完整藏文原文 · 德格版页 当前仅加载第 59 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་ངོ་། །འོད་ཟེར་དེ་ལས་ཀྱང་འོད་ཟེར་བཅུ་བྱུང་ནས་སངས་རྒྱས་ཀྱི་ཞིང་ཐམས་ཅད་དུ་སོང་ངོ་། །སོང་ནས་ཀྱང་སངས་རྒྱས་ཀྱི་ཞིང་གྲངས་མེད་པར་འཕྲོས་སོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་ཇི་སྙེད་ཡོད་པའི་ཞིང་དེ་དག་
D168.059.0254a01.01ཐམས་ཅད་དུ་ཇི་ལྟར་ལི་ཡུལ་དུ་རྡོ་རྗེ་གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་ཀྱི་ཕྱིར་སྔར་བཤད་པ་བཞིན་དུ་ཚིག་ཏུ་བརྗོད་པ་དེ་དག་བྱུང་ངོ་། །དེ་ནས་དེའི་ཚེ་སངས་རྒྱས་བཅོམ་ལྡན་འདས་དེ་དག་དང་། བཅོམ་ལྡན་འདས་ཤཱཀྱ་ཐུབ་པས་དགོངས་པ་འཐུན་པར་རྡོ་རྗེའི་
D168.059.0254a02.01དཀྱིལ་འཁོར་ཞེས་བྱ་བའི་གཟུངས་སྔགས་འདི་གསུངས་སོ། །ཏདྱ་ཐཱ། བོ་དྷི་བོ་དྷི། སརྦ་ཨ་ལང་ཀཱ་ར། བ་ར་ག་ཏ། དྷརྨ་ཙ་ཀྲ། བ་ར་ག་ཏ། མ་ར་སཻ་ནྱ་པ་ར་ག་ཏ། ཨ་བི་ཥ་ཡ་པ་ར་གཱ་ཏཱ། ཨ་བི་དྱཱ་པྲ་ཏྱཱ་ཡ། བྷ་བ་པྲ་ཏྱཱ་
D168.059.0254a03.01ཡ། ནི་རུད་དྷ་པྲ་ཏྱཱ་ཡ། ཏ་ཐཱ་ག་ཏ། མ་ར་ཎ་ཧ་ར། བུད་དྷྱ་སད་ཏྱེ་ན། ནཱ་ག་སད་ཏྱེ་ན། ཨ་སུ་ར་སད་ཏྱེ་ན། སརྦ་བ་ར་སད་ཏྱེ་ན། རྡོ་རྗེའི་དཀྱིལ་འཁོར་ཞེས་བྱ་བའི་གཟུངས་སྔགས་འདི་ནི་སངས་རྒྱས་ཐམས་ཅད་ཀྱིས་གསུངས་ཏེ། གང་གི་ཚེ་ལྷ་མོ་དྲི་མ་མེད་པའི་འོད་ཀྱིས་
D168.059.0254a04.01ཐོས་པ་དེའི་མོད་ལ་རྡོ་རྗེའི་དཀྱིལ་འཁོར་གྱི་གཟུངས་སྔགས་རྟོགས་པར་འགྱུར་རོ། །གང་གི་ཚེ་ལི་ཡུལ་གྱི་དོན་གྱི་ཕྱིར་སངས་རྒྱས་རྣམས་ཀྱིས་ཆོས་འདི་གསུངས་པ་དེའི་ཚེ། ལྷ་མོ་དྲི་མ་མེད་པའི་འོད་ཀྱིས་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ། །བདག་ནི་སངས་
D168.059.0254a05.01རྒྱས་བཅོམ་ལྡན་འདས་ཉིད་ཀྱིས་མཁྱེན་པ་ལགས་ཏེ། བདག་སངས་རྒྱས་ཀྱི་ཞིང་ཡོངས་སུ་དག་པ། རྣམ་པར་སྣང་མཛད་ཀྱི་འོད་ཟེར་གྱིས་སོ་སོར་བརྒྱན་པའི་འཇིག་རྟེན་གྱི་ཁམས་སངས་རྒྱས་བཅོམ་ལྡན་འདས་པད་མའི་འདབ་མ་དྲི་མ་མེད་པའི་རྒྱུ་སྐར་གྱི་རྒྱལ་
D168.059.0254a06.01པོ་མངོན་པར་ཤེས་པའི་མེ་ཏོག་ཀུན་ཏུ་རྒྱས་པའི་སངས་རྒྱས་ཀྱི་ཞིང་ནས། མི་མཇེད་ཀྱི་འཇིག་རྟེན་གྱི་ཁམས་འདིར་མའི་དོན་བགྱི་བ་དང་། དམ་པའི་ཆོས་པད་མ་དཀར་པོ་དོན་དུ་གཉེར་བ་དང་། དེ་བཞིན་གཤེགས་པ་ཤཱཀྱ་ཐུབ་པའི་དྲུང་དུ་སྨོན་ལམ་གདབ་པའི་སླད་དུ་
D168.059.0254a07.01