完整藏文原文 · 德格版页 当前仅加载第 59 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་པ་དེ་དག་ཀྱང་དེར་གཤེགས་སོ། །གཞོན་ནུ་རྡོ་རྗེ་སྡེས་ཀྱང་ཡོན་ཕུལ་ལོ། །སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཀུན་ཏུ་གཟིགས་པ་དེ་ལས་སྔོན་སངས་རྒྱས་ཉིད་དུ་ལུང་བསྟན་པ་ཐོབ་པོ། །དྲི་མ་མེད་པའི་འོད་ཀྱིས་སངས་རྒྱས་ཀྱི་ཞིང་འོད་
D168.059.0223a01.01ཀྱི་རྒྱལ་པོ་ཞེས་བྱ་བ་དེར་བྱང་ཆུབ་ཐོབ་པར་གྱུར་ཏེ། དེ་བཞིན་གཤེགས་པ་ཟླ་བའི་རྒྱལ་མཚན་ཤིན་ཏུ་འཕགས་པའི་འོད་ཟེར་གྱི་འོད་ཀྱི་རྒྱལ་པོ་ཞེས་བྱ་བར་འགྱུར་རོ། །གནས་པ་ཞེས་བྱ་བའི་བསྐལ་པ་ལ་འཇིག་རྟེན་གྱི་ཁམས་བུད་མེད་དུ་གྲགས་པ་ཞེས་བྱ་བར། དེ་བཞིན་
D168.059.0223a02.01གཤེགས་པ་ཆོས་ཀྱི་སྒྲ་སྒྲོགས་ཕྱག་ན་རིན་ཆེན་མཛོད་བསྣམས་ཞེས་བྱ་བར་འགྱུར་རོ། །གང་གི་ཚེ་ལྷ་མོ་དེ་ལ་དེ་ལྟར་སངས་རྒྱས་བཅོམ་ལྡན་འདས་ཀྱིས་ལུང་བསྟན་པ་དེའི་ཚེ། དེ་ལུང་བསྟན་པའི་ཕྱིར་སངས་རྒྱས་བཅོམ་ལྡན་འདས་ཀྱིས་འོད་ཟེར་བཏང་སྟེ། གང་གི་ཚེ་ལྷ་མོ་
D168.059.0223a03.01དྲི་མ་མེད་པའི་འོད་ཀྱིས་ལུང་བསྟན་པ་དེ་ཐོབ་པ་དེའི་ཚེ་དེར་བྱང་ཆུབ་སེམས་དཔའ་སེམས་ཀྱི་ཚིག་ཅེས་བྱ་བར་གྱུར་ཏེ། དེ་ཕྱིན་ཅད་སངས་རྒྱས་ཀྱི་ཞིང་ཐམས་ཅད་ན་གནས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་ལུང་བསྟན་ཏོ། །བསྐལ་པ་བཟང་པོའི་བྱང་ཆུབ་
D168.059.0223a04.01སེམས་དཔའ་རྣམས་ཀྱིས་ཀྱང་བྱང་ཆུབ་གང་ལ་ཁྱོད་གནས་པ་དེ་ནི་ཤིན་ཏུ་དཀོན་པ་ཡིན་ནོ་ཞེས་སྨྲས་སོ། །སངས་རྒྱས་བཅོམ་ལྡན་འདས་གང་དག་སྔོན་སངས་རྒྱས་བཅོམ་ལྡན་འདས་ཤཱཀྱ་ཐུབ་པའི་ཐད་དུ་འོད་ཟེར་གཏོང་བའི་སངས་རྒྱས་བཅོམ་ལྡན་འདས་དེ་དག་གིས་ཀྱང་གསུང་གཅིག་
D168.059.0223a05.01ཏུ་འཐུན་པར་གཟུངས་སྔགས་བཤད་པ། ཏདྱ་ཐཱ། ཏཱ་ཐཱ་ཏཱ། ལོ་ཀཱ་གྲ། ཏ་ཐཱ་ག་ཏ། ཀ་བ་པ་བི། ཀ་ར་ཛི། བྷུ་ཏ་ཀོ་ཊི། བི་བི་དྲ་དྲ་ཁ་ཤ་ར། སས་སས་སས་སས། བྷ་དྷ་པྲ་བྷ། བ་པ་ད་ཀ་ར་ན་ས། བ་ར་ན་བ་བ་བ་བ། ཨ་ས་ཙ་རུ་ན་ན། ཙ་པ་བ་ར་ཎན། ཀ་ཀ་ཀོ་ཊ་རཱ་ཛཱ་ན།
D168.059.0223a06.01བྱ་ཀ་ར་ཎ་ས་བྷ་དྲ། ཀ་ར་ཎ་སྭཱ་ཧཱ། གཟུངས་སྔགས་འདི་ནི་ལུང་སྟོན་པ་ཞེས་བྱ་སྟེ། གཟུངས་སྔགས་འདིས་སངས་རྒྱས་བཅོམ་ལྡན་འདས་རྣམས་ཀྱིས་བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་མཛད་དེ། མཚན་ལན་
D168.059.0223a07.01