完整藏文原文 · 德格版页 当前仅加载第 59 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་སྲོག་ཡལ་དུ་ཟིན་ཀྱང་དེ་ལ་ཆགས་པ་མེད་དོ། །དེ་ནས་ལྷ་རྣམས་ཀྱིས་འདི་སྐད་ཅེས་སྨྲས་སོ། །འདི་ལ་ཐབས་ཅིག་ཁོ་ན་ཞིག་ཡོད་དེ། ཅི་ནས་ཡུལ་གྱི་མི་ཐམས་ཅད་ཀྱིས་ཐེག་པ་ཆེན་པོའི་མདོ་དམ་པའི་ཆོས་པད་མ་དཀར་པོའི་མདོ་ཉི་ཤུ་རྩ་གཅིག་
D168.059.0245a01.01བྲིས་ལ་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་ཀྱི་སྲུང་མའི་ལྷ་དེ་དག་དང་། མདོ་དེ་ལས་མིང་སྨོས་པའི་སྲིན་པོ་དང་སྲིན་མོ་གང་ཡིན་པ་དེ་དག་ལ་ཆོས་སྦྱིན་པར་བྱ་བའི་ཕྱིར་ཨ་ཤྭ་དམ་པའི་མཆོད་རྟེན་ཆེན་པོ་བཀླག་པར་བྱ་སྟེ། རོ་དང་ལྡན་པའི་ཟས་རྣམས་ཀྱང་
D168.059.0245a02.01གཞག་པར་བྱའོ། །མར་མེ་དེ་དག་ཀྱང་སྦྱར་བར་བྱའོ། །དེ་ནས་དྲི་མ་མེད་པའི་འོད་ཀྱིས་འདི་སྐད་ཅེས་སྨྲས་སོ། །བདག་གིས་ཡུལ་གྱི་ཕྱིར་ཐམས་ཅད་ལ་འདྲིར་གཞུག་པ་དང་། ཀློག་ཏུ་གཞུག་པར་བསྒོ་བའི་མཐུ་དེ་ལྟ་བུ་བདག་ལ་མེད་ཀྱིས། ཡུལ་གྱི་ཕྱིར་བདག་
D168.059.0245a03.01ཉིད་ཀྱིས་ཀློག་ཅིང་རོ་དང་ལྡན་པའི་ཟས་རྣམས་ཀྱང་གཞག་གོ། །མར་མེ་དེ་དག་ཀྱང་སྦྱར་རོ། །གང་གི་ཚེ་དྲི་མ་མེད་པའི་འོད་ཀྱིས་དམ་པའི་ཆོས་པད་མ་དཀར་པོ་ཀློག་པ་དང་། རོ་དང་ལྡན་པའི་ཟས་རྣམས་གཞག་པར་རྩོམ་པ་དེའི་ཚེ་གདོང་དམར་དེ་དག་ལོ་དང་པོ་ལ་ལི་ཡུལ་
D168.059.0245a04.01དུ་འགྲོ་བར་རྩོམ་པར་འགྱུར་རོ། །དེ་ནས་ལོ་གསུམ་པའི་ཚེ་འགྲོ་ནུས་པར་འགྱུར་རོ། །དེའི་ཚེ་སྡིག་བྱེད་ཀྱི་གྲོགས་པོར་གྱུར་པའི་མི་རྒོད་ལྔ་བརྒྱ་པོ་གང་ཡིན་པ་དེ་དག་ཀྱང་དེའི་ཚེ་མི་རྒོད་ཀྱིས་འཛིན་པར་འགྱུར་རོ། །དེའི་ཚེ་དྲི་མ་མེད་པའི་འོད་གཡེངས་པར་འགྱུར་ཏེ། དམ་
D168.059.0245a05.01པའི་ཆོས་པད་མ་དཀར་པོ་དག་ཀྱང་ཀློག་པར་མི་བྱེད། རོ་དང་ལྡན་པའི་ཟས་རྣམས་ཀྱང་འགྲེམས་པར་མི་བྱེད་དོ། །དེ་ནས་གདོང་དམར་རྣམས་རང་གི་ཡུལ་ནས་འཕགས་ཏེ་སྟོན་ཟླ་ར་བ་ལ་ལི་ཡུལ་དུ་འགྲོ་བར་ཆས་སོ། །དེའི་ཚེ་ལིའི་རྒྱལ་པོ་སྲིན་མོ་དྲི་མ་མེད་པའི་འོད་
D168.059.0245a06.01ལ་མི་དགའོ། །དུ་པ་ལ་དང་ཨ་ཀུ་ན་གཉིས་ཀྱང་དེའི་ཚེ་གཡེངས་པར་འགྱུར་ཏེ། ཀློག་པར་མི་བྱེད། རོ་དང་ལྡན་པའི་ཟས་རྣམས་ཀྱང་འགྲེམས་པར་མི་བྱེད། མར་མེ་ཡང་སྦྱར་བར་མི་བྱེད་དོ། །དེ་ནས་ལྷ་རྣམས་ཙར་མིན་དྷའི་ཡུལ་དུ་གཡུལ་འགྱེད་དེ་ཕམ་པར་འགྱུར་
D168.059.0245a07.01