完整藏文原文 · 德格版页 当前仅加载第 59 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ལྷ་མོ་དྲི་མ་མེད་པའི་འོད་ཀྱི་མིང་པོ་གཞོན་ནུ་རྡོ་རྗེ་སྡེས་འདི་སྐད་ཅེས་གསོལ་ཏོ། །གང་གི་ཚེ་དམག་གི་དཔུང་ཆེན་པོ་དེ་དག་ཕན་ཚུན་འགྱེད་པར་འགྱུར་བ་དེའི་ཚེ་བདག་སྐར་རྡོའི་རྒྱལ་པོར་གྱུར་ནས། གང་གི་ཚེ་གདོང་དམར་དག་དམག་འདྲེན་པ་དེའི་ཚེ། བདག་
D168.059.0225a01.01གི་གསེར་གྱི་རིགས་ཀྱི་རྒྱལ་པོ་ལས་ནོར་བླངས་ཏེ། ལི་ཡུལ་རྟས་པར་བགྱི་བའི་སླད་དུ་ཆོས་བཞིན་དུ་སྩོལ་བར་གྱུར་ཅིག་ཅེས་བྱས་སོ། །དེའི་ཚེ་ན་རིགས་དང་ལྡན་པའི་བུད་མེད་གཞན་ཞིག་ལྷ་མོ་དེའི་གྲོགས་མོར་གྱུར་པ་ས་དང་པོ་ཐོབ་པ་གང་ཡིན་པ་དེའི་འཁོར་དེར་འདུས་པར་གྱུར་ཏེ་
D168.059.0225a02.01འདུག་པ་དེས་སྨོན་ལམ་བཏབ་པ། བདག་ལི་ཡུལ་དུ་ཚེ་རབས་བདུན་གྱི་བར་དུ་རྒྱལ་པོའི་བཙུན་མོ་དམ་པར་གྱུར་ཅིག་གང་གི་ཚེ་དམག་གི་དཔུང་ཆེན་པོ་གང་ཡིན་པ་དེ་དག་ལི་ཡུལ་དུ་གཡུལ་འགྱེད་པའི་དུས་ལ་བབ་པ་དེའི་ཚེ་ནི་བདག་རྒྱ་ཡུལ་དུ་སྐྱེ་བ་ལེན་པར་གྱུར་ཅིག །གང་གི་ཚེ་
D168.059.0225a03.01གཞོན་ནུ་རྡོ་རྗེ་སྡེ་འདི་ལིའི་རྒྱལ་པོར་གྱུར་པ་དེའི་ཚེ་ནི་བདག་དེའི་བཙུན་མོ་དམ་པར་གྱུར་ནས། བདག་ཅག་གཉིས་ཀས་ལི་ཡུལ་སླར་རྟས་པར་བགྱི་བ་དང་། དགེ་འདུན་གྱི་ཀུན་དགའ་ར་བ་རྣམས་དང་། དགོན་པའི་གནས་རྣམས་དང་། མཆོད་རྟེན་ཆེན་པོ་དང་། དྲི་གཙང་ཁང་
D168.059.0225a04.01དང་། གདོང་དམར་རྣམས་ཀྱིས་བསྲེགས་པ་གང་ཡིན་པ་དེ་དག་ཀྱང་བདག་ཅག་གཉིས་ཀྱིས་སླར་གསར་དུ་བགྱིད་པར་གྱུར་ཅིག་ཅེས་བྱས་སོ། །གང་གི་ཚེ་དེ་དག་གིས་འཁོར་གྱི་ནང་དུ་སྨོན་ལམ་བཏབ་པ་དེའི་ཚེ་བཅོམ་ལྡན་འདས་རྡོ་རྗེ་རྒྱལ་མཚན་ཞེས་བྱ་བའི་ཏིང་ངེ་འཛིན་ལ་
D168.059.0225a05.01སྙོམས་པར་ཞུགས་སོ། །རྒྱལ་པོ་ཆེན་པོ་རྣམ་ཐོས་ཀྱི་བུ་དང་། གནོད་སྦྱིན་ཀུན་ཏུ་རྒྱལ་དང་། ཀླུའི་རྒྱལ་པོ་མ་དྲོས་པ་དང་། ལྷའི་བུ་བློ་གྲོས་རབ་ཏུ་བརྟན་པ་དང་། ལྷ་མོ་འཕྲོག་མ་བུ་དང་བཅས་པ་དང་། ལྷ་མོ་དྲི་མ་མེད་པའི་འོད་རྣམས་ཀྱང་དེའི་ཚེ་སངས་རྒྱས་ཡིད་ལ་བྱེད་
D168.059.0225a06.01པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཏིང་ངེ་འཛིན་ལས་ལངས་ཏེ། བཅོམ་ལྡན་འདས་ཀྱི་སྤྱན་སྔར་པུས་མོའི་ལྷ་ང་ས་ལ་བཙུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་མ་འོངས་པའི་དུས་སུ་ལི་ཡུལ་དེ་བསྲུང་བའི་སླད་དུ་
D168.059.0225a07.01