完整藏文原文 · 德格版页 当前仅加载第 59 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་ཏེ། ལྷའི་རོལ་མོའི་སྒྲ་ཡང་ཐོས་པར་འགྱུར་རོ། །ལྷའི་འཁོར་གྱི་སྒྲ་ཡང་ཐོས་པར་འགྱུར་རོ། །ལྷའི་རྔ་སྒྲ་ཡང་ཐོས་པར་འགྱུར་ཏེ། དེའི་ཚེ་སངས་རྒྱས་བཅོམ་ལྡན་འདས་རྣམས་དང་། ལྷ་རྣམས་ཀྱིས་ལེགས་སོ་ཞེས་བྱ་བ་སྦྱིན་པར་འགྱུར་
D168.059.0234a01.01རོ། །ཕྱིར་མི་ལྡོག་པའི་འཁོར་ལོའི་གཟུངས་སྔགས་ཀྱང་རྟོགས་པར་འགྱུར་ཏེ། དེ་ནས་གང་གིས་ཁྱོད་སེམས་ཅན་རྣམས་ལ་ཕན་འདོགས་པར་འགྱུར་བའི་གཟུངས་དེ་དག་ཀྱང་ཐོབ་པར་འགྱུར་རོ།། །།དྲི་མ་མེད་པའི་འོད་ཀྱིས་ཞུས་པ། བམ་པོ་གསུམ་པ།
D168.059.0234a02.01སངས་རྒྱས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སྡུག་པའི་ནུ་བོ་དུས་འདི་དྲན་པར་གྱིས་ཤིག །གང་གི་ཚེ་སངས་རྒྱས་བཅོམ་ལྡན་འདས་རིན་ཆེན་སྙིང་པོ་གྲོང་ཁྱེར་གྱི་ནང་དུ་གཤེགས་པ་དེའི་ཚེ། འུ་བུ་ཅག་
D168.059.0234a03.01གཉིས་ཀྱིས་ལུང་བསྟན་པ་ཐོས་ནས་དེ་ན་འདུས་ཏེ། ཁྱོད་ཀྱིས་སྨོན་ལམ་ཆེན་པོ་བཏབ་པ། བདག་སེམས་ཅན་འཇིགས་ཤིང་སྐྲག་པ་ཇི་སྙེད་ཡོད་པ་དེ་དག་ཐམས་ཅད་ཐར་བར་བྱེད་པར་གྱུར་ཅིག་ཅེས་བྱས་ཀྱི། ཁྱོད་ཀྱིས་ངའི་ལི་ཡུལ་དང་། ལྷ་མོ་དྲི་མ་མེད་པའི་འོད་དང་།
D168.059.0234a04.01གཞོན་ནུ་རྡོ་རྗེ་སྡེ་སྐྱོངས་ཤིག་ཅེས་ལག་ཏུ་གཏད་ནས། དེ་ནས་དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་དང་། འཇམ་དཔལ་གཞོན་ནུ་དང་། ནམ་མཁའི་སྙིང་པོ་དང་། མཐུ་ཆེན་པོ་ཐོབ་པ་དང་། སྨན་གྱི་རྒྱལ་པོ་དང་། རབ་ཏུ་སྦྱིན་པ་ལ་དཔའ་
D168.059.0234a05.01བ་དང་། སའི་སྙིང་པོ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སྔོན་མཛའ་བོ་དང་། སྤུན་དུ་གྱུར་པ་གང་ཡིན་པ་དང་། གང་དག་བདག་ཅག་གྲོགས་པོར་འགྱུར་བ་དབང་ཕྱུག་གི་ལྷ་དང་། ལྗོན་ཤིང་གི་དབང་ཕྱུག་རྒྱལ་པོ་
D168.059.0234a06.01དང་། སྙིང་རྗེ་ཐ་སྐར་དབང་ཕྱུག་དང་། གཅོད་པའི་དབང་ཕྱུག་དང་། དྲིའི་དབང་ཕྱུག་དང་། ཚོགས་ཀྱི་དབང་ཕྱུག་དང་། འཇིག་རྟེན་དབང་ཕྱུག་དང་། འོད་ཀྱི་དབང་ཕྱུག་དང་། སྐྱེ་བའི་དབང་ཕྱུག་དང་། ཐམས་ཅད་ཀྱི་ལྷ་དང་། འདི་དག་ནི་བྱང་ཆུབ་སེམས་དཔའ་
D168.059.0234a07.01