完整藏文原文 · 德格版页 当前仅加载第 59 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དུས་ལ་མ་བབ་ཀྱི་བར་དུ། བདག་གིས་ལི་ཡུལ་དེ་ཉིད་དུ་མི་རྟག་པ་ཉིད་མཐོང་ནས། གང་གི་ཚེ་ཡུལ་དེར་འ་ཞ་དང་སུམ་པ་འོང་བ་དེའི་ཚེ་བདག་འཆི་བའི་དུས་བྱས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་གྱུར་ཅིག་ཅེས་བྱས་སོ། །ལྷ་མོ་དྲི་མ་མེད་པའི་
D168.059.0221a01.01འོད་དེའི་མིང་པོ་རྒྱལ་པོ་མ་སྐྱེས་དགྲའི་བུ་གང་ཡིན་པ་དེ་ཡང་ཤིན་ཏུ་ང་རྒྱལ་ཆེ་ཞིང་རྒྱགས་པས་གཡུལ་འགྱེད་པ་བལྟ་བའི་ཕྱིར་ཤཱཀྱའི་གཡུལ་དེར་རྒྱལ་པོ་འཕགས་སྐྱེས་པོའི་དམག་གི་ཟླ་ལ་འོངས་ནས། དེས་ཀྱང་གཡུལ་དེར་མི་བསད་པ་ལ་སོགས་པའི་སྡིག་བྱས་ཏེ།
D168.059.0221a02.01གང་གི་ཚེ་དེར་སེམས་ཅན་མང་པོ་ཤི་བ་མཐོང་བ་དེའི་ཚེ། དེས་སངས་རྒྱས་མཐོང་ནས་འགྱོད་པ་ཆེན་པོ་དང་སྐྱོ་བར་གྱུར་ཅིང་། དེའི་ཚེ་དེས་ལྷ་མོ་དྲི་མ་མེད་པའི་འོད་ལ་སྨྲས་པ། ང་ནི་ཁྱོད་ཀྱི་མིང་པོ་ཤིན་ཏུ་སྡུག་པ་ཡིན་པས་ངས་དམག་དེའི་ནང་དུ་སྡིག་པའི་ལས་བྱས་པ་
D168.059.0221a03.01ཁྱོད་ཀྱིས་ཐོས་ནས་རྗེས་སུ་ཡིད་རངས་པར་གྱུར་ཏེ། ཁྱོད་ཀྱི་ཡིད་ཀྱིས་མི་དགེ་བ་ཐོབ་པར་གྱུར་པ་གང་ཡིན་པའི་ལས་ཀྱི་རྣམ་པར་སྨིན་པ་དེས་ན་ཁྱོད་ཀྱི་ཡུལ་དུ་སུམ་པའི་དམག་འོང་བར་གྱུར་ཏེ། དེའི་ཚེ་ད་ལྟར་ཇི་ལྟ་བ་བཞིན་དུ་དེར་ང་ཁྱོད་ཀྱི་སྡུག་པའི་མིང་པོར་གྱུར་ལ། ཁྱོད་
D168.059.0221a04.01ཀྱིས་གཅིག་པུ་ལུང་མེད་པར་མི་གཙང་བའི་ཏིང་ངེ་འཛིན་ཐོབ་པར་འགྱུར་བ་དང་། ཁྱོད་ཀྱིས་ཐོག་མ་ཁོ་ནར་གཟུངས་ཐོབ་པར་འགྱུར་བཞིན་དུ། དེའི་ཚེ་ང་ཡང་ཁྱོད་ཀྱི་མཐུས་སེམས་ཅན་དམྱལ་བ་དང་། དུད་འགྲོའི་སྡུག་བསྔལ་རྣམས་ལས་ཐར་བར་གྱུར་ནས་གནོད་སྦྱིན་
D168.059.0221a05.01གྱི་དབང་པོ་རྣམ་ཐོས་ཀྱི་བུའི་གཡོག་བྱེད་པའི་གནོད་སྦྱིན་ཨཱ་ཛུ་ལ་ཞེས་བྱ་བར་གྱུར་ལ་དེས་རྟག་ཏུ་ཁྱོད་བསྲུང་ཞིང་ངས་རྣམ་ཐོས་ཀྱི་བུ་ལ་སོགས་པ་དེ་དག་དང་། གནོད་སྦྱིན་གཞན་དེ་དག་དང་། ལྷའི་ཕོ་བྲང་སུམ་ཅུ་རྩ་གཉིས་དག་ཏུ་ལྷའི་རྒྱལ་པོ་དེ་དག་ལ་དྲན་པར་བསྐུལ་ཏེ། གང་
D168.059.0221a06.01གི་ཚེ་ཁྱོད་ལ་དགོངས་པ་དེའི་ཚེ་འོངས་ནས་ཅི་འདོད་པ་སྒྲུབ་པར་གྱུར་ཅིག་ཅེས་སྨྲས་སོ། །དེར་ལྷ་མོ་དེ་ཉིད་ཀྱི་ནུ་མོ་ཐ་{ཆུངས་,ཆུང་}རྒྱལ་པོ་མ་སྐྱེས་དགྲའི་བུ་མོར་གྱུར་པ་དེས་སྨོན་ལམ་བཏབ་པ། བདག་གི་མིང་པོ་འཕགས་སྐྱེས་པོའི་དམག་གི་ཟླ་ལ་སྡིག་པའི་ལས་བྱས་པ་བདག་གིས་ཐོས་ནས་
D168.059.0221a07.01