完整藏文原文 · 德格版页 当前仅加载第 59 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་བྱ་མི་དགོས་སོ། །སངས་རྒྱས་བཅོམ་ལྡན་འདས་གང་དག་གི་མཚན་སྔར་སྨོས་པ་དང་། གང་དག་གིས་གཟུངས་སྔགས་བཤད་པ་དེ་དག་ནི། བཅོམ་ལྡན་འདས་ཤཱཀྱ་ཐུབ་པ་བྱང་ཆུབ་སེམས་དཔའི་སྤྱད་པ་སྤྱོད་པ་ན། གྲོགས་སུ་གྱུར་པ་ཤ་སྟག་གོ། །སངས་རྒྱས་
D168.059.0217a01.01དེ་དག་གི་མི་མཇེད་ཀྱི་འཇིག་རྟེན་གྱི་ཁམས་དང་། བཅོམ་ལྡན་འདས་ཤཱཀྱ་ཐུབ་པའི་ཕྱག་མཚན་ལི་ཡུལ་འདིར། སྐྱེ་བོ་མང་པོ་ལ་ཕན་པའི་ཕྱིར། བསྐལ་པ་བཟང་པོའི་བྱང་ཆུབ་སེམས་དཔའ་རྣམས་ཀྱི་སྐྱེ་བ་བླངས་ཏེ། སྔར་སྨོས་པའི་སངས་རྒྱས་བཅོམ་ལྡན་འདས་དེ་དང་དེ་དག་གིས་
D168.059.0217a02.01བཅོམ་ལྡན་འདས་ཤཱཀྱ་ཐུབ་པའི་ལི་ཡུལ་ཡུན་རིང་དུ་གནས་པར་བྱ་བའི་ཕྱིར། གཟུངས་སྔགས་དེ་དག་དང་། སངས་རྒྱས་ཀྱི་འོད་ཟེར་དེ་དག་དང་། སངས་རྒྱས་ཀྱི་མཚན་དེ་དག་སྐྱེས་སུ་བསྐུར་ཏེ། སངས་རྒྱས་ཀྱི་སྲས་རྣམས་ཀྱིས་ཞུས་ནས། བྱང་ཆུབ་སེམས་དཔའ་འཕགས་པ་སྤྱན་
D168.059.0217a03.01རས་གཟིགས་དབང་ཕྱུག་གིས་སེམས་ཅན་ཐམས་ཅད་ཀྱི་དོན་གྱི་ཕྱིར་དང་། ལི་ཡུལ་ཡོངས་སུ་བསྐྱང་བ་དང་། བསྟན་པ་ཡུན་རིང་དུ་གནས་པར་བྱ་བའི་ཕྱིར། སངས་རྒྱས་བཅོམ་ལྡན་འདས་རྣམས་ལས་སྐྱེས་དེ་དག་བླངས་ནས་འདིར་ཁྱེར་ཏེ་འོངས་སོ། །སངས་རྒྱས་ཀྱི་ཞིང་སྣ་ཚོགས་
D168.059.0217a04.01ན་གནས་པའི་བྱང་ཆུབ་སེམས་དཔའ་མང་པོ་དག་ཀྱང་སངས་རྒྱས་ཀྱིས་ལུང་བསྟན་པའི་ཡུལ་འདི་ཅི་ནས་འཇིག་པར་མི་འགྱུར་བ་དང་། བསྟན་པ་ཡང་ཡུན་རིང་དུ་གནས་པར་བྱ་བའི་ཕྱིར། འདིར་ལྷགས་ནས་སྐྱེ་བ་བླངས་སོ། །གང་གི་ཚེ་ཡུལ་དེར་གནོད་པ་བྱུང་ན་དེའི་ཚེ་སངས་རྒྱས་ཀྱི་མཚན་དེ་
D168.059.0217a05.01དག་དང་། གཟུངས་སྔགས་དེ་དག་དང་། འོད་ཟེར་སྔར་བཤད་པ་དེ་དག་བྲིས་ཏེ་གྲོང་ཁྱེར་གྱི་སྒོ་རྣམས་སུ་བཙུགས་ལ། དམག་གི་རུ་མཚོན་ལ་ཡང་བྲིས་ཏེ་བཞག་ནས། མི་རྣམས་ཀྱང་ཀློག་ཏུ་བཅུག་ཅིང་འཆང་དུ་བཅུག་ན་ཕ་རོལ་གྱི་དམག་ཚོགས་ཀྱིས་འཇིགས་པ་དང་། མུ་གེས་
D168.059.0217a06.01འཇིགས་པ་དང་། ལས་འབྱང་བར་བྱ་བ་དང་། དགེ་བའི་ཕྱོགས་ཡོངས་སུ་རྫོགས་པར་བྱ་བ་དང་། སེམས་ཅན་རྣམས་ཀྱིས་ཇི་ལྟ་བུར་བསམས་པ་བཞིན་དུ་ཕན་འདོགས་པར་འགྱུར་རོ། །སེམས་ཅན་ནད་པ་རྣམས་ལ་ཡང་སྐྱབས་བྱེད་པར་འགྱུར་རོ། །གང་ལ་སྡིག་པའི་ལས་
D168.059.0217a07.01