完整藏文原文 · 德格版页 当前仅加载第 59 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པའི་འདོད་ཆགས་སྤྱད་ཀྱང་སེམས་ཅན་དེ་དག་མགུ་བར་མ་ནུས་ཏེ། ཚེ་རབས་དུ་མར་མི་མཇེད་ཀྱི་འཇིག་རྟེན་གྱི་ཁམས་འདིར་སེམས་ཅན་གྱི་དོན་གྱི་སླད་དུ་སྡུག་བསྔལ་མང་པོ་ཉམས་སུ་མྱོང་སྟེ། བུད་མེད་དུ་སྐྱེ་བས་ཤིན་ཏུ་སྐྱོ་བར་གྱུར་ན་འོན་ཀྱང་བཅོམ་ལྡན་འདས་
D168.059.0255a01.01ཀྱིས་སུག་ལས་ཆེན་པོར་བཀའ་སྩལ་ཏེ། ཚེ་རབས་གྲངས་མ་མཆིས་པར་བདག་གིས་སྡུག་བསྔལ་བཟོད་པར་བགྱི་འཚལ་ཏེ། བཅོམ་ལྡན་འདས་ཤཱཀྱ་ཐུབ་པ་མཉེས་པར་བགྱི་བ་དང་། སངས་རྒྱས་ཉིད་བསྒྲུབ་པའི་སླད་དུ་བདག་གིས་སྨོན་ལམ་ཆེན་པོ་བཏབ་པ། སེམས་
D168.059.0255a02.01ཅན་ཐམས་ཅད་ལ་ཕན་པའི་སླད་དུ་ཚེ་རབས་གཞན་དག་ཏུ་བདག་ལ་སྡུག་བསྔལ་འབྱུང་བར་འགྱུར་བ་ཐམས་ཅད་བདག་གིས་བཟོད་པར་བགྱིའོ། །ཡུལ་དེ་སྲུངས་ཤིག་ཅེས་བཅོམ་ལྡན་འདས་ཀྱིས་བདག་ལ་བཀའ་སྩལ་པ་གང་ལགས་པ་དེ་ན་ད་དུང་མི་ཡང་མ་མཆིས། ཡུལ་
D168.059.0255a03.01ཡང་མ་བྱུང་མོད་ཀྱི་སངས་རྒྱས་བཅོམ་ལྡན་འདས་དེ་དག་དང་འཁོར་དེར་འདུས་པ་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། མི་དང་མི་མ་ཡིན་པ་ཐམས་ཅད་ལས་དམ་
D168.059.0255a04.01པ་བླང་བར་བགྱིའོ། །ཇི་སྲིད་དུ་བདག་ཚེ་རབས་དེ་དག་ཏུ་སྐྱེ་བ་ན་བདག་ལ་འདོད་ཆགས་དང་། ཞེ་སྡང་གི་གཞིར་མཐོང་ན་ཡང་བདག་ལ་སྡིག་པར་མ་གྱུར་ཅིག །ཅི་རིགས་པར་སྐྱེ་བའི་དུས་འཚལ་བར་གྱུར་ལ་འདི་ལྟ་བུ་ཡོངས་སུ་འཛིན་པར་གྱུར་ཅིག །གང་གི་ཚེ་ལི་ཡུལ་
D168.059.0255a05.01ཐོག་མ་འབྱུང་བའི་དུས་ལ་བབ་པ་ན། དེའི་ཚེ་ཡུལ་བགྱིད་པའི་སླད་དུ་དེར་བདག་ཐོག་མར་རྒྱལ་པོར་གྱུར་ཅིག །ལི་ཡུལ་དུ་ནམ་རྒྱལ་པོ་དེ་དག་གི་མིང་ཆགས་ཤིང་རྒྱལ་རབས་ཐོག་མར་བྱུང་བ་ན་ཚེ་རབས་བདུན་དུ་རྒྱལ་པོ་བྱེད་པར་གྱུར་ཅིག །གྲོང་ཁྱེར་དངར་ལྡན་ཞེས་
D168.059.0255a06.01བགྱི་བ་ཡང་བགྱིའོ། །བལ་པོ་སེའུ་ཚལ་དུ་ནི་སངས་རྒྱས་ཀྱི་མཆོད་རྟེན་ཆེན་པོ་བགྱིའོ། །ཡུལ་རྟ་འཇུག་ཏུ་ནི་ཆོས་དང་ལྡན་པའི་རྒྱལ་པོའི་མཆོད་རྟེན་བགྱིའོ། །འགུམ་ཏི་རར་ནི་དགེ་འདུན་གྱི་ཀུན་དགའ་ར་བ་ཆེན་པོ་བགྱིའོ། །རྩ་རྨ་བ་ན་ར་ཡང་དགེ་འདུན་གྱི་ཀུན་དགའ་ར་
D168.059.0255a07.01