完整藏文原文 · 德格版页 当前仅加载第 59 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་ལི་ཡུལ་བྲན་དུ་འགྱུར་བའི་དུས་ལ་བབ་པ་ན། རྒྱལ་པོ་རྣམ་པར་རྒྱལ་བའི་རྩལ་དེ་གཡུལ་དེར་གསོད་པར་འགྱུར་རོ། །དེའི་བུ་རྒྱལ་པོ་རྣམ་པར་རྒྱལ་བའི་གྲགས་པ་ཞེས་བྱ་བ་ཞིག་འབྱུང་བར་འགྱུར་རོ། །སྐར་རྡོའི་རྒྱལ་པོ་དབང་ཕྱུག་གོ་ཆ་
D168.059.0239a01.01ཞེས་བྱ་བ་ནི་བུ་དང་བཅས་ཏེ། ལིའི་རྒྱལ་པོ་དང་ལྷན་ཅིག་ཏུ་གཡུལ་གྱི་ནང་དུ་འཆི་བར་འགྱུར་རོ། །ད་ལྟར་གྱི་རྡོ་རྗེ་སྡེ་འདི་ནི་དེའི་བུ་རྣམ་པར་རྒྱལ་བའི་གོ་ཆ་ཞེས་བྱ་བར་འགྱུར་ཏེ། སྐར་རྡོའི་རྒྱལ་པོར་འགྱུར་རོ། །དེས་ཀྱང་ལོ་གཅིག་རྒྱལ་སྲིད་ཐོབ་པར་འགྱུར་ཏེ།
D168.059.0239a02.01དེ་ལ་རྣམ་པར་རྒྱལ་བའི་གྲགས་པ་ནི་ལི་ཡུལ་དུ་འབྱུང་ངོ་། །རྣམ་པར་རྒྱལ་བའི་གོ་ཆ་ནི་སྐར་རྡོར་འབྱུང་ངོ་། །གང་གི་ཚེ་དྲི་མ་མེད་པའི་འོད་ལ་སངས་རྒྱས་བཅོམ་ལྡན་འདས་རྣམས་ཀྱིས་འོད་ཟེར་བཏང་སྟེ། བཟོད་པ་ཐོབ་པར་འགྱུར་བ་དེའི་དུས་ལ་བབ་པ་དེའི་ཚེ་དགེ་བྱེད་
D168.059.0239a03.01ཀྱི་ཕྱོགས་དང་སྡིག་བྱེད་ཀྱི་ཕྱོགས་དེ་དག་ཀྱང་སོ་སོར་སྡེར་འཆའ་བར་འགྱུར་རོ། །དེའི་ཚེ་དགེ་བྱེད་དང་། སྡིག་བྱེད་གཉིས་ཀྱི་ཕ་སྔོན་ཆོམ་རྐུན་པ་ལྔ་བརྒྱ་སྤྱུག་པར་བྱེད་པ་གང་ཡིན་པ་དེ་རྒྱལ་པོར་འགྱུར་ཏེ། བློན་པོ་ཆེན་པོ་ནི་གཉིས་འབྱུང་བར་འགྱུར་རོ། །རྒྱལ་པོའི་བུ་
D168.059.0239a04.01རྣམ་པར་རྒྱལ་བའི་གྲགས་པ་ཞེས་བྱ་བ་ནི་ལི་ཡུལ་གྱི་རྒྱལ་པོར་འགྱུར་རོ། །རྣམ་པར་རྒྱལ་བའི་གོ་ཆ་ཞེས་བྱ་བ་ནི་སྐར་རྡོའི་རྒྱལ་པོར་འགྱུར་རོ། །གཞོན་ནུ་དེ་གཉིས་ལས་དགེ་བྱེད་ནི་བློན་པོ་ཆེན་པོ་གཙོ་བོ་ཤོས་ཀྱིས་གསོས་སོ། །ཅིག་ཤོས་ནི་སྡིག་བྱེད་ཀྱིས་གསོས་སོ། །
D168.059.0239a05.01གང་གི་ཚེ་དགེ་བྱེད་བཙས་པ་དེའི་ཚེ་ཚོང་པ་ལྔ་བརྒྱ་འོངས་ཏེ། ལི་ཡུལ་དུ་སྐྱེས་ནས་ཡུལ་དེ་ན་དགེ་བ་བྱེད་དོ། །གང་གི་ཚེ་སྡིག་བྱེད་བཙས་པ་ན་ཆོམ་རྐུན་ལྔ་བརྒྱ་སྤྱུགས་པ་དེ་དག་ལི་ཡུལ་དུ་སྐྱེས་ཏེ་སྡིག་པ་བྱེད་དོ། །གང་གི་ཚེ་གཞོན་ནུ་སྡིག་བྱེད་བཙས་པ་ན་ཆོམ་པོ་ལྔ་
D168.059.0239a06.01བརྒྱ་པོ་དེ་དག་རྒྱལ་པོའི་ཕའི་ཐད་དུ་བཏང་ངོ་། །དེ་ནས་དེའི་ཚེ་གཞན་དག་ཅིག་ལ་བྱ་བ་གང་ཡིན་པ་འདི་ཁྱོད་ཀྱིས་བྱོས་ཤིག་ཅེས་བསྒོ་ནས་བློན་པོ་ཆེན་པོ་དེའི་གཙོ་བོ་དེའི་ལག་པ་བཅད་དོ། །ཅིག་ཤོས་ནི་བསད་དོ། །དེ་ཡང་སྔོན་གང་གི་ཚེ་སྡིག་བྱེད་ཀྱིས་དགེ་བྱེད་ཀྱི་མིག་ཕྱུང་
D168.059.0239a07.01