完整藏文原文 · 德格版页 当前仅加载第 59 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ནོར་བུ་བཟང་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་ངས་དགོངས་ཏེ། ཨུ་རྒྱན་གྱི་ཡུལ་དེར་ལུང་ཇི་ལྟར་བསྒོ་བ་དེ་བཞིན་དུ་འདི་ཡང་ཟུང་
D168.059.0246a01.01ཤིག །དེ་ནས་གང་གི་ཚེ་བཅོམ་ལྡན་འདས་ཀྱིས་ལི་ཡུལ་དུ་སུམ་པ་འོངས་པ་དེ་ལྟར་ཐུགས་སུ་ཆུད་པ་དེའི་ཚེ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །ནུ་སྡུག་ཁྱོད་ཀྱིས་ལི་ཡུལ་འདི་ལྟ་བུར་འགྱུར་བའི་དུས་ལ་བབ་པ་དེའི་ཚེ་སྐབས་ཕྱེ་ཤིག །དེ་ནས་དེའི་
D168.059.0246a02.01ཚེ་སྤྱན་རས་གཟིགས་དབང་ཕྱུག་གི་ཆ་ལུགས་ཀྱི་གཟུགས་བྱས་ནས་དགེ་སློང་ཞིག་ལ་བྱིན་ཏེ། །དེས་ལི་ཡུལ་དེར་ཁྱེར་ཏེ་འོང་བར་འགྱུར་རོ། །དེའི་ཚེ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ལི་ཡུལ་དང་དམག་གི་དཔུང་འཛིན་པའི་ལྷ་
D168.059.0246a03.01གང་ཡིན་པ་དེ་དག་ལ་སྐུལ་བར་བྱེད་དོ། །དགེ་སློང་དེ་ཡང་ཕྱིས་གསེར་གྱི་ཡུལ་དུ་སྐྱེ་བར་འགྱུར་ཏེ། བསོད་ནམས་ལ་དགའ་བ་ཞེས་བྱ་བར་འགྱུར་རོ། །གང་གི་ཚེ་ཤི་འཕོ་བར་འགྱུར་བ་དེའི་ཚེ་ཡང་སངས་རྒྱས་ཀྱི་ཞིང་ཡོངས་སུ་དག་པར་འགྲོ་བར་འགྱུར་རོ། །གང་གི་ཚེ་སུམ་
D168.059.0246a04.01པ་འོང་བར་འགྱུར་བ་དེའི་ཚེ་དགུན་ཟླ་ཐ་{ཆུངས་,ཆུང་}ཚེས་{བཅྭ་,བཅོ་}ལྔ་ཉའི་ནམ་ཕྱེད་ན་དེ་དག་གིས་དྲི་མ་མེད་པའི་འོད་དེ་ལ་བོས་ཏེ་འདི་ལྟ་སྟེ། ཀྱེ་རབ་ངེས་ལི་ཡུལ་དུ་དམག་འོངས་སོ། །རྒྱལ་པོ་ཡང་ཕྱིར་བྱུང་སྟེ། ཡུལ་ཡང་ཤིན་ཏུ་མི་བཟད་པའི་དུས་ལ་བབ་བོ་ཞེས་ཟེར་རོ། །གནོད་སྦྱིན་
D168.059.0246a05.01སེར་སྐྱས་ཀྱང་འདི་སྐད་དུ་ཁྱོད་དང་ལྷན་ཅིག་ཏུ་ལི་ཡུལ་བསྲུང་བའི་ཕྱིར་ལག་ཏུ་མནོས་པའི་ལྷ་དང་། གནོད་སྦྱིན་གང་ཇི་སྙེད་ཡོད་པ་དེ་དག་ལ་ཅི་ནས་གསེར་གྱི་ཡུལ་སྲུང་བ་དང་། ཅི་ནས་སུམ་པ་དག་གིས་བཤིག་པར་མི་འགྱུར་བ་དེ་ལྟ་བུར་བསྒོ་ཤིག་ཅེས་ཟེར་རོ། །དེ་དག་ཀྱང་འདི་
D168.059.0246a06.01སྐད་དུ་བདག་ཅག་གིས་ཡིད་བཞིན་གྱི་ནོར་བུ་རིན་པོ་ཆེ་གང་གིས་ཁྱོད་ལས་བྱེད་ནུས་པར་འགྱུར་བ་དང་། ཅི་ནས་སུམ་པ་རྣམས་ཕྱིར་ལྡོག་པར་འགྱུར་བ་དང་། རྒྱལ་པོ་ཡང་ཕྱིར་རང་གི་ཡུལ་དུ་འོང་བར་འགྱུར་བ་དེ་ལྟ་བུ་སྦྱིན་པར་བྱའོ་ཞེས་ཟེར་རོ། །དེའི་ཚེ་ཅི་ནས་སངས་རྒྱས་དེ་
D168.059.0246a07.01