完整藏文原文 · 德格版页 当前仅加载第 59 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་བཅུའི་སངས་རྒྱས་ཀྱི་ཞིང་དག་ནས། སངས་རྒྱས་བཅོམ་ལྡན་འདས་རྣམས་ཀྱིས་རང་རང་གི་མཚན་དང་། འོད་ཟེར་དང་། གཟུངས་ཀྱི་གསང་སྔགས་ཀྱི་ཚིག་རྣམས་བསྐུར་རོ། །བརྒྱ་བྱིན་དང་། ཚངས་པ་ལ་སོགས་པ་ལྷའི་རྒྱལ་པོ་སུམ་ཅུ་རྩ་གཉིས་པོ་དེ་དག་དང་། འཇིག་རྟེན་
D168.059.0214b01.01སྐྱོང་བ་བཞི་དང་། ལྷའི་བུ་ཀུན་དུ་རྒྱལ་བ་ལ་སོགས་པ། གནོད་སྦྱིན་གྱི་སྡེའི་བདག་པོ་ཆེན་པོ་ཉི་ཤུ་རྩ་བརྒྱད་དང་། བྱང་ཆུབ་སེམས་དཔའ་དྲི་མ་མེད་པའི་འོད་དེ་དང་། གོ་མ་ས་ལ་གན་དྷའི་མཆོད་རྟེན་མཆོད་པའི་བྱང་ཆུབ་སེམས་དཔའ་ཉི་ཁྲི་པོ་དེ་དག་དང་། ཀླུའི་རྒྱལ་པོ་གདོན་ལ་
D168.059.0214b02.01སྙེམས་པ་ལ་སོགས་པ་ཁྲི་བརྒྱད་སྟོང་པོ་གང་ཡིན་པ་དེ་དག་གི་ལག་ཏུ་བཅོམ་ལྡན་འདས་ཤཱཀྱ་ཐུབ་པས། བསྐལ་པ་བཟང་པོའི་བྱང་ཆུབ་སེམས་དཔའ་ཐམས་ཅད་ཀྱི་གནས། བསྐལ་པ་བཟང་པོའི་སངས་རྒྱས་བཅོམ་ལྡན་འདས་ཐམས་ཅད་ཀྱི་ཕྱག་མཚན་དུ་གྱུར་པ་ལི་ཡུལ་དང་ཐུབ་
D168.059.0214b03.01པ་དྲང་སྲོང་ཆེན་པོའི་གནས་སུ་གྱུར་པ་གོ་མ་ས་ལ་གན་དྷའི་མཆོད་རྟེན་དེ་དང་། དགེ་སློང་དང་། དགེ་སློང་མའི་དགེ་འདུན་དེ་དག་ལ་བསྲུང་བ་དང་། ཡོངས་སུ་བསྐྱང་བ་དང་། འཚེ་བ་མེད་པར་བྱ་བ་དང་། འབྱེ་བར་མི་འགྱུར་བ་དང་། སངས་རྒྱས་ཀྱི་བསྟན་པ་ལི་ཡུལ་ན་གནས་པ་དེ་
D168.059.0214b04.01ཡུན་རིང་དུ་གནས་པར་བྱ་བའི་ཕྱིར་གཏད་དོ། །སངས་རྒྱས་ཀྱི་མཚན་འདི་དག་དང་། འོད་ཟེར་འདི་དག་དང་། གཟུངས་ཀྱི་གསང་སྔགས་ཀྱི་ཚིག་འདི་དག་སྙིང་རྗེས་ནོན་པའི་ཐུགས་དང་ལྡན་པ་དང་། གསོལ་བ་ཆེན་པོ་བཏབ་པས་སྐྱེས་སུ་བསྐུར་ནས། དེ་བཞིན་དུ་སངས་རྒྱས་
D168.059.0214b05.01བཅོམ་ལྡན་འདས་དེ་དག་གི་བཀའ་མཉན་ཏེ། བརྒྱ་བྱིན་དང་། ཚངས་པ་ལ་སོགས་པ་ལྷའི་རྒྱལ་པོ་སུམ་ཅུ་རྩ་གཉིས་པོ་དེ་དག་དང་། འཇིག་རྟེན་སྐྱོང་བ་དེ་དག་དང་། གནོད་སྦྱིན་གྱི་སྡེའི་བདག་པོ་དེ་དག་དང་། ཀླུའི་རྒྱལ་པོ་དེ་དག་དང་། དྲི་མ་མེད་པའི་འོད་ལ་སོགས་པ་བྱང་ཆུབ་སེམས་
D168.059.0214b06.01དཔའ་དེ་དག་དང་། འཁོར་དེ་དག་ཐམས་ཅད་ཀྱིས་ཐལ་མོ་སྦྱར་ཏེ། ལི་ཡུལ་དེ་དང་། ཐུབ་པའི་དྲང་སྲོང་ཆེན་པོའི་གནས་གོ་མ་ས་ལ་གན་དྷའི་མཆོད་རྟེན་དེ་དང་། སངས་རྒྱས་ཀྱི་བསྟན་པ་དེ་དག་བསྲུང་བའི་ཕྱིར་མནོས་སོ། །སངས་རྒྱས་ཀྱི་མཚན་དེ་དག་དང་། འོད་ཟེར་དེ་དག་
D168.059.0214b07.01