完整藏文原文 · 德格版页 当前仅加载第 59 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་སྤྱན་རས་གཟིགས་དབང་ཕྱུག་གི་གྲོགས་ཡིན་ཏེ། བྱང་ཆུབ་སེམས་དཔའ་དེ་དག་ཐམས་ཅད་ཀྱི་ལག་ཏུ་སངས་རྒྱས་བཅོམ་ལྡན་འདས་ཀྱིས་ལི་ཡུལ་སྲུང་བ་བཞིན་དུ་གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་ལ་གཏད་དེ། དེ་ནས་བྱང་ཆུབ་སེམས་དཔའ་
D168.059.0234b01.01འཇམ་དཔལ་གྱིས་འདི་སྐད་ཅེས་གསོལ་ཏོ། །བདག་ནི་སངས་རྒྱས་བཅོམ་ལྡན་འདས་སྔོན་བྱུང་བ་གང་ལགས་པ་རྣམས་དང་། ཕྱིས་འབྱུང་བ་དེ་དག་གིས་སངས་རྒྱས་ཀྱི་བྱང་ཆུབ་ཐོབ་པར་བགྱི་བའི་སླད་དུ་གྲོགས་སུ་གྱུར་པ་ལགས་ཏེ། ཆོས་ཀྱང་མཉན། བདག་གིས་ཀྱང་ལི་
D168.059.0234b02.01ཡུལ་ཡོངས་སུ་བསྲུང་བའི་སླད་དུ་མནོད་པར་འཚལ་ཏེ། དེར་སྐྱེ་བ་བླངས་ནས་རིང་བསྲེལ་བགོ་བར་བགྱིའོ། །ལྷ་མོ་འདི་ལ་ཡང་གཟུངས་སྔགས་གང་གིས་ཚེ་རབས་དྲན་པར་འགྱུར་བ་དང་། སངས་རྒྱས་བཅོམ་ལྡན་འདས་ལས་ཆོས་ཅི་ཐོས་པ་དེ་དག་ཐམས་ཅད་དྲན་པར་འགྱུར་
D168.059.0234b03.01བའི་གཟུངས་སྔགས་སྩལ་བར་བགྱིའོ། །དེ་བཞིན་གཤེགས་པ་སྣང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་གླང་པོ་ཆེ་བྱེད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇམ་དཔལ་གཞོན་ནུ་ལ་ཕྱག་འཚལ་ལོ། །ཏདྱ་ཐཱ། བུ་ས་དྷ་རེ། བྷ་ཤ་ད་ཙེ།
D168.059.0234b04.01བཱ་ཛ་ར་ཤྨི་སྭཱ་ཧཱ། འདི་ཉིན་ལན་གསུམ་མཚན་ལན་གསུམ་བཟླས་བརྗོད་བྱས་ན་ཚེ་རབས་དྲན་པར་འགྱུར་ཏེ། སྔོན་ཆོས་ཅི་ཐོས་པ་དེ་ཐམས་ཅད་དྲན་པར་འགྱུར་རོ། །དེ་ནས་ཡང་བྱང་ཆུབ་སེམས་དཔའ་འཇམ་དཔལ་གྱིས་གཟུངས་སྔགས་འདི་བཤད་དོ། །ཏདྱ་ཐཱ། པྲ་ཏྱུད་ན་རུ་
D168.059.0234b05.01ནེ། པྲ་ཏྱུད་ས་རཱ་ཀཱ་ར་ན་རིཀྵ་ནི་སྭཱ་ཧཱ། གང་གི་ཚེ་རྣལ་འབྱོར་སྤྱོད་པ་ལ་ཕྱོགས་གཅིག་ཏུ་འདུག་པ་དེའི་ཚེ་བཟླས་བརྗོད་བྱས་ན་རྣམ་པར་རྟོག་པ་རྣམས་ཀྱང་བྱང་བར་འགྱུར་ལ་དགེ་བའི་ཕྱོགས་རྣམས་འཕེལ་བར་འགྱུར་རོ། །གང་གི་ཚེ་རྟ་གནས་ཀྱི་རིག་སྔགས་ཀྱིས་ལས་བྱེད་པ་དེའི་ཚེ་
D168.059.0234b06.01ཡང་ལན་གསུམ་བཟླས་བརྗོད་བྱའོ། །དེའི་ཚེ་བྱང་ཆུབ་སེམས་དཔའ་ཀུན་ཏུ་བཟང་པོས་འདི་སྐད་ཅེས་གསོལ་ཏོ། །གང་གི་ཚེ་ལྷ་མོ་འདིས་ཐོག་མར་གཟུངས་སྔགས་རྟོགས་པར་འགྱུར་བ་དེའི་ཚེ། བདག་གིས་གྲོགས་བགྱིས་ཏེ། ཅི་ནས་ཡང་དག་པ་ཇི་ལྟ་བ་བཞིན་དུ་རྟོགས་པ་
D168.059.0234b07.01