་དང་བཅས་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་རྣམས་ཀ་པི་ལ་ནའི་མཆོད་རྟེན་དུ་ཐམས་
D168.059.0244b04.01ཅད་འོང་བར་འགྱུར་ཏེ། དེར་བཅོམ་ལྡན་འདས་ཀྱི་སྤྱན་སྔར་གཟུངས་སྔགས་བཤད་དོ། །དེའི་ཚེ་དེར་མཆོད་རྟེན་དེ་ཉིད་ལས་འདི་ལྟར་བྱང་ཕྱོགས་པ་ལ་སོགས་པའི་དམག་འོང་བར་འགྱུར་ཏེ། ཤིན་ཏུ་མི་བཟད་པ་ཡིན་ནོ་ཞེས་སྒྲ་རང་འབྱུང་བར་འགྱུར་རོ། །དེའི་ཚེ་བྱང་ཆུབ་
D168.059.0244b05.01སེམས་དཔའ་སྤྱན་རས་གཟིགས་དབང་ཕྱུག་དང་། ལྷ་རྣམས་དང་། འཕྲོག་མ་བུ་དང་བཅས་པ་དེ་དག་ཐམས་ཅད་མྱ་ངན་གྱི་གོ་བགོས་ནས། དེར་འོངས་ཏེ་འདི་སྐད་དུ་གདོང་དམར་རྣམས་ཀྱི་དམག་འོངས་ཏེ། དྲི་གཙང་ཁང་དང་། མཆོད་རྟེན་དང་། དགེ་འདུན་གྱི་ཀུན་
D168.059.0244b06.01དགའ་ར་བ་རྣམས་ཀྱང་འཇིག་པར་བྱེད་ཀྱིས་ཅི་ནས་ཡུལ་ཀུན་འཇིག་པར་མི་འགྱུར་བར་གྲོགས་གྱིས་ཤིག་ཅེས་ཟེར་རོ། །དེ་ནས་དེའི་ཚེ་ན་དྲི་མ་མེད་པའི་འོད་ཀྱིས་འདི་སྐད་ཅེས་སྨྲས་སོ། །བདག་གིས་བགྱི་བ་གང་ལགས་པ་དེ་བཀའ་སྩོལ་ཅིག་དང་། ཡུལ་གྱི་ཕྱིར་ཅི་སྟེ་
D168.059.0244b07.01