完整藏文原文 · 德格版页 当前仅加载第 59 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་གཞན་དག་གིས་ཀྱང་མ་བྱས་སོ། །ངའི་ཡུལ་འཁོར་དེར་སེམས་ཅན་ངས་ཡོངས་སུ་སྨིན་པར་མ་བྱས་པ་དེ་གང་ཡིན་པ་དེ་དག་ཕྱིས་ལི་ཡུལ་འཁོར་དུ་གནས་པར་གྱུར་ཏེ། ངའི་ཆོས་ཀྱིས་ཡོངས་སུ་གྲོལ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་བསྐལ་པ་
D168.059.0259a01.01བཟང་པོའི་བྱང་ཆུབ་སེམས་དཔའ་རྣམས་ལ་བོས་ཏེ་འདི་སྐད་ཅེས་བཀའ་སྩལ་ཏོ། །ཁྱེད་ཐམས་ཅད་ལ་མདོ་འདི་དང་། ལི་ཡུལ་དང་གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་གཏད་དོ། །གང་གི་ཚེ་སངས་རྒྱས་བཅོམ་ལྡན་འདས་ཀྱིས་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་
D168.059.0259a02.01ཅད་དང་། ལྷ་ཐམས་ཅད་དང་། འཁོར་ཐམས་ཅད་ལ་མདོ་འདི་དང་། ལི་ཡུལ་དང་གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་གཏད་པ་དེའི་ཚེ་སངས་རྒྱས་བཅོམ་ལྡན་འདས་ཤཱཀྱ་ཐུབ་པའི་སྟེང་དུ་ལྷའི་མེ་ཏོག་གི་ཆར་ཕབ་བོ། །ལྷ་རྣམས་ཀྱིས་ལྷའི་རོལ་མོའི་སྒྲ་བསྒྲགས་སོ། །ལྷའི་རྒྱན་གྱི་ཆར་ཡང་ཕབ་བོ། །དེ་བཞིན་དུ་འཁོར་དེ་
D168.059.0259a03.01དག་ཐམས་ཅད་ཀྱིས་ཀྱང་བཅོམ་ལྡན་འདས་ལ་ཇི་ལྟར་འོས་པའི་མཆོད་པས་བཅོམ་ལྡན་འདས་ལ་མཆོད་པར་བྱས་སོ། །སངས་རྒྱས་བཅོམ་ལྡན་འདས་དེ་དག་གིས་ཀྱང་མི་མཇེད་ཀྱི་འཇིག་རྟེན་གྱི་ཁམས་འདིར་འོད་ཟེར་ཤིན་ཏུ་མང་པོ་བཏང་ངོ་། །མི་མཇེད་ཀྱི་འཇིག་རྟེན་གྱི་ཁམས་འདི་ན་གནས་པའི་
D168.059.0259a04.01སེམས་ཅན་རྣམས་ཀྱིས་ཀྱང་སངས་རྒྱས་བཅོམ་ལྡན་འདས་དེ་དག་འཁོར་གྱི་དཀྱིལ་འཁོར་དང་བཅས་པ་མཐོང་ངོ་། །དེ་ན་གནས་པ་རྣམས་ཀྱིས་ཀྱང་དེ་བཞིན་གཤེགས་པ་ཤཱཀྱ་ཐུབ་པ་འཁོར་གྱི་དཀྱིལ་འཁོར་དང་བཅས་པ་དང་། མི་མཇེད་ཀྱི་འཇིག་རྟེན་གྱི་ཁམས་མཐོང་སྟེ། འཁོར་ཐམས་ཅད་དང་།
D168.059.0259a05.01ལྷ་དང་མི་རྣམས་གཅིག་གིས་གཅིག་མཐོང་བར་གྱུར་ཏོ། །དེ་ནས་དེའི་ཚེ་དགེ་སློང་ཀུན་དགའ་བོ་སྟན་ལས་ལངས་ཏེ། ཐལ་མོ་སྦྱར་ནས་བཅོམ་ལྡན་འདས་ལ་ཞུས་པ། བཅོམ་ལྡན་འདས་མ་འོངས་པའི་དུས་ན་སུ་ལ་ལ་མདོ་འདི་ཀློག་པ་དང་། སེམས་པ་དང་། ཉན་པ་དང་། ཀུན་ཆུབ་པར་
D168.059.0259a06.01བགྱིད་པ་དང་། འདྲི་བ་དང་། འདྲིར་འཇུག་པ་དེའི་བསོད་ནམས་ཀྱི་ཕུང་པོ་ཇི་ཙམ་དུ་འཕེལ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། སངས་རྒྱས་ཀྱི་ཞིང་བརྒྱད་ཁྲི་བཞི་སྟོང་གི་ནང་ན་སྐྱེ་བོ་ཇི་སྙེད་གནས་པ་རྣམས་ལ་སྦྱིན་པ་བྱིན་པ་བས་ནི། སུ་མདོ་འདི་འཆང་བ་འམ།
D168.059.0259a07.01