完整藏文原文 · 德格版页 当前仅加载第 59 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་འོག་པག་ཅན་དེ་དང་། ཚོང་པ་ལྔ་བརྒྱ་པོ་དེ་དག་བཟུང་ནས་ཞབ་མའི་ནང་དུ་བྲུབས་ཏེ་ཕྲག་པ་ལ་བཀལ་ལོ། །དེའི་ཚེ་འོག་པག་ཅན་གྱིས་བགད་པ་དང་། སྲིན་མོ་དེས་དྲིས་པ། མིའི་བུ་ཁྱོད་ཅིའི་ཕྱིར་དགོད། །ཇི་སྟེ་དྲང་པོར་མ་སྨྲས་ན་ཁྱོད་ཀྱི་ཁྲག་ས་ལ་ཕོ་སྟེ་བཏང་ངོ་། །དེ་
D168.059.0237b01.01ནས་དེད་དཔོན་འོག་པག་ཅན་གྱིས་དེ་ལ་འདི་སྐད་དུ་འདི་ལྟར་མཐུ་ཆེ་བ་ཁྱོད་ཀྱི་རྣ་བ་མི་སུས་ཇི་ལྟར་བཅད་ཅེས་སྨྲས་པ་ན། དེའི་ཚེ་དེས་འགྲོན་པ་དེ་དག་བཏང་ནས་བར་སྣང་ལ་གནས་ཏེ། འདི་སྐད་དུ་ཡུལ་འདིའི་མིང་ནི་རྣ་བའི་ཕྱིར་གསེར་གྱི་རིགས་ཞེས་བྱ་བར་འགྱུར་རོ། །ཞེས་སྨྲས་
D168.059.0237b02.01ནས། རྣ་བ་སྔ་མ་ཁོ་ན་བཞིན་དུ་བྱུང་བར་གྱུར་ཏེ། ལྷའི་འཇིག་རྟེན་དུ་སོང་ནས་ཕྱིར་ལྷར་གྱུར་ཏོ། །དེད་དཔོན་འོག་པག་ཅན་དེ་ཡང་འགྲོན་པ་དེ་དག་དང་ལྷན་ཅིག་ཏུ་ཕྱིར་གསེར་གྱི་རིགས་ཀྱི་རི་ལ་ལོག་སྟེ་དེ་ན་བུ་མོ་དེ་གསོ་ཞིང་འདུག་གོ། །སྲིན་མོ་དེ་དག་ཐམས་ཅད་ཀྱང་སྦྲུམ་པར་གྱུར་ཏེ།
D168.059.0237b03.01དེ་དག་གི་ནང་ན་གང་དང་ལྷན་ཅིག་ཏུ་འདོད་པའི་དགའ་བ་ཉམས་སུ་མྱོང་ནས་དེའི་འོག་ཏུ་སེམས་ཅན་དེ་ཉིད་མི་གསོད་པ་ནི་འགའ་ཡང་མེད་དོ། །དེ་ནས་སྲིན་མོ་དེ་དག་ཐམས་ཅད་ངོ་ཚ་བར་གྱུར་ནས་བུ་དེ་རྣམས་གསོས་ཏེ། ཧུ་ཤ་ཡང་ལྷ་བཞིན་དུ་མཆོད་པའི་གནས་སུ་བྱས་སོ། །
D168.059.0237b04.01དེར་དེ་དག་གི་བུ་གཞོན་ནུ་ཐོག་མར་བཙས་པ་དེ་ནི་ཧུ་ཤའི་ཁྱིམ་ཐབ་ཏུ་གྱུར་ཏེ། དེ་ཕྱིན་ཅད་གསེར་གྱི་རིགས་ཀྱི་མིའི་རྒྱུད་བྱུང་བར་གྱུར་ཏོ། །འགྲོན་པོ་དེ་དག་གི་བུ་བྱུང་ངོ་ཅོག་དང་ལྷན་ཅིག་ཏུ་འདོད་པའི་དགའ་བ་བྱས་ཀྱང་དེ་དག་ཐམས་ཅད་མགུ་བར་བྱེད་མ་ནུས་ཏེ། དེ་ལྟར་དེས་
D168.059.0237b05.01དེའི་ཚེ་འདོད་པའི་བདེ་བ་དམ་བཅས་པ་ལས་ཐམས་ཅད་མགུ་བར་བྱེད་མ་ནུས་པས་དེའི་ལས་ཀྱིས་རྟག་ཏུ་བུད་མེད་དུ་སྐྱེ་བར་གྱུར་ཏོ། །ཧུ་ཤ་ལས་བུ་ཅིག་བྱུང་ནས་དགེ་བསྙེན་མ་ཧུ་ཤར་གྱུར་ཏེ། ཧུ་ཤ་དེའི་བུར་གྱུར་པ་གང་ཡིན་པ་དེ་དེར་རྒྱལ་པོར་གྱུར་ཏེ། དེ་ཕྱིན་ཅད་མིའི་རྒྱུད་
D168.059.0237b06.01ཆགས་པར་གྱུར་ནས། དགེ་བསྙེན་མ་ཧུ་ཤ་གསེར་གྱི་རིགས་ཀྱི་རི་དེ་ལ་ལྷའི་གཞལ་མེད་ཁང་གི་ནང་ན་གནས་ཤིང་ལྷ་དང་མི་རྣམས་དང་། སྲིན་མོ་རྣམས་ལ་ཆོས་སྟོན་ཏོ། །གང་གི་ཚེ་ཧུ་ཤ་འཆི་བའི་དུས་བྱེད་པ་ན་སྲིན་མོ་ལྔ་བརྒྱ་པོ་གང་ཡིན་པ་དེ་དག་དང་། ལྷ་དང་སྲིན་པོ་
D168.059.0237b07.01