完整藏文原文 · 德格版页 当前仅加载第 59 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ན་ནི་འཁོར་བ་ལས་མཐར་ཕྱིན་པར་གྱུར་ཅིག་ཅེས་ཟེར་རོ། །དེ་ནས་ནང་པར་གྱི་དུས་སུ་སངས་རྒྱས་བཅོམ་ལྡན་འདས་དེ་དག་གིས་དེའི་སྟེང་དུ་འོད་ཟེར་བཏང་སྟེ། གཟུངས་སྔགས་དང་། བཟོད་པ་ཡང་ཐོབ་པར་འགྱུར་རོ། །དེའི་ཚེ་སངས་རྒྱས་རྣམས་དང་།
D168.059.0240a01.01ལྷ་རྣམས་ཀྱིས་ལེགས་སོ་ཞེས་བྱ་བ་བྱིན་ཏེ། ལྷའི་བུ་རྣམས་དྲིལ་བུའི་སྒྲ་སྒྲོགས་ཤིང་རྔ་བོ་ཆེ་དང་། རོལ་མོའི་སྒྲ་རྣམས་སྒྲོགས་ཏེ། འདི་སྐད་དུ་ཕྱིར་མི་ལྡོག་པའི་བྱང་ཆུབ་སེམས་དཔའ་ལས་ཆེན་པོ་བྱས་སོ་ཞེས་ཟེར་རོ། །དེའི་ཚེ་འདི་སྙམ་དུ་ཕ་མ་ལ་དྲིན་དུ་གཟོ་བར་བྱས་
D168.059.0240a02.01པས་ན་བདག་ལ་མཆོད་པ་བྱེད་དོ་སྙམ་དུ་བདག་ཉིད་ཀྱིས་ཤེས་ནས་ལས་དང་པོར་བྱེད་པར་འགྱུར་ཏེ། སྔོན་གང་གི་ཚེ་དགེ་བྱེད་ཀྱིས་ཡིད་བཞིན་གྱི་ནོར་བུ་རིན་པོ་ཆེ་ལས་རིན་པོ་ཆེའི་ཆར་ཕབ་པ་ན། བློན་པོ་ཆེན་པོ་དང་། དགེ་བྱེད་ཀྱི་ཕྱིར་ཐོག་མ་སྨོན་ལམ་བཏབ་པ་དེའི་ཚེ་གཞན་དག་
D168.059.0240a03.01ཅིག་གིས་འདི་སྐད་དུ་གང་གི་ཚེ་བདག་ཅག་སྨོན་ལམ་བཏབ་པ་དེ་དག་ཐམས་ཅད་ལས་ལྡོག་པར་མ་གྱུར་ན། ཕྱིས་ཅི་ནས་བསྟན་པ་ཅུང་ཟད་ཀྱང་འཇིག་པར་མི་འགྱུར་བར་གྲོགས་བགྱིའོ། །གཞོན་ནུ་རྣམ་པར་རྒྱལ་བའི་གོ་ཆ་ཞེས་བྱ་བ་སྐར་རྡོའི་རྒྱལ་པོར་འགྱུར་བ་དེས་ཀྱང་
D168.059.0240a04.01གྲོགས་བྱེད་པར་འགྱུར་རོ། །སྡིག་བྱེད་ཀྱི་ཕྱོགས་གང་དག་གི་བློན་པོ་ཆེན་པོ་དང་། དགེ་བྱེད་ཀྱི་ཕྱིར་སྨོན་ལམ་བཏབ་པ་ཡང་ཕྱིས་ལྡོག་པར་འགྱུར་རོ། །གང་གི་ཚེ་བཅོམ་ལྡན་འདས་ཀྱིས་ཚིག་དེ་སྐད་ཅེས་བཀའ་སྩལ་པ་དེའི་ཚེ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་
D168.059.0240a05.01གསོལ་ཏོ། །བདག་གིས་ཀྱང་དེའི་ཚེ་བསྐུལ་བར་བགྱིའོ། །དེ་དག་ཐམས་ཅད་ལ་བདག་གིས་ཆོས་ཀྱང་བཤད་པར་བྱ་སྟེ། ཅི་ནས་ཐམས་ཅད་འཛིན་པར་འགྱུར་ཞིང་། གཞན་དག་ལ་ཡང་འཆད་པར་འགྱུར་བ་དེ་ལྟར་བགྱིའོ། །བདག་གི་སྲིང་མོ་འདི་ཡང་བདག་དང་
D168.059.0240a06.01ལྷན་ཅིག་ཏུ་བྱང་ཆུབ་ཀྱི་སྤྱད་པ་ལྷན་ཅིག་ཏུ་སྤྱོད་སྤྱོད་པ་ལགས་སོ། །དེ་ནས་དེའི་ཚེ་ལྷ་ཐམས་ཅད་ལངས་ཏེ་འདི་སྐད་དུ་བདག་ཅག་ཀྱང་དེར་མཆི་བར་འཚལ་ལོ་ཞེས་གསོལ་ཏོ། །དེའི་ཚེ་སངས་རྒྱས་བཅོམ་ལྡན་འདས་ཀྱི་སྟེང་དུ་ལྷའི་མེ་ཏོག་གི་ཆར་བབ་བོ། །ལྷའི་སིལ་སྙན་
D168.059.0240a07.01