完整藏文原文 · 德格版页 当前仅加载第 59 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ནི་ངས་མི་གཏོང་ཞེས་བྱས་ནས། དེའི་ཚེ་མི་དེས་སྨོན་ལམ་བཏབ་པ། གང་གི་ཚེ་མ་འོངས་པ་ན་རིགས་དང་ལྡན་པའི་བུད་མེད་འདི་ལྷ་མོ་དྲི་མ་མེད་པའི་འོད་དང་ལྷན་ཅིག་ཏུ་ལི་ཡུལ་ན་གནས་ཤིང་ལས་ཆེན་པོ་བྱེད་པར་འགྱུར་བ་དེའི་ཚེ་བདག་གིས་ལས་འདི་གཤེགས་ཏེ་འཁོར་
D168.059.0224b01.01བ་ནས་འབྱུང་བ་འཐོབ་པར་གྱུར་ཅིག་ཅེས་བྱས་སོ། །དེའི་ཚེ་ལྷ་མོ་དྲི་མ་མེད་པའི་མིང་པོ་བྱང་ཆུབ་སེམས་དཔའ་རྡོ་རྗེ་སྡེས་བཅོམ་ལྡན་འདས་ཀྱི་སྤྱན་སྔར་པུས་མོའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གསེར་
D168.059.0224b02.01གྱི་རིགས་སུ་ཆོས་དང་ལྡན་པའི་རྒྱལ་པོར་གྱུར་ཏེ། ཡུལ་རྟས་པར་བགྱི་བའི་སླད་དུ་ལྷ་མོ་དྲི་མ་མེད་པའི་འོད་ཀྱི་གྲོགས་སུ་གྱུར་ལ། ལི་ཡུལ་གྱི་ཡུལ་འཁོར་རྟས་པར་བགྱི་བའི་སླད་དུ་གསེར་གྱི་ཡུལ་གང་དུ་དགེ་བསྙེན་མ་ཧུ་ཤ་ཞེས་བྱ་བ་གནས་པར་གྱུར་པ་དེར་ནོར་སའི་
D168.059.0224b03.01འོག་ཏུ་བཞག་པ་དང་། མི་ཤི་བ་རྣམས་ཀྱི་དུར་ཁྲོད་ན་ཡོད་པ་གང་ཡིན་པ་དང་། དགེ་བསྙེན་མ་ཧུ་ཤའི་ནོར་དུ་གྱུར་པ་གང་ཡིན་པ་དེ་དག་ཐམས་ཅད་བདག་གིས་བཙལ་ཏེ། གསེར་ལ་སོགས་པ་ནོར་མང་པོ་རྣམས་སྩལ་བར་བགྱིའོ། །ལྷ་མོ་དྲི་མ་མེད་པའི་འོད་འདི་ཡང་
D168.059.0224b04.01སངས་རྒྱས་བཅོམ་ལྡན་འདས་ཀྱི་སྤྱན་སྔར་ལི་ཡུལ་གྱི་སླད་དུ་ནོར་རྣམས་དབུལ་བར་བགྱིད་དོ། །གང་གི་ཚེ་ཡུལ་དེར་གནོད་པ་འབྱུང་བ་དེའི་ཚེ་ཡང་ལྷའམ། ཀླུའམ། གནོད་སྦྱིན་ནམ། འབྱུང་པོ་གང་སུ་དག་ནོར་དེ་ལ་བགེགས་བྱེད་པར་མི་འགྱུར་རོ། །ཡུལ་དེའི་སྲུང་
D168.059.0224b05.01མར་གྱུར་པ་གང་ཡིན་པ་དེ་དག་ཐམས་ཅད་ཀྱང་ཅི་ནས་ནོར་དེ་རྙེད་པར་འགྱུར་བར་རང་ཉིད་གྲོགས་བྱེད་པར་འགྱུར་རོ། །སྔོན་གྱི་གསེར་གྱི་རི་གང་དུ་དགེ་བསྙེན་མ་ཧུ་ཤ་བྱུང་བར་གྱུར་པ་དེར་བུད་མེད་གཞན་ཞིག་བྱུང་སྟེ། དེས་སྦྱིན་པ་མང་པོ་བྱིན་ལ་ཚུལ་ཁྲིམས་ནི་དེས་མ་བསྲུངས་ཏེ།
D168.059.0224b06.01དེས་འདི་སྐད་དུ་བདག་གིས་སྦྱིན་པ་དག་བྱིན་པའི་བསོད་ནམས་བསགས་པ་གང་ཡིན་པ་དེས་ན་བདག་གསེར་གྱི་རིགས་ཀྱི་རྒྱལ་པོའི་བཙུན་མོ་དམ་པར་གྱུར་ལ། ཅི་ནས་ཀྱང་ལི་ཡུལ་དེ་རྟས་པར་བྱ་བའི་ཕྱིར་ནོར་སྦྱིན་པར་བྱེད་པ་དེ་ལྟ་བུར་བདག་གྲོགས་སུ་གྱུར་ཅིག་ཅེས་བྱས་སོ། །དེའི་
D168.059.0224b07.01