完整藏文原文 · 德格版页 当前仅加载第 59 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་བྱེད་པའི་མཆོད་པའི་ཆོ་ག་ནི་སྔར་བཤད་པ་ཡིན་ནོ། །གང་གི་ཚེ་དམག་གི་ནང་དུ་འགྲོ་བ་ན་དེའི་ཚེ་གསང་སྔགས་འདི་དང་། རྟ་གནས་ཀྱི་གསང་སྔགས་ལན་བདུན་བདུན་བཟླས་བརྗོད་བྱས་ན་སྔར་བཤད་པའི་འོད་ཟེར་དང་། གཟུངས་སྔགས་རྣམས་དང་བཅས་པར་དམག་
D168.059.0228b01.01དཔོན་གྱི་རྒྱལ་མཚན་གྱི་རྩེ་མོ་ལ་གདགས་ཤིང་ལུས་ལ་ཡང་བཅང་བར་བྱའོ། །གང་གི་ཚེ་རྟ་གནས་ཀྱི་རིག་སྔགས་ཀྱི་བཟླས་བརྗོད་རྩོམ་པ་དེའི་ཚེ། ཞག་བདུན་གྱི་བར་དུ་ལྷའི་གནས་སུ་འགྲོ་བ་བཞིན་དུ་གཙང་སྦྲ་བྱས་ཏེ། སྤོང་བ་རྣམས་འདི་ལྟར་བྱའོ། །ཚེས་བཅུ་
D168.059.0228b02.01གསུམ་ལ་རྩོམ་ན་ནི་ཀུན་སྤང་བར་བྱའོ། །ཚེས་བཅུ་བཞི་ལ་རྩོམ་ན་ནི་ཤ་བཟའ་བར་མི་བྱའོ། །ཚེས་{བཅྭ་,བཅོ་}ལྔ་ལ་རྩོམ་ན་ནི་འབྲས་ཆན་འོ་མ་དང་སྦྱར་བའམ། འབྲས་ཀྱི་འོ་ཐུག་གམ། འབྲས་ཆན་དང་མར་བཟའ་བར་བྱ་སྟེ། ཆུ་བཏུང་བར་མི་བྱའོ། །དེ་ནས་ཡང་སངས་རྒྱས་བཅོམ་ལྡན་
D168.059.0228b03.01འདས་ཀྱིས་གཟུངས་སྔགས་འདི་བྱིན་ནོ། །ན་མ་ཤྲཱི་སུ་བརྞོཏ་ཏ་མ་པྲ་བ་བྷ་ས་སྱ། ཏ་ཐཱ་ག་ཏ་སྱ། ཏདྱ་ཐཱ། བུད་བ་དྷརྨེ། ཨ་སང་ག་པྲ་ཏི། བ་སེ། བོ་དྷི་བོ་དྷི། དྲ་བེ་ཤྲཱི་ས་རེ་ས་རེ། བི་སརྦེ་དུཿ ཁ་ཤྲཱི་ལཾ་ཀ་ར་སརྦ་དུར་པྲ་བྷ་སེ་བ་ར་ཁྲི་ཏིཥྛི་ཏི་སྭཱ་ཧཱ། གཟུངས་སྔགས་འདི་གང་དུ་
D168.059.0228b04.01རྟ་གནས་ཀྱི་རིག་སྔགས་བཟླས་བརྗོད་བྱེད་པ་དེར་བརྗོད་པར་བྱ་སྟེ། དངོས་གྲུབ་གང་འདོད་པ་དང་། ལས་གཞན་གང་བྱེད་ཀྱང་རུང་། ཡང་ན་གཏེར་འདོད་ན་ཡང་གཟུངས་སྔགས་འདི་ལན་སུམ་ཅུ་རྩ་གསུམ་བཟླས་བརྗོད་བྱའོ། །དེ་ནས་འཇིག་རྟེན་སྐྱོང་བ་བཞི་ལ་སོགས་པ། རྒྱལ་
D168.059.0228b05.01ཆེན་བཞིའི་རིས་ཀྱི་ལྷ་ཐམས་ཅད་ཀྱིས་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ། །གནོད་སྦྱིན་ནམ། འབྱུང་པོ་ཇི་སྙེད་མཆིས་པ་དེ་དག་བཟློག་པའི་སླད་དུ་བདག་ཅག་གིས་གཟུངས་སྔགས་འདི་བཤད་པར་འཚལ་ཏེ། འབྱུང་པོ་དང་། རིམས་དང་ནད་ཐམས་ཅད་ཞི་བར་བགྱིད་པ་
D168.059.0228b06.01དང་། གཞན་ཡང་སྐྱེས་པའམ། བྱིས་པ་རྣམས་ཀྱི་ནད་གང་ཅི་ཡང་རུང་བ་དག་ལ་ལན་གསུམ་བསྲུང་བར་བགྱིའོ། །ཡང་ན་མདུད་པ་གསུམ་བགྱིས་ཏེ་བཏགས་ན་འབྱུང་པོས་བཏང་བའི་ནད་རྣམས་ཞི་བར་འགྱུར་རོ། །གང་གི་བུ་བཙས་ནས་མི་འཚོ་བ་དེས་ནི་བདག་ཉིད་ཀྱིས་བསྒྲུབ་
D168.059.0228b07.01