完整藏文原文 · 德格版页 当前仅加载第 59 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་བསྲུང་བའི་ཕྱིར་བྱ་བ་ཡིན་ནོ། །སངས་རྒྱས་བཅོམ་ལྡན་འདས་ཀྱིས་ལྷ་མོ་དྲི་མ་མེད་པའི་འོད་དང་། བྱང་ཆུབ་སེམས་དཔའ་རྡོ་རྗེ་སྡེ་ལ་དེ་སྐད་ཅེས་བཀའ་སྩལ་ནས། དེའི་ཚེ་རྒྱལ་པོ་མ་སྐྱེས་དགྲའི་བུ་གཞོན་ནུ་རྡོ་རྗེ་སྡེ་གང་གི་ཚེ་བཙས་པ་དེའི་ཚེ་བདག་གི་བུས་ཕྱིས་
D168.059.0231b01.01རྒྱལ་སྲིད་ཀྱི་དབང་ཕྱུག་ཅི་ནས་ཀྱང་ཐོབ་པར་བྱ་བའི་ཕྱིར་དེའི་ནུ་བོ་རྒྱལ་པོའི་བུ་གཞོན་ནུ་རྒྱལ་པོ་མ་སྐྱེས་དགྲའི་ནུ་བོའི་མཐེ་བོང་བུ་ཕོས་གཅོད་དུ་བཅུག་པའི་རྒྱལ་པོའི་བུ་གཞོན་ནུ་འཁོར་དེའི་ནང་ན་འདུག་པ་དེས་སྨོན་ལམ་འདི་སྐད་ཅེས་བཏབ་བོ། །གང་གི་ཚེ་གཞོན་ནུ་རྡོ་རྗེ་སྡེ་སྐར་རྡོའི་
D168.059.0231b02.01རྒྱལ་སྲིད་འཛིན་པར་འགྱུར་བ་དེའི་ཚེ་བདག་ལི་ཡུལ་གྱི་རྒྱལ་པོར་གྱུར་ཏེ། གཡུལ་གཉིས་ཀ་གཟུང་བའི་ཕྱིར་བདག་དེའི་གྲོགས་སུ་གྱུར་ལ། དེ་ཕྱིན་ཆད་གཅིག་ལ་གཅིག་དགྲ་བྱེད་པ་མེད་པར་གྱུར་ཅིག་ཅེས་བྱས་སོ། །དེའི་ཚེ་བྲམ་ཟེ་ཀཽཎྜི་ནྱས་སློབ་མ་བྲམ་ཟེའི་བུ་ཞིག་ཡོད་པ་
D168.059.0231b03.01ལས་དེས་བྲམ་ཟེའི་སངས་རྒྱས་ལ་མ་དད་པ་གཞན་ཞིག་གི་སློབ་མར་བྱིན་ནས། བྲམ་ཟེ་དེ་ཡང་རབ་ཏུ་བྱུང་བ་མ་ཡིན་ཏེ། འཁོར་དེའི་ནང་ན་འདུག་པ་དེས་སངས་རྒྱས་བཅོམ་ལྡན་འདས་དཔའ་བར་འགྲོ་བའི་ཏིང་ངེ་འཛིན་ལ་སྙོམས་པར་ཞུགས་པ་མཐོང་ངོ་། །དེ་ནས་སྨོན་
D168.059.0231b04.01ལམ་བཏབ་པ། བདག་དཔའ་བར་འགྲོ་བའི་ཏིང་ངེ་འཛིན་ངེས་པ་ཁོ་ནར་བསླབས་ཏེ། རྟོགས་པར་བྱས་ལ་ལྷ་མོ་དྲི་མ་མེད་པའི་འོད་དེ་ལ་རྟ་གནས་ཀྱི་གཟུངས་སྔགས་དེ་གྲུབ་པར་བྱ་བའི་ཕྱིར། གཟུངས་སྔགས་སྦྱིན་པར་གྱུར་ཅིག་ཅེས་བྱས་སོ། །གང་གིས་སངས་རྒྱས་
D168.059.0231b05.01བཅོམ་ལྡན་འདས་རྣམས་བདུད་ཀྱི་དཔུང་ལས་རྒྱལ་བར་འགྱུར་བའི་གཟུངས་སྔགས་འདིས་གཞོན་ནུ་རྡོ་རྗེ་སྡེ་རྒྱལ་སྲིད་ཀྱི་བྱ་བ་ཆོས་བཞིན་དུ་ཡོངས་སུ་རྫོགས་པར་བྱེད་པར་འགྱུར་རོ། །དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་རིགས་མཆོག་ཀུན་
D168.059.0231b06.01ཏུ་དཔལ་ལ་ཕྱག་འཚལ་ལོ། །ཏདྱ་ཐཱ། སརྦ་ཀར་ཎི། སརྦ་མ་ར་ཧ་ར་ཎེ། ཛ་ལི་ཛ་ཙ་ལི། མ་ར་བ་ར་ས་པ་བ་ར་སྭཱ་ཧཱ། བདུད་ཀྱིས་མི་ཐུབ་པའི་གཟུངས་སྔགས་འདི་ཟན་ཟོས་པའི་འོག་ཏུ་ལན་བདུན་བརྗོད་པར་བྱ་སྟེ། ཇི་ལྟར་སངས་རྒྱས་བཅོམ་ལྡན་འདས་རྣམས་
D168.059.0231b07.01