完整藏文原文 · 德格版页 当前仅加载第 59 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྗེས་སུ་དགོངས་སོ། །དེ་ནས་རང་གི་དོན་དང་ལྷ་ལ་སོགས་པའི་དོན་གྱི་ཕྱིར་དེ་དག་ལ་ཡུལ་གཏམས་ཤིང་གཏད་དོ། །ཚངས་པ་ལ་སོགས་པའི་ལྷ་རྣམས་དང་། ལྷ་ཐམས་ཅད་ཀྱི་གཟུངས་སྔགས་འདི་ཡང་བརྗོད་པར་བྱའོ། །ན་མོ་བྲཧྨ་ནེ། ན་མཿ
D168.059.0214a01.01སརྦ་དེ་བཱ་ནཱ་ན། ཏདྱ་ཐཱ། བྲ་ཧྨ་ན་ཨིན་དྲེ། དེ་བ་ཏཱ་པྲ་ཏིཥྛི་ཏེ། ཨ་ཤྭ་སྠཱ་ནེ། བ་ར་ཨིན་དྲེ། སྭ་པ་ར་པ་རི། ཧ་རཀྴིཾ་མ་བ་ཨིན་དྲེ། སན་ཏ་ཐཱ་སྨ་ར་བ་ར་ཧ་རེ། ཨ་མ་བྷ་ཀུམྦྷ་ཀ་ཀྲཱི་གྲཱི་ཤྲཱི། ཨཱ་ལང་ཀཱ་ར། སརྦ་དེ་བ། གྲཱ་མ་སྭཱ་ཧཱ། གཟུངས་སྔགས་འདིས་ལྷ་དང་། མི་རྣམས་རྒྱལ་
D168.059.0214a02.01བ་ཐོབ་པར་འགྱུར་ཞིང་། དགྲས་ཀྱང་དེ་ལ་གནོད་པར་མི་བྱེད་ལ། དབང་ཕྱུག་ཐམས་ཅད་ཀྱི་བདག་པོར་འགྱུར་རོ། །ལི་ཡུལ་དུ་གང་ལ་ལ་རྒྱལ་པོར་འགྱུར་བ་དེ་འདི་སྙམ་དུ། ལི་ཡུལ་འདི་ནི་སྐྱེ་བོ་དང་། མི་དང་། མི་མང་པོས་གང་ཞིང་ནོར་དང་། འབྲུ་མང་པོ་རྒྱས་པ་ཡིན་ཏེ།
D168.059.0214a03.01ཡུལ་ཐམས་ཅད་ཀྱི་མཆོག་དམ་པ་ཡིན་པས། གཞན་གྱི་དམག་ཚོགས་འོང་བར་མི་ནུས་སོ་སྙམ་དུ་སེམས་པར་འགྱུར་རོ། །དེའི་ཚེ་རྒྱལ་པོ་དེས་དགོན་པ་དང་། དགེ་འདུན་གྱི་ཀུན་དགའ་ར་བ་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་
D168.059.0214a04.01འཁོར་ཐམས་ཅད་དུ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་དང་། ཡུལ་གྱི་མི་ཐམས་ཅད་སྔར་བཤད་པའི་གཟུངས་ཀྱི་གསང་སྔགས་ཀྱི་ཚིག་རྣམས་ཀློག་ཏུ་གཞུག་པར་བྱའོ། །འཛིན་དུ་གཞུག་པ་དང་། ཀུན་ཆུབ་པར་བྱེད་དུ་གཞུག་གོ། །དགེ་
D168.059.0214a05.01སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་དང་། ཡུལ་ན་གནས་པའི་མི་དེ་དག་ལ་ཡང་ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་རྣམས་དང་། ཁ་ཟས་དང་། བཏུང་བ་སྣ་ཚོགས་དང་། མཆོད་པའི་ལས་སྣ་ཚོགས་
D168.059.0214a06.01དང་། ཡོ་བྱད་ཐམས་ཅད་ཀྱིས་རིམ་གྲོར་བྱའོ། །བཙུན་པར་བྱའོ། །བསྟི་སྟང་དུ་བྱའོ། །མཆོད་པར་བྱའོ། །དེ་ལྟར་བྱས་ན་ལི་ཡུལ་དེ་གནོད་པ་ཐམས་ཅད་མེད་པ་དང་། ཕྱིར་རྒོལ་བའི་རྒྱལ་པོ་ཐམས་ཅད་ཀྱི་དཔུང་གིས་རྒྱལ་པོ་དེའི་ལི་ཡུལ་གཞིག་པར་མི་ནུས་སོ། །དེ་ནས་ཡང་
D168.059.0214a07.01