完整藏文原文 · 德格版页 当前仅加载第 59 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་འཇམ་དཔལ་གྲོང་ཁྱེར་དུ་འབྱུང་བར་འགྱུར་ཏེ། རིགས་དང་ལྡན་པའི་བུད་མེད་དུ་འགྱུར་རོ། །བྱང་ཆུབ་སེམས་དཔའ་འཇམ་དཔལ་གྱི་སྤྱོད་པ་ཇི་ལྟ་བུ་ཞེ་ན། ཐམས་ཅད་དུ་འདོད་དགུར་སྒྱུར་བའི་གཟུགས་ཅན་ཡིན་ཏེ། བྱང་ཆུབ་སེམས་
D168.059.0252a01.01དཔའི་རང་བཞིན་ཇི་ལྟ་བ་བཞིན་དུ་ཡང་སྣང་། རྒྱལ་པོ་ཇི་ལྟ་བ་བཞིན་དུ་ཡང་སྣང་། རྒྱལ་མོ་ཇི་ལྟ་བ་དང་། དགེ་སྦྱོང་དང་། བྲམ་ཟེའི་གཟུགས་ཇི་ལྟ་བ་དང་། འདོད་པའི་ཁམས་སུ་གཏོགས་པའི་སེམས་ཅན་རྣམས་ཀྱི་བར་དུ་ཐམས་ཅད་དུ་འཇུག་པར་འགྱུར་ཏེ། རོལ་
D168.059.0252a02.01མོ་མཁན་རོལ་མོའི་གནས་ལ་མཁས་པ་གཟུགས་རྣམ་པ་སྣ་ཚོགས་ཐམས་ཅད་སྟོན་པ་བཞིན་ནོ། །ཆགས་པའི་སེམས་དང་ལྡན་པའི་སེམས་ཅན་གྱི་ཐད་དུ་ཡང་ཤིན་ཏུ་ལྷག་པར་སྟོན་ཏོ། །ཅིའི་ཕྱིར་བྱང་ཆུབ་སེམས་དཔའ་འཇམ་དཔལ་བུད་མེད་ཀྱི་གཟུགས་སུ་སྟོན་ཅེ་
D168.059.0252a03.01ན། གང་གི་ཕྱིར་བུད་མེད་ལྷག་པར་འདོད་པའི་འདོད་ཆགས་ལ་ཆགས་པའི་སེམས་དང་ལྡན་པ་ནི་ཤིན་ཏུ་གླེན་ཞིང་ཤིན་ཏུ་སེར་སྣ་ཆེ་བས་ན་དེའི་ཕྱིར་བྱང་ཆུབ་སེམས་དཔའ་འཇམ་དཔལ་ལྷག་པར་བུད་མེད་དུ་སྟོན་ཏོ། །བུད་མེད་བྱང་ཆུབ་ཀྱི་སྤྱད་པ་སྤྱོད་པ་དག་ཀྱང་ཡོད་པས་ན་
D168.059.0252a04.01དེའི་ཕྱིར་ཡང་བྱང་ཆུབ་སེམས་དཔའ་འཇམ་དཔལ་དེ་ལྟ་བུར་བྱེད་དོ། །བུད་མེད་དུ་སྐྱེས་ནས་སྙིང་རྗེ་ཆེན་པོ་ཐོབ་པར་འགྱུར་བའི་དུས་ཀྱང་ཡོད་དོ། །བུད་མེད་རྣམས་ཀྱང་འཛེམ་པར་འགྱུར་བ་དང་། འཁོར་བའི་སྐྱོན་རྟོགས་པར་འགྱུར་བ་དང་། སྐྱེས་པ་གཞན་སྤོང་
D168.059.0252a05.01བར་འགྱུར་བ་དག་ཀྱང་ཡོད་དོ། །གང་གི་ཚེ་བ་བདག་སུམ་པ་དེར་འོངས་ཏེ། མཆོད་རྟེན་ཆེན་པོ་རྣམས་དང་། དྲི་གཙང་ཁང་མང་པོ་དང་། དགེ་འདུན་གྱི་ཀུན་དགའ་ར་བ་བཟང་པོ་རྣམས་བསྲེག་པར་འགྱུར་བར་ལྷ་མོ་དྲི་མ་མེད་པའི་འོད་ཀྱིས་རྟོགས་པ་དེའི་ཚེ་བྱང་ཆུབ་སེམས་
D168.059.0252a06.01དཔའ་སྤྱན་རས་གཟིགས་དབང་ཕྱུག་གིས་ལྷ་མོ་དེ་ལ་འདི་སྐད་ཅེས་སྨྲས་ཏེ། སྲིང་མོ་སྡུག་པ་གང་གི་ཚེ་བཅོམ་ལྡན་འདས་རིན་ཆེན་སྙིང་པོ་གྲོང་ཁྱེར་དུ་གཤེགས་པ་དེ་ན་ང་ཁྱོད་ཀྱི་དགེ་བའི་བཤེས་གཉེན་དུ་གྱུར་ཏེ། དེར་འུ་བུ་ཅག་གཉིས་ཀྱིས་བྱང་ཆུབ་ཀྱི་ཕྱིར་དང་། སེམས་
D168.059.0252a07.01